2 Samuel 8:18 - DIOSPA QHELQACHISQ

¹⁸ Joyadáj churin Benaiastaj quereteokunaj, peleteokunaj kamachejninku karqa. Davidpa churinkunataj sacerdotekuna karqanku.

Qheshwa Biblia DC

¹⁸ Joiadaj wawan Benaiataj cereteospa, peleteospa qhawaj soldadospatawan kamachejninku karqa. Davidpa wawasnintaj sacerdotes karqanku.

DIOSPA QHELQACHISQAN DEUTEROCANONICAL

¹⁸ Joyadáj churin Benaiastaj quereteokunaj, peleteokunaj kamachejninku karqa. Davidpa churinkunataj sacerdotekuna karqanku.

2 Samuel 8:18 ပူးပေါင်းရင်းမြစ်များ

2 Samuel 15:18

Kuraj kamachejpa ladonman tukuy kamachinkuna sayarqanku. Chantá kuraj kamachejta qhawaj soldadokuna quereteomanta, peleteomantapis paypa ñawpaqenta pasarqanku. Jinallataj 600 geteokunapis pasallarqankutaj, pikunachus Gat llajtamantapacha kuraj kamachejwan khuska jamusqanku, chaykuna.

2 Samuel 20:23

Joabqa tukuy Israel ayllumanta soldadokunata kamachinanpaj churasqa karqa. Joyadáj churin Benaiastaj quereteokuna, jinataj peleteokuna soldadokunata kamachej karqa.

2 Samuel 20:26

Yaír llajtamanta Irataj Davidpa sacerdotellantaj karqa.

2 Samuel 20:7

Joabpa soldadonkuna, kamachina wasipi qhawajkuna quereteokuna, peleteokuna ima Bicrij churin Sebata mask'aj rerqanku. Jinallataj wapu kaj soldadokunapiwan, Jerusalenmanta Abisaywan khuska llojserqanku.

1 Reyes 1:38

Chaymantataj sacerdote Sadoc, Diosmanta sut'inchaj Natán, Joyadáj churin Benaiaswan, quereteokunawan, peleteokunapiwan ima urayk'orqanku. Salomontataj kuraj kamachej Davidpa mulanman lloq'aykuchispa, Guijonman pusarqanku.

1 Reyes 1:44

Chantá kuraj kamachej Davidpuni Salomontawan khuska sacerdote Sadocta, Diosmanta sut'inchaj Natanta, Joyadáj churin Benaiasta kacharqa, jinallataj quereteokunata, peleteokunatawan ima. Paykunaqa kuraj kamachej Davidpa mulanpi Salomonta lloq'aykucherqanku.

1 Reyes 1:8

Chaywanpis sacerdote Sadoc, Joyadáj churin Benaías, Diosmanta sut'inchaj Natán, Simey, chantá Davidpa wapu soldadonkuna imaqa mana Adoniasman sayasqachu karqanku.

1 Reyes 2:25

Chantá kuraj kamachej Salomonqa Joyadáj churin Benaiasta kamacherqa Adoniasta wañuchimunanta. Paytaj rispa, Adoniasta wañurparicherqa.

1 Reyes 4:4

Joyadáj churin Benaías soldadokunata kamachej karqa. Sadocwan, Abiatarwan sacerdotekuna karqanku.

1 Reyes 4:5

Natanpa churin Azarías kurajkunaj jilaqatanku karqa, sacerdote Natanpa churin Zabudtaj kuraj kamachejpata yuyaychajnin karqa.

2 Reyes 11:4

Qanchis kaj watapitaj sacerdote Joyadaqa soldadokunata, kamachejkunata, chantá kamachina wasita qhawaj soldadokunatawan ima Tata Diospa Templonman wajyacherqa. Chaypi tiluchispataj, paykunawan uj tratota ruwarqa. Chaymantataj kuraj kamachej Ocoziaspa churin Joasta rikhurichimorqa.

1 Crónicas 11:22

Cabselmanta Joyadáj churin Benaiaspis wapu soldado karqa, paytaj ashkha t'ukuna imakunata ruwarqa. Payqa Moabmanta Arielpa iskaynin churinkunata wañucherqa. Uj kuti rit'imushajtin, uj jusk'uman yaykorqa, chaypitaj uj leonta wañucherqa.

1 Crónicas 18:17

Joyadáj churin Benaiastaj Creta llajtamanta, chantá Pélet llajtamanta soldadokunata kamachej karqa. Davidpa churinkunataj yanapajkunamanta aswan kuraj karqanku.

Ezequiel 25:16

Chayrayku noqa Tukuyta Kamachej Tata Dios nini: Makiyta oqharispa, filisteokunata jasut'isaj. Creta llajtayojkunata ni uj puchuyojta saqesaj, jinataj qocha kantupi kajkunatapis tukuchillasajtaj.

Sofonías 2:5

Ay, qankunamanta, Cretapi kajkuna, qocha kantupi tiyakojkuna. Tata Diosqa contraykichejpi ajinata nin: Canaán suyu, filisteokunaj jap'iynin, noqa chinkarparichisqaykichej, mana uj runayojta saqenaykama.

1 Samuel 30:14

Noqaykoqa cereteokunaj jap'iyninkumanta Neguevman, Judaman chantá Calebpa jap'iyninman ima qhechuramoj rerqayku. Siclag llajtamanpis ninata jap'iykuchillarqaykutaj, nispa.