Abdías 1:18 - DIOSPA QHELQACHISQ

¹⁸ Jacobpata, jinataj Josejpata ayllunkuna nina lawraj jina kanqanku. Esaujpa ayllunmanta kajkunatajrí ch'aki qhora jina chay ninawan ruphachisqa kanqanku. Ni pi Esaujpa ayllunmanta kawsashaj qhepakonqachu. Noqa Tata Diosmin chayta nini.

Qheshwa Biblia DC

¹⁸ Jacobpata jinataj Josejpata ayllusninkoqa nina larwashajman jina tukuchisqas kanqanku. Esaojpa ayllunmanta kajkunataj q'opa jina mana chhikan puchuyojta ninawan q'olasqas kanqanku! Ni mayqempis Esaumanta kajkunamantaqa salvakonqachu. Noqa Señor chayta nini.

DIOSPA QHELQACHISQAN DEUTEROCANONICAL

¹⁸ Jacobpata, jinataj Josejpata ayllunkuna nina lawraj jina kanqanku. Esaujpa ayllunmanta kajkunatajrí ch'aki qhora jina chay ninawan ruphachisqa kanqanku. Ni pi Esaujpa ayllunmanta kawsashaj qhepakonqachu. Noqa Tata Diosmin chayta nini.

Abdías 1:18 ပူးပေါင်းရင်းမြစ်များ

2 Samuel 19:20

20 (21) Noqa yachakuni juchallisqayta, chayrayku tukuynin Joséj ayllunmanta, noqaqa aswan ñawpajta, kuraj kamachejniyta taripaj llojsimuni, nispa.

Éxodo 5:12

Chayrayku israelitakuna tukuy Egipto suyuman rispa, rastrojota ichhoj cuentanmanta apamorqanku.

Isaías 10:17

Israelpa K'anchaynin Tata Diosqa nina lawray jina kanqa. May Llimphu Tata Diosqa lawrarishaj ninaman rijch'akonqa. Uj p'unchayllapi ch'uminta, khishkantawan rupharparenqa.

Isaías 31:9

Asiriamanta soldadokunaqa sinch'i manchariywan mana kallpayoj rikhurenqanku, kurajninkukunapis maqanakuna wiphalankuta saqerparenqanku mayta manchachikusqankurayku. Tata Dios chayta nin. Sionpi nina lawraynin tiyan, Jerusalenpitaj ruphachina hornon tiyan, chaywan awqankunata ñak'arichinanpaj.

Isaías 47:14

Chaykunarí q'opa jinalla kanqanku. Ninaqa paykunata ruphaykonqa, manataj nina lawraymanta ayqekuyta atenqankuchu. Chay ninaj k'ajaynenqa mana ñawpaqenpi tiyarikuspa q'oñikunapajchu.

Isaías 5:24

Chayrayku imaynatachus nina ichhuta q'olaykun, lawraynintaj ch'aki laqheta ujllata rupharparin, ajinallatataj qankunapis chinkachisqa kankichej. Qankunaqa saphinmanta ismoj yura jina kankichej, t'ikantaj ñut'u jallp'aman tukupun, ajina, imaraykuchus Tukuy Atiyniyoj Tata Diospa kamachisqanta qhesacharqankichej, Israelpa May Llimphu Kaj Diosninpa nisqantataj pisipaj qhawarqankichej.

Isaías 9:18

18 (17) Tukuy millay ruwayqa nina jina lawrarin. Imaynatachus nina q'olaykun khishkakunata, qhorakunata ima, ajinata lawrarin, imaynatatajchus sach'akunata q'olaykun, q'oshñipis chaymanta manchayta llojsimun, ajinata.

Isaías 9:19

19 (18) Tukuy Atiyniyoj Tata Diospa phiñakuyninrayku tukuy suyu lawrarishan, runakunataj ninata enqhanapaj llant'a jina kanku. Chaypacha mana pipis runa masinta khuyanqachu.

Jeremías 11:23

Paykunamanta ni ujllapis kawsashaj qhepakonqachu, imaraykuchus jasut'inay watapi patankuman ñak'ariykunata kachaykamusaj, nispa.

Ezequiel 37:16

Runaj churin, uj k'aspita oqharispa, chaypi kay jinata qhelqay: Kayqa Judá jatun ayllupaj, pikunachus payman tantakamorqanku, chay israelitakunapajwan, nispa. Chantá waj k'aspita oqharispa, chaypi qhelqallaytaj: Kayqa Efrainpaj, Josejpa miraynin kajpaj, pikunachus tukuy Israel ayllumanta payman tantakamorqanku, chaykunapajwan, nispa.

Ezequiel 37:19

Qantaj kutichinki: Tukuyta Kamachej Tata Dios kay jinata nin: Joséj k'aspinta jap'isaj, mayqenchus Efrainpa makinpi kashan, chayta. Chantá Israelpa ayllunkuna pikunachus payman ujchasqa kashanku, chaykunatapis jap'illasajtaj. Chaymantataj Judáj k'aspintawan ujllaman tantaykuspa, uj k'aspillaman tukuchisaj, jinamanta makiypi ujlla kanankupaj, nispa.

Joel 2:5

Orqonejpi phawasqankoqa maqanakupi carretakunaj takanakusqanman rijch'akun. Imaynatachus ch'aki laqhe ruphajtin sonarin, ajinata sonarinku. Ashkha atiyniyoj soldadokuna jina maqanakoj yaykunankupaj wakichisqa kanku.

Amós 1:8

Asdodpi tiyakojkunata phirita ruwasaj, Ascalonpi kuraj kamachejtapis chinkarparichisaj. Tukuy atiyniywan Ecronpa contranpi kachaykukusaj, tukuynin filisteokunataj wañurachisqa kanqanku, nispa. Ajinata Tukuyta Kamachej Tata Dios nin.

Amós 5:15

Mana allin kajta chejniychej, allin kajtataj munakuychej. Justicia ruwana wasipi cheqan justicia ruwasqa kananta mask'aychej. Jinata ruwajtiykichej, ichapis Tukuy Atiyniyoj Tata Dios puchoj israelitakunamanta khuyarikunman.

Amós 6:6

Jatuchaj copapi vinotapis ujyankichej, sumachaj q'apashaj jawinawan jawikunkichej, manataj llakikunkichejchu llajtaykichej mana allin kashasqanmanta.

Abdías 1:16

Noqapaj t'aqasqa orqoypi imaynatachus qankuna phiñakuyniywan junt'a vasoymanta ujyarqankichej, ajinallatataj waj suyukunapis chaymanta ujyallanqankupuni. Chantá ujyanqanku, thatanqanku, manataj jayk'ajpis kankumanchu karqa jina kanqanku.

Miqueas 5:8

8 (7) Chaypacha Jacobpa ayllunmanta puchojkunaqa ashkha suyukunaj chawpinkupi kanqanku, imaynatachus león k'ita animalkuna ukhupi purin, ajinata. Imaynatachus uña león ovejakunaj chawpinkuta pasaj jinalla t'ajllaspa wañurachin, manataj ujtapis saqenchu, ajina Jacobpa ayllunmanta puchojkuna kanqanku waj suyukuna ukhupi.

Nahúm 1:10

Khishkarara ch'awjra jina, ch'aki ichhu jinataj tukuynin awqankuna ruphachisqa kanqanku.

Zacarías 12:6

Chay p'unchaypi Judamanta kurajkunata ruwasaj llant'a ukhupi nina k'ajarishaj jina kanankupaj, trigo marq'a ukhupitaj uj lawrashaj nina jina kanankupaj. Qayllapi kaj suyukunata, lloq'enpi kajta, pañanpi kajtapis phirenqanku. Chantá runakuna watej Jerusalenpi tiyakonqanku.

Malaquías 4:1

1 (3.19) Tukuy Atiyniyoj Tata Dios nin: Horno jina lawraj juicio p'unchay qayllamushanña, chay p'unchaypitaj tukuy jatunchakojkuna, tukuy millayta ruwajkuna ima ichhu jina ruphanqanku. Chay jamoj p'unchaypi ninaqa tukuyninkuta q'olanqa, nitaj imapis paykunamanta puchonqachu.

1 Corintios 3:12

Pichus chay cimiento patapi wasichajqa kay jina imakunawan wasichayta atinman: Qoriwan, qolqe metalwan, lliphipirishaj rumiwan, chayrí k'aspiwan, ichhuwan, ch'aki laqhewan ima.