2 Samuel 8:6 - DIOSPA QHELQACHISQ

⁶ Chaymantataj Damasco llajtapi Davidqa soldadonkunata churarqa. Jinamanta arameokunapis paypa makinpi karqanku, impuestotataj pagaj kanku. Ajinata ari, Tata Diosqa Davidtaqa mayman maqanakoj rejtinpis yanapallarqapuni.

Qheshwa Biblia DC

⁶ Chaymantataj Davidqa soldadosninta churarqa Damasco jallp'a Siriapi, jinamanta siriospis paypa kamachisnin karqanku, tasatataj pagaj kanku. Ajinata ari, Señorqa, Davidtaqa atipachillarqapuni maymampis rejtenqa.

DIOSPA QHELQACHISQAN DEUTEROCANONICAL

⁶ Chaymantataj Damasco llajtapi Davidqa soldadonkunata churarqa. Jinamanta arameokunapis paypa makinpi karqanku, impuestotataj pagaj kanku. Ajinata ari, Tata Diosqa Davidtaqa mayman maqanakoj rejtinpis yanapallarqapuni.

2 Samuel 8:6 ပူးပေါင်းရင်းမြစ်များ

2 Samuel 10:19

Hadad Ezerta yanapaj kuraj kamachejkunaqa israelitakunawan atipaykuchikusqankuta rikuspa, israelitakunawan allinyakorqanku. Jinamanta israelitakunaj kamachinkupi karqanku. Chaymantapachataj arameokunaqa amonitakunata yanapayta manchachikorqanku.

2 Samuel 23:14

Davidqa chhanka jusk'upi kasharqa, maypachachus filisteokunamanta uj t'aqa soldadokuna Belenpi kasharqanku, chaypacha.

2 Samuel 3:18

Kunanqa Davidta kuraj kamachejniykichej kananpaj churaychej, imaraykuchus Tata Dios nerqapuni paynejta Israel suyuta kacharichinanta filisteokunaj makinkumanta, jinataj tukuy awqankumantapis, nispa.

2 Samuel 5:10

Tukuy Atiyniyoj Tata Dios paywan kasqanrayku, Davidqa astawanpuni kallpachakusharqa.

2 Samuel 7:9

Tukuy puriyniykipi qanllawanpuni karqani, awqaykikunata tukuchispa. Sumaj uyarisqa runaman tukuchiyki kay pachapi may uyarisqa runakunata jina.

2 Samuel 8:14

Chaymantaqa qhawaj soldadokunata churallarqataj tukuy Edom jallp'aman, edomitakunataj Davidpa kamachinkunaman tukorqanku. Ajinamanta Davidqa mayman risqanpipis Tata Diospa yanapayninwan atipallarqapuni.

2 Samuel 8:2

Ajinallataj moabitakunatapis atipallarqataj. Paykunataqa pampaman winkuchispa, q'aytuwan tupucherqa. Chantá pikunachus q'aytuwan iskay tupusqa ukhupi kajkunataqa wañucherqanku, uj tupusqa ukhupi kajkunatataj mana wañucherqankuchu. Ajinamanta chay kawsaj moabitakunaqa Davidpa makinpi karqanku, paymantaj impuestota pagarqanku.

2 Samuel 8:7

Chaymanta Davidqa Hadad Ezerpa soldadonkunata kamachejninkoj qori escudonkukunata qhechuspa, Jerusalenman apakaporqa.

1 Reyes 4:21

21 (5.1)Salomontaj tukuynin waj suyukunatapis kamachillarqataj Éufrates mayumantapacha filisteokunaj suyunkukama. Mojonninkunapis Egipto chaykama karqa. Payman impuestota pagarqanku, kuraj kamachej Salomón kawsanankama kamachinpi karqanku.

2 Reyes 1:1

Kuraj kamachej Ajab wañusqanmanta qhepata, Moab llajtayojkuna israelitakunaj contranpi oqharikorqanku.

2 Reyes 14:28

Jeroboán kamachishaspa tukuy imatachus ruwasqan, wapu kasqan, chay chhika maqanakusqan, imaynatachus Damascota, Jamatta ima Judá suyumanta qhechuspa, Israel suyuman kutichimusqan imaqa Israel suyuta kuraj kamachejkunaj ruwasqankumanta willaj qhelqapi qhelqasqa kashan.

2 Reyes 18:7

Tata Diospis paywan karqa, chayrayku imatachus ruwasqanpi allinpuni rerqa. Ezequiasqa Asiria suyuta kuraj kamachejpa contranpi oqharikorqa, manañataj payta kasorqachu.

2 Reyes 3:4

Moab suyuta kuraj kamachej Mesaqa ovejata uywaspa kawsarqa. Paytaj Israel suyuta kuraj kamachejman sapa wata 100.000 ovejakunata, 100.000 millmayoj corderokunatawan ima impuestota jina pagaj.

1 Crónicas 18:13

Chantá David Edom suyupi qhawanankupaj israelita soldadokunata churarqa. Ajinata edomitakunaqa Davidpa kamachiyninpi karqanku, imaraykuchus Tata Dios Davidta mayllamanpis maqanakoj risqanpi atipananpaj yanaparqa.

2 Crónicas 17:2

Jinallataj tukuynin Judá suyupi sumaj jark'achasqa llajtakunaman soldadokunata churarqa. Tukuynin Judá suyuman soldadokunata churallarqataj, chantá tatan Asa Efrainpi llajtakunata jap'isqanman ima.

Salmos 140:7

7 (8) Tukuyta Kamachej Tata Diosníy, qanmin kanki atiyniyoj qhespichiwajneyqa. Maqanaku p'unchaypi qanmin waqaychawanki.

Salmos 60:10

10 (12) Qan, Diosniyku, noqaykumanta karunchakunki, manañataj soldadoykunaj ñawpaqenta maqanakoj llojsinkichu.

Proverbios 21:31

Runaqa maqanakuman rinanpaj caballonta wakichin. Maqanakupirí Tata Dioslla pitapis yanapan atipananpaj.

1 Samuel 13:3

Chantá Jonatanqa Gabaapi qhawasharqanku chay tukuy filisteo soldadokunata wañuracherqa, chaytataj filisteokuna uyarerqanku. Chaypacha Saúl kamacherqa tukuynin Israel suyupi putututa waqachinankuta: Tukuy israelitakuna uyarichunku, nispa.

1 Samuel 14:1

Uj kuti Saulpa churin Jonatán armanta apaykachapoj kamachinta nerqa: Jaku, jaqay chimpapi filisteo soldadokuna kashanku, chayman rinachej, nispa. Jonatanrí mana imatapis tatanman willarqachu.

1 Samuel 14:15

Chayrayku filisteokuna ukhupi jarapi kashajkuna, jinataj jawapi kashajkunapis mayta mancharikorqanku. Ajinallatataj jatun tropamanta kaj soldadokunapis wateqaj llojsisqanku, chaykunapis mancharillarqankutaj. Chantá chaypachapuni jallp'apis ikhakorqa, chayraykutaj filisteokunaqa manchay mancharisqa kasharqanku.

1 Samuel 14:6

Chantá Jonatanqa armanta apaykachapoj kamachinta nerqa: Jaku, Diosta mana manchachikoj runakunaman rinachej. Ichapis Tata Diosqa noqanchejnejta imatapis ruwanman. Paypajqa ashkha runawanpis, chayrí pisiwanpis atipaykuyta yanapanawanchej atikullan, nispa.