2 Samuel 8:2 - DIOSPA QHELQACHISQ

² Ajinallataj moabitakunatapis atipallarqataj. Paykunataqa pampaman winkuchispa, q'aytuwan tupucherqa. Chantá pikunachus q'aytuwan iskay tupusqa ukhupi kajkunataqa wañucherqanku, uj tupusqa ukhupi kajkunatataj mana wañucherqankuchu. Ajinamanta chay kawsaj moabitakunaqa Davidpa makinpi karqanku, paymantaj impuestota pagarqanku.

Qheshwa Biblia DC

² Ajinallataj moabitasta atipallarqataj, paykunataqa kamacherqa pampapi sirinankuta, chantá uj q'aytuwan miderqa: Pischus q'aytuwan iskay midisqas ukhupi kajkunaqa wañuchisqas kananku karqa, chay q'aytuwan uj midisqa ukhupi kajkunataj kausanankupaj karqa. Ajinamanta moabitasqa Davidpa kamachiynimpi karqanku, paymantaj tasata pagananku karqa.

DIOSPA QHELQACHISQAN DEUTEROCANONICAL

² Ajinallataj moabitakunatapis atipallarqataj. Paykunataqa pampaman winkuchispa, q'aytuwan tupucherqa. Chantá pikunachus q'aytuwan iskay tupusqa ukhupi kajkunataqa wañucherqanku, uj tupusqa ukhupi kajkunatataj mana wañucherqankuchu. Ajinamanta chay kawsaj moabitakunaqa Davidpa makinpi karqanku, paymantaj impuestota pagarqanku.

2 Samuel 8:2 ပူးပေါင်းရင်းမြစ်များ

2 Samuel 12:31

Chay llajtamanta runakunatataj orqhomuspa, sinch'ita llank'acherqa sierrawan, chujchukawan, jachawan ima. Wakintataj ladrillota ruwachispa llank'acherqa. Chaymantaqa jinallatataj tukuy amonitakunata llank'achillarqataj. Chantá Davidqa Jerusalenman tukuy soldadonkunawan kutiporqa.

2 Samuel 8:6

Chaymantataj Damasco llajtapi Davidqa soldadonkunata churarqa. Jinamanta arameokunapis paypa makinpi karqanku, impuestotataj pagaj kanku. Ajinata ari, Tata Diosqa Davidtaqa mayman maqanakoj rejtinpis yanapallarqapuni.

1 Reyes 4:21

21 (5.1)Salomontaj tukuynin waj suyukunatapis kamachillarqataj Éufrates mayumantapacha filisteokunaj suyunkukama. Mojonninkunapis Egipto chaykama karqa. Payman impuestota pagarqanku, kuraj kamachej Salomón kawsanankama kamachinpi karqanku.

2 Reyes 1:1

Kuraj kamachej Ajab wañusqanmanta qhepata, Moab llajtayojkuna israelitakunaj contranpi oqharikorqanku.

2 Reyes 17:3

Chantá Asiria suyuta kuraj kamachej Salmanasar jamuspa, Oseaspa contranta maqanakorqa. Chantá atipaykuspa, kamachinman tukucherqa, impuestotapis munajta mana munajta pagacherqa.

1 Crónicas 18:2

Moabitakunatapis atipaykullarqataj, jinamanta paykunaqa Davidpa makinpi karqanku. Impuestotapis payman pagarqanku.

2 Crónicas 26:8

Chaymantataj amonitakunaqa Uziasman impuestota pagarqanku. Uziasqa may atiyniyoj rikhurerqa, sutinpis Egipto suyoj mojonninkama manchay uyarisqa karqa.

Salmos 108:9

9 (10) Moabtajrí mayllakunay ch'illami. Edomman juk'utayta wijch'usaj, filisteokunata atipasqaymantataj kusisqa qhaparisaj.

Salmos 18:45

45 (46) Waj llajtayojkuna q'ewayanku, pakakusqankumantataj kharkatitispa llojsimunku.

Salmos 60:10

10 (12) Qan, Diosniyku, noqaykumanta karunchakunki, manañataj soldadoykunaj ñawpaqenta maqanakoj llojsinkichu.

Salmos 60:8

8 (10) Moabtajrí mayllakunay ch'illami, Edommantaj juk'utayta wijch'usaj. Jinallataj filisteokunata atipasqaymanta qhaparisaj.

Salmos 83:6

6 (7) Edommanta kajkuna, Ismaelmanta, Moabmanta, Agarpa mirayninmanta kajkunapis.

Isaías 36:16

Qankunatajrí ama Ezequiasta kasuychejchu. Aswanpis Asiriata kuraj kamachej nisunkichej: Noqawan tratota ruwaspa, noqaman k'umuykamuychej. Ajinatachus ruwankichej chayqa, sapa ujniykichej uva sach'aykichejmanta, jinallataj higo sach'aykichejmantapis mikhunkichej. Yakutapis sapa uj pujyuykichejmanta ujyankichej.

Números 24:17

Imachus qhepanejman kanqa chayta rikuni, chaytaj manaraj junt'akunrajchu. Jacobpa mirayninmanta uj ch'aska rikhurimonqa, Israel ukhumanta uj kamachej jatarenqa. Paymin Moabta atipaykonqa, Setpata miraynintapis tukuyninta chinkachenqa.

1 Samuel 10:27

Wakin sajra sonqoyoj runakunarí alqorakuspa jina nerqanku: Kaychu noqanchejta yanapawayta atiwasunman? nispa. Paykunaqa Saulta manakajpaj qhawasqankurayku, mana imallatapis waqerinankupaj aparqankuchu. Chaywanpis Saulqa paykunata mana rikoj tukorqachu.

1 Samuel 14:47

Israel suyuta kamachiyta qallarisqanmantapacha Saulqa muyuyninpi kaj tukuy awqakunawan maqanakorqa: Moabwan, Amonwan, Edomwan, Sobaj kuraj kamachejninwan, chantá filisteokunawan ima. Mayllamanpis maqanakoj risqanpi atipallarqapuni.

1 Samuel 22:3

Chaynejmantapacha Davidqa Moab suyupi Mispá llajtaman rispa, Moab suyoj kuraj kamachejninta nerqa: Ama jina kaspa, tataywan, mamaywan ima qankunawan tiyarikuchunku ari, imatachus Tata Dios noqawan ruwananta yachanaykama, nispa.

1 Samuel 22:4

Ajinamanta Davidqa tatan mamanta Moab suyupi kuraj kamachejman pusarqa, paykunataj chaypi tiyakorqanku David chhanka jusk'upi kanankama.