Abdías 1:17 - DIOSPA QHELQACHISQ

¹⁷ Chaywanpis Sión orqoqa Diospaj t'aqasqa nisqa kanqa. Chayman wakinkuna ayqekuyta atenqanku. Jacob ayllumanta kajkuna jallp'ankuta watej chayaqeta jina jap'ikapullanqankutaj.

Qheshwa Biblia DC

¹⁷ Jinapis, Sión orqoqa uj santo lugar kanqa. Chayman chay puchojkunaqa ayqekunaqanku. Jacob ayllumanta kajkunaqa jallp'asninkuman kutipullanqankutaj.

DIOSPA QHELQACHISQAN DEUTEROCANONICAL

¹⁷ Chaywanpis Sión orqoqa Diospaj t'aqasqa nisqa kanqa. Chayman wakinkuna ayqekuyta atenqanku. Jacob ayllumanta kajkuna jallp'ankuta watej chayaqeta jina jap'ikapullanqankutaj.

Abdías 1:17 ပူးပေါင်းရင်းမြစ်များ

Salmos 69:35

35 (36) Diosqa Sionta qhespichenqa, Judapi llajtakunatataj ujtawan sayarichenqa. Chantá wawankuna chaypi tiyakonqanku, jallp'ankutataj watej jap'ikaponqanku.

Isaías 1:27

Cheqan ruway justiciawan Sión llajtata kacharichisaj, jinallataj Jerusalenpi tiyakojkunamanta pikunachus noqaman kutirikamojkunatapis qhespichisaj.

Isaías 4:2

Chaywanpis aswan qhepamanqa Tata Diospa ijichisqan manchay k'achitu kanqa. Chantá puchoj israelitakuna jallp'aj poqoyninmanta mayta kusikonqanku, chaynejtataj may uyarisqa kanqanku.

Isaías 46:13

Noqaqa justiciayta qayllachimusaj, manataj karupichu kashan. Qhespichinaypis usqhayta chayamullanqataj. Noqaqa Sionta qhespichisaj, Israelpitaj jatun kayniypa lliphipiynin rikukonqa, nispa.

Isaías 60:21

Chaypacha tukuyniykichej cheqanta ruwajkuna kankichej, jallp'aykichejtapis wiñaypaj jap'ikapunkichej. Qankuna mallkisqaypa ijimuynin kankichej, makiypa ruwasqantaj noqata jatunchanawaykichejpaj.

Isaías 65:9

Manachayqa Jacobpa churinkunata mirachisaj, Judá ayllumantataj wakinta ajllakusaj, orqoykunata chayaqenkupaj paykunaman qonaypaj. Ajllakusqaykunaqa chayaqenkupaj jallp'ata jap'enqanku, chaypitaj kamachiykuna tiyakonqanku.

Jeremías 31:23

Israelpa Tukuy Atiyniyoj Tata Diosnin kayta nin: Waj suyuman apasqa kasqankumanta paykunata kutichimojtiy, Judá suyu ujtawan paykunaj jallp'ankupi, llajtankupi ima tiyakonqankuña. Chantá nenqanku: Tata Dios saminchachun Diospaj t'aqasqa llajtata, jinallataj Diospa Templonta, maypichus justicia ruwakun, chayta, nispa.

Jeremías 44:14

Judiokunamanta Egiptoman tiyakapoj ripojkunamanta mana ujllapis wañunamanta llusp'enqachu. Judá suyuman kutipuyta munashaspapis, manapuni kutiponqankuchu, manachayqa ripojkunamanta uj mashkhalla kutenqanku, nispa.

Jeremías 44:28

Pisi runakunalla wañunamanta llusp'enqanku, chay puchojkunallataj Egiptomanta Judá suyuman kutiponqanku. Ajinamanta Judamanta tiyakoj ripojkunaqa yachanqanku pejpa nisqanchus junt'akunanta, noqajtachus, chayrí paykunajtachus.

Jeremías 46:28

Noqa Tata Diosmin kayta nini: Ama manchachikuychu, Jacobpa ayllun, imaraykuchus noqa qanwan kashani. Maykunamanchus ch'eqeracherqayki, chay tukuy suyukunata phirisaj. Jinapis qantaqa mana chinkachisqaykichu, manachayqa mana allinta ruwasqaykiman jina jasut'ispa, cheqan ñanman churasqayki. Qanqa jasut'isqapuni kanayki tiyan. Noqa Tata Diosmin chayta nini.

Ezequiel 36:12

Israelpa orqonkuna, Israel aylluy qankunapi purinankuta ruwasaj. Paykunaqa qankunamanta dueñochakonqanku, qankunataj paykunaj chayaqenku kankichej, manañataj jayk'ajpis wawankuta wañuchinkichejchu, nispa.

Ezequiel 7:16

Tukuyninku mancharisqa urpi jina orqoman ayqenqanku chaypis, juchankurayku tukuy wañonqanku.

Daniel (hebreo) 7:18

Chay qhepatarí Patapi Kaj Dios ayllunman kamachina atiyta qonqa, paykunataj wiñaypaj kamachenqanku, nispa.

Joel 2:32

32 (3.5) Chaywanpis pikunachus noqa Tata Diospa sutiyta oqharispa Diosninkupaj rejsikapuwajkunaqa wañunamanta qhespichisqa kanqanku. Noqa Tata Dios nisqayman jina Sión orqopi, Jerusalenpi ima paykunata qhespichisaj. Pikunatachá noqa ajllasaj, chaykunamin kawsanqanku.

Joel 3:17

17 (4.17) Chaypacha qankuna yachankichej, noqa Tata Diosniykichej t'aqakusqay Sión orqopi tiyakusqayta. Jerusalenqa noqapaj t'aqakusqay llajta kanqa, manañataj jayk'ajpis waj llajtayojkuna jap'enqankuchu.

Joel 3:5

5 (4.5) Qankunaqa qolqeyta, qoriytapis suwawarqankichej, temploykichejmantaj tukuy imayta apakaporqankichej.

Amós 9:8

Tukuyta Kamachej Tata Dios qhawamushan kay juchasapa suyuta. Chantá nin: Kay millay suyuta kay pachamanta chinkachisaj. Chaywanpis Jacobpa ayllunmanta mana tukuyninkutachu chinkachisaj, nispa nin Tata Diosqa.

Zacarías 8:12

Paykuna ukhupi allinpi kawsakuy tarpusqa kanqa. Uva sach'akunapis poqonqanku, chajrata tarpusqankupis ima munayta poqorenqa. Parapis paramullanqapuni. Noqataj kutimoj israelitakunaman kay tukuy imata paykunajta kananpaj qosaj.

Zacarías 8:3

Chayrayku Sionman kutisaj, Jerusalenpitaj tiyakapusaj. Chaypacha Jerusalenqa Cheqanta Purej Llajta nisqa kanqa. Tukuy Atiyniyoj Tata Diospa orqontaj Diospaj T'aqasqa Orqo nisqa kanqa, nispa.

Apocalipsis 21:27

Chaymanqa mana ni ima ch'ichi kajpis yaykonqachu, nitaj millayta ruwajkuna, ni llullakojkunapis. Manachayqa Corderoj kawsay p'anqanpi listasqa kajkunalla yaykonqanku.