2 Samuel 6:22 - DIOSPA QHELQACHISQ

²² Jinapis astawanraj kunanmanta nisqaqa ruwasaj, ninki jina noqapaj p'enqay kasqanta. Chaywanpis chay sipaskunaqa pikunamantachus parlanki, chaykuna allinpaj qhawawanqanku, nispa.

Qheshwa Biblia DC

²² Jinapis astawanraj kunanmanta nisqaqa ruwasaj, ninki jina noqapaj p'enqay kasqanta, chaywampis chay sipaskuna piskunamantachus parlanki, chaykuna allimpaj qhawawanqanku.

DIOSPA QHELQACHISQAN DEUTEROCANONICAL

²² Jinapis astawanraj kunanmanta nisqaqa ruwasaj, ninki jina noqapaj p'enqay kasqanta. Chaywanpis chay sipaskunaqa pikunamantachus parlanki, chaykuna allinpaj qhawawanqanku, nispa.

2 Samuel 6:22 ပူးပေါင်းရင်းမြစ်များ

Génesis 32:10

10 (11) Tata Dios, noqaqa mana yanapanawaykipaj jinachu kani, nillataj k'acha kayniykiwan qhawanawaykipaj jinachu. Noqaqa Jordán mayuta ni imayoj, varay oqharisqalla chimpamorqani, kunanrí iskay jarayojña kapuni.

2 Samuel 6:21

Davidtajrí Micalman kuticherqa: Arí, tusorqani, Tata Diosta yupaychaspa tusorqani, imaraykuchus payqa ajllawarqa tataykej cuentanmanta jinataj tukuy aylluykejmanta ima, Israel ayllunta kamachinaypaj. Chayrayku Tata Diospa ñawpaqenpi tusullasajpuni.

2 Samuel 6:23

Saulpa ususin Micaltaj wañupunankama mana uj wawatapis rejserqachu.

Job 40:4

Mana imapis kashaspa, ima nispataj qanman kutichiykimanri? Noqapajqa ch'inlla kakunay aswan walej.

Job 42:6

Chayrayku imatachus nisqaymanta p'enqakuni, qanmantaj jallp'a patapi, ushpha patapi ima tiyaspa k'umuykamuyki, nispa.

Salmos 131:1

(1b) Tata Dios, sonqoyqa mana jatunchakunchu, nitaj ñawiypis ni pita pisipaj qhawanchu. Mana jatuchaj t'ukuna imakunaj qhepantachu purini, nitaj mana ruway atinaj qhepantapis.

Isaías 50:6

Seq'owajkunaman wasayta jaywarqani, sunkhaytapis t'iranawankupaj jaywarqani. May jinata alqochakuwajtinku, thoqaykushawajtinkupis, mana uyayta pakarqanichu.

Isaías 51:7

Uyariwaychej, cheqan kajta rejsejkuna, pikunachus yachachiyniyta sonqoykichejpi jap'ikojkuna: Runakuna qankunamanta millayta rimasqankuta ama manchachikuychejchu, amataj chay jinatapuni alqochakusqankurayku q'enaqakuychejchu.

Marcos 14:66

Chaykama Pedro ukhu patiopi kashajtin, kuraj kaj sacerdotej ujnin sipas kamachin chayamorqa.

1 Timoteo 1:15

Kay willayqa cheqamin, jap'ikunapaj jinataj, ajinaqa tukuy jap'ikunanchej: Cristo Jesús kay pachaman jamorqa juchasapakunata qhespichinanpaj. Chay juchasapakunamantataj noqa aswan millay juchasapa kani.

Hebreos 12:2

Jesusllatapuni qhawaspa kanachej, imajtinchus paymin sonqonchejpi Diospi atinikunata rikhuricherqa, jinallataj pay astawan astawan Diospi atinikuyta amañakunanchejpaj kallpachawanchej. Jesusqa jatun kusiyta aswan qhepaman tarinanta yachasqanrayku cruzpi wañorqa, chay jina wañuna p'enqay kasqanta mana kasuta ruwaspa. Jinaytawantaj, Diospa kamachinan tiyanaj pañanman tiyaykukorqa.

1 Pedro 4:14

Sichus pipis Cristopi atinikusqaykichejrayku qankunata turiyasunkichejman chayqa, kusikuychej, imaraykuchus Diospa jatun atiyniyoj Espíritun qankunawanpuni kashan.

1 Pedro 5:6

Chayrayku Tukuy Atiyniyoj Diospa makinpi kaspa k'umuykuychej, paytaj qankunata jatunchana p'unchay chayamojtin, qankunata jatunchaspa pataman oqharisonqachej.

1 Samuel 2:30

Chayrayku Israelpa Diosnin Tata Dios nin: Noqa nerqani qanwan, aylluykiwan ima ñawpaqeypi wiñaypaj sacerdoteykuna kanaykichej tiyan, nispa. Kunanrí niykichej: Manapuni jinachu kanqa, manachayqa jatunchawajkunata jatunchallasajtaj, qhesachawajkunatapis p'enqaypi rikhurichisaj. Noqa Tata Diosmin chayta nini.