2 Samuel 9:1 - DIOSPA QHELQACHISQ

¹ Uj kuti Davidqa taporqa: Saulpa ayllunmanta pillapis kawsashanrajchu, Jonatanpa sutinpi payta yanapanaypaj? nispa.

Qheshwa Biblia DC

¹ Uj kutipi Davidqa tapurerqa: Saulpa ayllunmanta pillapis kausanrajchu, Jonatampi sutimpi payta khuyanaypaj?, nispa.

DIOSPA QHELQACHISQAN DEUTEROCANONICAL

¹ Uj kuti Davidqa taporqa: Saulpa ayllunmanta pillapis kawsashanrajchu, Jonatanpa sutinpi payta yanapanaypaj? nispa.

2 Samuel 9:1 ပူးပေါင်းရင်းမြစ်များ

2 Samuel 1:26

Jonatán wawqéy, sinch'i llakisqa kashani. Noqaqa kikin wawqeymantapis astawan munakorqayki. Qanpa munakuyniykipis warmikunaj munakuyninkumantapis aswan karqa.

2 Samuel 21:7

Chaywanpis Davidqa Saulpa allchhin, Jonatanpa churin Mefibosetta khuyarqa, paywan Jonatanwan Tata Diospa ñawpaqenpi uj tratota ruwasqankurayku.

2 Samuel 9:7

Davidtaj nerqa: Ama manchachikuychu. Noqaqa cheqamanta tatayki Jonatanta munakusqayrayku qhawasqayki. Jinataj jatun tataykej Saulpa jallp'anta kutichipusunankuta kamachisaj, wasiypitaj sapa p'unchay mikhunki, nispa.

1 Reyes 2:7

Galaadmanta Barzilaypa churinkunatarí khuyarinki, wasiykipitaj mikhuchinki, imaraykuchus paykunaqa khuyawarqanku wawqeyki Absalonmanta ayqekushajtiy.

Proverbios 27:10

Amapuni kawsaqeykitaqa saqeychu, nitaj tataykej kawsaqenmanta qonqaychu. Llakiy phutiypi kaspaqa, ama wawqeykej wasinman riychu. Aswan allinmin qayllapi wasi masillaykej wasinman rinayki karupi kaj wawqeykiman rinaykimantaqa.

San Mateo 10:42

Sichus pipis yachachisqaykunamanta pisipaj qhawasqa kajman uj vaso yakullatapis jaywarin yachachisqay kasqanrayku chayqa, kayta sut'itapuni niykichej: Chay runaqa t'inkata jap'enqapuni, nispa.

San Mateo 25:40

Kuraj Kamachejtaj paykunaman kutichenqa: Kayta sut'ita niykichej: Imatachus aswan pisipaj qhawasqa ujnin kaj wawqeypaj ruwarqankichej, chaytaqa noqapajmin ruwarqankichej, nispa.

Marcos 9:41

Sichus pipis sutiypi uj vaso yakullatapis jaywarisunkichejman Cristojta kasqaykichejrayku chayqa, sut'ita niykichej: Diosqa payman t'inkata qonqapuni, nispa.

1 Pedro 3:8

Ajinaqa tukuyniykichej uj sonqolla kaychej. Ujkuna ujkuna khuyarinakuychej, Jesucristota qhatejkunapurataj q'ayachanakuspa kawsakuychej. Jinallataj allin sonqoyoj kaychej, chantá llamp'u sonqo ima.

1 Samuel 20:42

Chaymanta Jonatanqa Davidta nerqa: Ama llakikuspalla ripuy. Tilusqanchejqa Tata Diospa ñawpaqenpimin karqa. Tata Dios chaymanta yachan qanwan noqawan wiñaypaj kawsakunanchejpaj, jinallataj qanpa mirayniykiwan, noqaj mirayniywanpis kawsakunankupaj, nispa.