Abdías 1:19 - DIOSPA QHELQACHISQ

¹⁹ Chantá Neguevpi tiyakoj israelitakuna Esaúj orqonkunata jap'ikaponqanku, vallemanta kajkunataj filisteokunaj jallp'ankuta. Chantapis jap'ikapullanqankutaj Efrainpa jallp'anta, Samariaj jallp'anta ima, Benjaminmanta kajkunataj Galaadta jap'ikaponqanku.

Qheshwa Biblia DC

^19-20 Neguevmanta kajkuna israelitas, Esaojpa chaynejpi chay orqosta jap'ikaponqanku, Sefelamanta kajkunataj filisteospa jallp'asninkuta jap'ikaponqanku. Chantapis jap'ikapullanqankutaj Efraimpa jallp'asninta, Samariaj jallp'asninta, jinataj Benjamimpata kajkuna Galaadta jap'ikaponqanku. Chay chhika wijch'usqasmanta kajkunamanta israelitas cananeospa jallp'asninmanta, Sarepta chaynejkama. Jerusalempi presos kajkunamanta, chay Sefarad chaynejpi jina kashanku. Chaykunamantaqa Neguedpi chay llajtasta jap'ikaponqanku.

DIOSPA QHELQACHISQAN DEUTEROCANONICAL

¹⁹ Chantá Neguevpi tiyakoj israelitakuna Esaúj orqonkunata jap'ikaponqanku, vallemanta kajkunataj filisteokunaj jallp'ankuta. Chantapis jap'ikapullanqankutaj Efrainpa jallp'anta, Samariaj jallp'anta ima, Benjaminmanta kajkunataj Galaadta jap'ikaponqanku.

Abdías 1:19 ပူးပေါင်းရင်းမြစ်များ

2 Reyes 17:24

Chaymanta qhepaman Asiria suyuta kuraj kamachej Babiloniamanta, Cutamanta, Avamanta, Jamatmanta, chantá Sefarvayinmanta ima runakunata Samariaman apamorqa. Israelitakunaj cuentankumantataj Samariapi llajtakunaman paykunata churarqa. Ajinata chay runakunaqa Samariamanta dueñochakaporqanku, llajtakunapitaj tiyakorqanku.

1 Crónicas 5:26

Chayraykumá israelitakunaj Diosnenqa Asiria suyuta kuraj kamachej Tiglat Pileserta paykunaj contrankuta kachaykorqa. Tiglat Pilesertaj Rubén jatun aylluta, Gad jatun aylluta, jinataj Manasespa khuskan jatun aylluta waj suyuman aparqa. Paykunataqa Jalajman, Jaborman, Jaraman, chantá Gozán mayuman ima churarqa. Chaypitaj kunankama kashanku.

Esdras 4:17

Chantá kuraj kamachej Artajerjesqa kutichispa, kay jinata qhelqacherqa: Kamachej Rejún, qhelqeri Simeyta, chantá, Samariapi tiyakunku chay wakin kamachej masiykichej, jinallataj Éufrates mayoj inti yaykuynej ladopi tiyakojkunapis, napaykamuykichej.

Esdras 4:2

Chayrayku Zorobabelwan, Josuewan, ayllukunaj kurajninkuwan ima parlaj rispa, nerqanku: Noqayku kay Tata Diospa Templonta ruwaysisqayku. Noqaykupis qankuna jina Diosniykichejta yupaychallaykutaj. Esarjadón Asiriapi kuraj kamachej kashajtin, kayman apamuwarqayku, chaymantapachataj Diosman uywata ñak'aspa jaywashayku, nispa.

Salmos 69:35

35 (36) Diosqa Sionta qhespichenqa, Judapi llajtakunatataj ujtawan sayarichenqa. Chantá wawankuna chaypi tiyakonqanku, jallp'ankutataj watej jap'ikaponqanku.

Jeremías 32:44

Jallp'ata qolqewan rantikuspa, papel ruwasqankuta sellaspa testigokunaj rikunankuta wakichenqanku. Ajina kanqa Benjamín jap'iypi, jinallataj Jerusalén llajtaj muyuyninpi, chantapis Judáj llajtankunapi, orqorara cheqanejpi kaj llajtakunapi, pampapi kaj llajtakunapi, jinataj Néguev cheqapi kaj llajtakunapi ima. Ajina kanqa, imaraykuchus noqa Babiloniamanta paykunata kutichimusaj. Noqa Tata Dios chayta nini.

Jeremías 49:1

Amón suyoj contranpi Tata Dios kay jinata nerqa: Manachu Israelqa wawakunayoj? Israelpataqa manachu pininpis tiyanri? Imaraykutaj Milcón lanteqa Gadpa jallp'anta jap'ikapun? Imaraykutaj amonitakuna Gadpa llajtankunapi tiyakushankuri?

Ezequiel 25:16

Chayrayku noqa Tukuyta Kamachej Tata Dios nini: Makiyta oqharispa, filisteokunata jasut'isaj. Creta llajtayojkunata ni uj puchuyojta saqesaj, jinataj qocha kantupi kajkunatapis tukuchillasajtaj.

Ezequiel 36:28

Chantá ñawpa tataykichejkunaman qorqani, chay suyupi tiyakunkichej. Qankunaqa aylluy kankichej, noqataj Diosniykichej kasaj.

Amós 1:13

Tata Dios kay jinata nillantaj: Amonmanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus jallp'ankuta jatunyachinankurayku, Galaadpi onqoj warmikunaj wijsankuta khallararqanku.

Amós 1:8

Asdodpi tiyakojkunata phirita ruwasaj, Ascalonpi kuraj kamachejtapis chinkarparichisaj. Tukuy atiyniywan Ecronpa contranpi kachaykukusaj, tukuynin filisteokunataj wañurachisqa kanqanku, nispa. Ajinata Tukuyta Kamachej Tata Dios nin.

Amós 9:12

Edommanta puchojkuna, tukuy suyukunamanta puchojkunawan ima watej Israelpata kanqanku, pikunachus sutiyta yupaychanku, chaykunajta. Tata Dios ajinata nin, chaytaj junt'akonqapuni.

Miqueas 7:14

Tata Dios, Israel aylluykita waqaychay qanpa tropaykita jina, imaraykuchus montepi chinkasqa oveja jina kashanku. Paykunata sumachaj jallp'akunaman pusariy. Ñawpajta jina, Basanpi chantá Galaadpi pastoman pusay.

Números 1:32

Joséj churinkunamantaqa Efraín jatun ayllumanta 40.500 qharikuna yupasqa karqanku. Manasés jatun ayllumantataj 32.200 qharikuna yupasqa karqanku.

Josué 13:25

Paykunamantaj Galaad jap'iymanta kaj tukuy llajta, chantá Jazerpa jap'iynin ima chayarqa, chantá amonitakunaj khuskan jap'iyninku ima, chaytaj Rabá chimpapi Aroer llajtakama karqa.

Josué 13:31

Kay khuskan jatun aylluman, pikunachus Manasespa wawan Maquirpa mirayninmanta karqanku, chaykunaman Moisés Galaad jap'iypa khuskanninta qosqa. Chaytawan khuska Astarot llajtata chantá Edrey llajtatawan qollasqataj. Kay llajtakunapi Og sutiyoj kuraj kamachej kamachisqa.

Josué 15:21

Uranejman Edompa jap'iyninwan tinkuypi jap'isqan Judáj chay llajtankuna kaykuna karqanku: Cabsel, Edar, Jagur,

Josué 15:33

Pampapi kaj llajtakunataj kaykuna karqanku: Estaol, Sorá, Asena,