Amós 1:14 - DIOSPA QHELQACHISQ

¹⁴ Chayrayku noqaqa Rabá llajtaj perqanman ninata jap'iykuchisaj, chay ninataj kamachinanku wasita ruphaykonqa, sinch'i maqanaku kashajtin, muyoj wayra kashajtintaj.

Qheshwa Biblia DC

¹⁴ Chayrayku Rabá llajtaj perqasninman ninata jap'iykuchisaj. Chay ninataj q'olaykonqa palaciosninkuta, may maqanakuy ch'ajwa ukhupi, may qhaparikuy llakiy p'unchaypitaj ukhupi.

DIOSPA QHELQACHISQAN DEUTEROCANONICAL

¹⁴ Chayrayku noqaqa Rabá llajtaj perqanman ninata jap'iykuchisaj, chay ninataj kamachinanku wasita ruphaykonqa, sinch'i maqanaku kashajtin, muyoj wayra kashajtintaj.

Amós 1:14 ပူးပေါင်းရင်းမြစ်များ

2 Samuel 11:1

Chay qhepan wata paray mit'a kashajtin, kuraj kamachejkuna maqanakuman llojsej kanku, chaypacha, Davidqa maqanakuman kacharqa Joabta, yanapajninkunata, chantá tukuy soldadontawan. Paykunaqa amonitakunata maqanakupi atipaykorqanku, Rabá llajtatataj jap'inankupaj muyuykorqanku. Davidtajrí Jerusalenllapi qhepakorqa.

2 Samuel 12:26

Chaykama Joabqa amonitakunaj llajtanku Rabaman maqanakoj kachaykukuspa, kuraj kamachejpa tiyakunan llajtataj jap'iykusharqanña.

2 Samuel 12:31

Chay llajtamanta runakunatataj orqhomuspa, sinch'ita llank'acherqa sierrawan, chujchukawan, jachawan ima. Wakintataj ladrillota ruwachispa llank'acherqa. Chaymantaqa jinallatataj tukuy amonitakunata llank'achillarqataj. Chantá Davidqa Jerusalenman tukuy soldadonkunawan kutiporqa.

1 Crónicas 20:1

Wata qallariyta, chajra oqharina tukukuyta, kuraj kamachejkuna maqanakuman llojsej kanku chaypachata, Joab soldadonkunawan llojsispa, amonitakunaj jap'iyninkuta q'ara pampata ruwarqa. Chantá rispa, Rabá llajtata jap'inanpaj muyuykorqa. Jap'ispataj, raqayllataña saqerparerqa. Davidtajrí Jerusalenllapi qhepakusqa.

Job 39:25

Caballoqa qhaparirispa, trompetaj waqasqanman kutichin, karumantapacha maqanakuta muskhirin, capitankunaj kamachisqankutapis uyarin, soldadokunaj qhaparisqankuta ima.

Salmos 83:15

15 (16) ajinata paykunata sinch'i paraykiwan qhatiykachay, sinch'i muyoj wayraykiwantaj paykunata manchachikuymanta kharkatitichiy.

Isaías 29:6

noqa Tukuy Atiyniyoj Tata Dios paykunata jasut'isaj, qhon qhonkunawan, jallp'a ikhakuywan, manchay ch'ajwawan, sinch'i wayrawan, llojlla parawan, tukuyta q'olaj ninawan ima.

Isaías 30:30

Chaypacha Tata Dios jatunmanta parlasqanta uyarichenqa. Atiyniyoj makinwan k'araj phiñakuyninta rikuchenqa manchayta q'olarparej ninawan, chantá llojlla parawan, manchay muyoj wayrawan, jatuchaj rumi jina chijchi parawan ima. Ajinamanta pay atiyninta rikuchenqa.

Isaías 9:5

5 (4) Soldadokunaj yawarpura p'achanku, botanku ima ninapi ruphachisqa kanqanku.

Jeremías 23:19

Diospa k'araj phiñakuynenqa llojlla para jina, sinch'i muyoj wayra jinataj millay ruwajkunaj patankuman urman.

Jeremías 49:2

Chayrayku noqa Tata Dios kayta nini: Uj p'unchay chayamonqa, chay p'unchaypitaj Amón suyupi Rabá llajtapi maqanakojkunaj qhaparisqankuta uyarichisaj, chay llajtataj raqayllamanña tukuchisqa kanqa. K'iski ranchonkunapis ninawan ruphaykuchisqa kanqanku. Chaypacha Israel chay llajtankunata watej jap'ikapullanqataj. Ajinata Tata Dios nini.

Ezequiel 21:20

20 (25) Uj ñan kanqa Amón suyuman, Rabá llajtaman ima kuraj kamachejpa espadan chayananpaj. Ujnin ñantaj kanqa Judá suyoj sumaj jark'achasqa Jerusalén llajtaman kuraj kamachej chayananpaj.

Ezequiel 21:22

22 (27) Suerte qhawasqantaj paña ladoman llojsin, Jerusalén cheqata señalaspa. Chay señaltaj kayta niyta munan: Kuraj kamachejqa soldadonkunata kamachinan tiyan maqanakuman yaykunankuta, chantá runakunata wañurachiyta qallarinankuta. Paykunataj llajta punkuta thuñina armakunata wakichenqanku, oqharillanqankutaj jallp'a moqokunata, chantá perqata wasaykuna torrekunata ima.

Ezequiel 21:25

25 (30) Qanpajrí, Israelpa kuraj kamachejnin, runa wañuchi millay kamachej, jasut'isqa kanayki p'unchay qayllamunña, millayta ruwanayki tukukunanpaj.

Ezequiel 25:5

Rabá nisqa llajtaykichejta camellokuna michinaman tukuchisaj, chantá Amón suyutapis ovejakunata michinallapaj kanqa. Chaypacha qankunaqa noqa Tata Dios kasqayta yachankichej, nispa.

Ezequiel 25:7

Chayrayku makiyta oqharispa, qankunata jasut'isqaykichej. Waj suyukunamanta runakunamantaj jaywaykusqaykichej, paykuna tukuy kapuyniykichejta qhechusunaykichejpaj. Chay suyukuna ukhumanta qankunata orqhospataj, chinkasqata chinkarparichisqaykichej. Chaypacha noqa Tata Dios kasqayta yachankichej, nispa.

Daniel (hebreo) 11:40

Chantá tukukuy tiempo chayamojtin, uraynejmanta kaj kuraj kamachej wichaynejmanta kaj kuraj kamachejpa contranpi llojlla para yaku jina junt'aykonqa. Wichaynejmanta kaj kuraj kamachejtajrí kaymanta jinalla tukuy atiywan llojsenqa, uraynejmanta kaj kuraj kamachejpa contranpi maqanakunapaj carretakunawan, caballopi purej soldadokunawan, ashkha barcokunawan ima.

Amós 2:2

Chayrayku noqaqa Moab suyuman ninata jap'iykuchisaj, chay ninataj Queriot llajtapi kamachinanku wasita ruphaykonqa. Sinch'i maqanaku kanqa, cornetakunatataj waqachenqanku, jinataj moabitakuna wañuchisqa kanqanku.

Zacarías 7:14

Chayrayku muyoj wayra jina paykunata ch'eqeracherqani mana rejsisqa karu suyukunaman, chay qhepatataj llajtanku ni pejpa tiyakunan ch'inman tukorqa. Paykunamin chay jina k'acha suyuta ch'inman tukucherqanku, nispa.

Deuteronomio 3:11

Refaitakunamanta jatunkaray runakuna nisqamanta, Basanta kuraj kamachej Ogllaña qhepakorqa. Puñunanqa fierromanta ruwasqa karqa, sayt'unman tawa metro, kinrayninmantaj yaqha iskay metro jina. Chay puñunanqa kunankama amonitakunaj llajtanku Rabapi kakushan.