Abdías 1:21 - DIOSPA QHELQACHISQ

²¹ Atipajkunaqa Sión orqoman wicharenqanku chaymantapacha Esaúj orqonkunata juchachanankupaj. Chaypachataj Tata Diosmin kuraj kamachej jina kamachenqa.

Qheshwa Biblia DC

²¹ Chay atipajkunaqa Sión orqoman llojsenqanku chaymantapacha juzganankupaj Esaupa chay orqosniyoj lugaresnimpa contrampi, Señorlla kamachenqa.

DIOSPA QHELQACHISQAN DEUTEROCANONICAL

²¹ Atipajkunaqa Sión orqoman wicharenqanku chaymantapacha Esaúj orqonkunata juchachanankupaj. Chaypachataj Tata Diosmin kuraj kamachej jina kamachenqa.

Abdías 1:21 ပူးပေါင်းရင်းမြစ်များ

Génesis 25:23

Tata Diostaj nerqa: Wijsaykipi kaj wawakunaqa iskay suyuta jatarichenqanku. Wijsallaykipiraj iskay ayllu t'aqanasqa kashanku. Ujnin kajqa ujninmanta aswan atiyniyoj kanqa, kuraj kajtaj sullk'anpa kamachin kanqa, nispa.

2 Reyes 13:5

Jinaspa Tata Diosqa israelitakunaman uj kacharichejta kachamorqa, paywantaj Siria llajtayojkunaj makinkumanta kacharichikorqanku. Ajinamanta israelitakunaqa, ñawpajta jina, wasinkupi mana imamanta manchachikuspa tiyakorqanku.

Nehemías 9:27

Chayrayku qanqa paykunata awqankoj makinkuman jaywaykorqanki, chay awqankukunataj sinch'ita paykunata ñak'aricherqanku. Chantá may llakiypi rikukuspa, aylluykeqa qan yanapanaykita mañakusorqanku. Qantaj jatun munakuyniykirayku janaj pachamanta uyarimuspa, chay ñak'arichejkunaj makinkunamanta kacharichinankupaj runakunata churarqanki.

Salmos 102:15

15 (16) Tata Dios, sutiykita tukuy suyu jatunchanqanku. Kay pachamanta kuraj kamachejkunapis atiyniyoj kasqaykita rejsisonqanku,

Salmos 22:28

28 (29) imaraykuchus Tata Diosqa kuraj kamachejmin, paytaj tukuy suyukunata kamachin.

Salmos 22:29

29 (30) Kay pachapi tukuy atiyniyojkuna payta yupaychanqanku. Tukuy wañojkunapis paypa ñawpaqenpi k'umuykullanqankutaj, imaraykuchus paykuna jallp'aman tukoj runalla kanku.

Salmos 47:7

7 (8) Sumaj k'achitu takiyta Diosman takirikuychej, imaraykuchus payqa tukuy kay pachapi kamachishan.

Salmos 67:4

4 (5) Tukuy suyumanta runakuna kusisqa qhaparichunku, imaraykuchus qanqa justiciata ruwaspa, runakunata kamachinki. Qanlla kay pachapi suyukunata allinta michinki.

Isaías 19:20

Chaytaj uj señal kanqa Tukuy Atiyniyoj Tata Diospa sutinta Egipto suyupi yuyarikunankupaj. Awqanku paykunata ñak'arichejtinku, paykuna Tata Diosman qhaparikonqanku, paytaj uj kacharichejta kachamonqa paykunata kacharichinanpaj.

Isaías 24:23

Jerusalenpi, jinataj Sión orqopi Tukuy Atiyniyoj Tata Dios kamachiyta qallarejtin, intiwan, killawan p'enqakuspa laqhayaykonqanku. Chay llajtamanta kurajkunataj Tata Diospa jatun kayninpa lliphipiyninta rikonqanku.

Daniel (hebreo) 12:3

Chantá yachayniyoj runakunaqa janajpi k'anchay jina k'anchanqanku, ashkha runaman cheqanta ruwaspa puriyta yachachejkunataj wiñaypaj ch'askakuna jina lliphipirenqanku.

Daniel (hebreo) 2:35

Chantá ujllata fierropis, t'urupis, broncepis, qolqe metalpis, qoripis ima ñut'u jallp'a jina rikhurisqa. Jinataj imaynatachus trigota wayrajtinchej wayraqa pajata apakapun, ajinata wayraqa chay tukuyta oqharisqa mana imata puchuchispa. Lantita phiriykusqa, chay rumitajrí jatun orqoman tukusqa, tukuy kay pachamantaj junt'aykusqa.

Daniel (hebreo) 2:44

Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Daniel (hebreo) 7:14

Chantá payman qosqanku tukuy atiyta may jatunchasqa kananpaj, tukuy kaj chhikata kamachinanpaj ima, ajinamanta tukuy suyukunamanta kajkuna, tukuy parlayniyoj kajkuna ima kamachiyninpi kanankupaj. Chaymantapachataj wiñaypaj kamachenqa, kamachinantaj mana jayk'ajpis tukukonqachu.

Daniel (hebreo) 7:27

Chantá kay pachapi kamachinapaj atiywan, kallpawan, jatunchasqa kaywan ima Patapi Kaj Diospa ayllunman qosqa kanqa. Paypa kamachiynenqa wiñaypaj kanqa, jinataj kay pachapi kaj chhika suyukuna payta kasonqanku, munaynintataj ruwanqanku, nispa.

Joel 2:32

32 (3.5) Chaywanpis pikunachus noqa Tata Diospa sutiyta oqharispa Diosninkupaj rejsikapuwajkunaqa wañunamanta qhespichisqa kanqanku. Noqa Tata Dios nisqayman jina Sión orqopi, Jerusalenpi ima paykunata qhespichisaj. Pikunatachá noqa ajllasaj, chaykunamin kawsanqanku.

Miqueas 4:7

Chaykunawan, qhepakojkunawantaj kallpayoj suyuta ruwasaj. Chantá noqa Tata Diosmin Sión orqopi Israel suyuyta wiñaypaj kamachisaj.

Zacarías 14:9

Chay p'unchayqa Tata Dioslla tukuy kay pachata kamachenqa. Chaypacha uj k'ata Tata Dioslla kanqa, uj k'atallataj sutinpis kanqa.

San Mateo 6:10

Jamuspa noqaykuta kamachiyta qallariy, munayniykitaj kay pachapi ruwasqa kachun, imaynachus janaj pachapi ruwakun, ajinallatataj.

San Mateo 6:13

Chantá juchallinaman tanqasqa kashajtiyku, ama kasojta saqewaykuchu, manachayqa jark'awayku Supayta kasunaykumanta. Kayta mañarikuyku, imaraykuchus qanmin Tukuyta Kamachej kanki, tukuy atiyniyojtaj, tukuypaj jatunchasqataj wiñay wiñaynintinpaj. Ajina kachun, nispa.

San Lucas 22:30

Ajinamanta noqa kamachishajtiy, qankuna noqawan mikhunkichej, ujyankichejtaj ima. Jinallataj kamachina tiyanapi tiyaykunkichej Israelpa chunka iskayniyoj jatun ayllunkunata juzganaykichejpaj, nispa.

1 Timoteo 4:16

Qan imaynatachus purisqaykita allinta qhawakuy, jinallataj wajkunaman imatachus yachachisqaykitapis. Chantá imachus cheqan kajpi sinch'ita sayay qhespichisqa kasqaykej allinninpaj, jinallataj uyarisojkunapis qhespichisqa kanankupaj.

Santiago 5:20

kayta yachaychej: Pichus karunchakojta cheqan ñanman kutirichimojqa karunchakojta wañunanmanta qhespichenqa, tarenqataj Tata Dios chay karunchakojpa ashkha juchanta pampachananta.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

Apocalipsis 19:6

Jinallataj ashkha runaj parlasqanta jina uyarillarqanitaj, ashkha yakoj phajchasqanta jina, chantá ashkha qhon qhonkunaj manchay sinch'i t'ojyasqanta jina. Paykunataj nisharqanku: Tata Dios jatunchasqa kachun, imaraykuchus Tukuyta Kamachej, Tukuy Atiyniyoj Diosninchej kamachishanña.

Apocalipsis 20:4

Rikullarqanitaj kamachina tiyanakunata, chaykunapitaj tiyakusharqanku, pikunachus juzganankupaj atiyta jap'erqanku, chaykuna. Umanku qholusqa kajkunaj almankutapis rikullarqanitaj, pikunachus Jesusmanta, chantá Diospa simi nisqanmanta ima willasqankurayku wañuchisqa kasqanku, chaykunata. Paykunaqa sierpeta, lantintapis mana yupaychasqankuchu, manallataj mat'inkupi, chayrí makinkupipis marcanwan marcachikusqankuchu. Kunantajrí paykuna kawsarimpuspa, Cristowan khuska waranqa watata kamacherqanku.

Jueces 2:16

Chaypacha Tata Diosqa juezkunata churarqa, suwakunaj makinkumanta israelitakunata kacharichinankupaj.

Jueces 3:9

Chaymantataj israelitakunaqa Tata Diosman qhaparikorqanku, Tata Diostaj churarqa uj juezta, Cenazpa churin Otonielta, chay Cenazqa Calebpa sullk'a wawqen karqa.