Amós 1:11 - DIOSPA QHELQACHISQ

¹¹ Tata Dios kay jinata nin: Edommanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus mana khuyakuspa, wawqenku israelitakunata wañucherqanku. Phiñakuyninkupi munayninkuta ruwarqanku, paykunatataj ni uj chhikanllatapis khuyarikorqankuchu.

Qheshwa Biblia DC

¹¹ Ajinata nin Señorqa: Edonmanta runasqa ashkha sajra imasta ruwaspa juchallinku, chayrayku paykunata jasut'isajpuni; paykunaqa makinkupi espada oqharisqa hermanosninku israelitasta mana khuyakuspa qhatiykacharqanku. Paykunaqa phiñakuspa munayninkuta ruwarqanku, phiñakuyninkoqa mana thasnukoj karqa.

DIOSPA QHELQACHISQAN DEUTEROCANONICAL

¹¹ Tata Dios kay jinata nin: Edommanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus mana khuyakuspa, wawqenku israelitakunata wañucherqanku. Phiñakuyninkupi munayninkuta ruwarqanku, paykunatataj ni uj chhikanllatapis khuyarikorqankuchu.

Amós 1:11 ပူးပေါင်းရင်းမြစ်များ

2 Crónicas 20:10

Kunanqa kaypi kashanku amonitakuna, moabitakuna, Seír orqomanta kajkunapis. Egiptomanta israelitakuna jamushajtinku, paykunaj suyunkuman yaykunankuta mana munarqankichu. Chayrayku ithirikuspa, mana paykunata wañucherqankuchu.

2 Crónicas 20:11

Qhawariy, kay jinata kutichishawasqaykuta. Qan chayaqepaj qowarqayku, paykuna chay suyumanta wijch'uyta munashawayku.

2 Crónicas 28:17

imaraykuchus Edommanta soldadokuna Judá suyuman ujtawan yaykuykullasqankutaj. Jinaspataj, maqanakupi paykunata atipaykuspa, wakinta presota apakapusqanku.

Salmos 137:7

Tata Dios, edomitakunamanta yuyarikuy. Babiloniokuna Jerusalén llajtata jap'ishajtinku, paykuna nerqanku: Thuñiychej, cimientonkama pampata ruwaychej, nispa.

Salmos 85:5

5 (6) Wiñaypajchu noqaykupaj phiñasqa kanki? Phiñasqallapunichu tukuy tiempo kanki?

Eclesiastés 7:9

Ama imamantapis usqhayllata phiñakuychu, imaraykuchus phiñakoyqa wampu runakunallapaj allin.

Isaías 57:16

Mana wiñaypajchu aylluyta juchachasaj, nitaj wiñaypaj phiñakusajchu. Sichus wiñaypaj phiñakuyman chayqa, ruwasqay runakuna ñawpaqeypi q'enaqakunkuman.

Oseas 8:3

Chaywanpis israelitakuna allin kajta ruwayta qhesachanku, chayraykutaj awqankukuna paykunata qhatiykachanqanku.

Joel 3:19

19 (4.19) Egipto suyurí laqayallaña kanqa, Edom suyutaj ch'inman tukuchisqa kanqa, imaraykuchus paykunaqa Judapi tiyakojkunawan maqanakoj yaykorqanku, jallp'ankupitaj mana juchayojta wañucherqanku.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

Zacarías 1:15

Chayrayku sinch'i phiñasqa kashani mana imamanta llakiyniyoj suyukunaj contrankupi. Maypachachus pisillataraj aylluypaj phiñakorqani chaypacha, paykuna Jerusalén llajtata may sinch'ita ñak'arichispa, astawan phiñachiwarqanku.

Malaquías 1:2

Tata Dios nin: Noqa qankunata munakuykichej, nispa. Qankunatajrí niwankichej: Imaynapi yachaykuman qan noqaykuta munakuwasqaykutari? nispa. Chantá Tata Dios kutichin: Esauqa Jacobpa wawqen karqa. Chaywanpis noqa Jacobta munakorqani, ajinallatataj qankunatapis munakuykichej.

Malaquías 1:4

Esaúj mirayninmanta kajkuna ninkuman: Phirisqa karqanchej. Chaywanpis watej llajtanchejkunata sayachinallataj, nispa. Tukuy Atiyniyoj Tata Diosrí nenqa: Watej llajtankukunata sayarichinkuman chaypis, ujtawan phirillasajtaj. Chay edomitakunaj suyunkutaqa runakuna sutichanqanku: “Millayta ruwaj suyu”, chantá “Tata Diospa wiñaypaj chejnisqan runakuna”, nispa.

Efesios 5:1

Chayrayku Diospa munasqa wawankuna kaspa, pay jina kanaykichejpaj kallparikuychej.

Deuteronomio 23:7

7 (8) Edomitakunatarí ama chejnikunkichejchu, imaraykuchus paykunaqa aylluykichejraj kanku. Nillataj Egipto llajtayojkunatapis chejninkichejchu, imaraykuchus paykunaj llajtankupi waj llajtayoj jina tiyakorqankichej.