2 Samuel 6:20 - DIOSPA QHELQACHISQ

²⁰ Chantá David ayllu masinta saminchananpaj kutipojtin, Saulpa ususin Mical payta taripaj llojsimuspa, nerqa: Mana p'enqayniyoj runa, Israelpa kuraj kamachej kashaspa chay kamachiyki imillakunaj rikunankuta sikiyki rikhurishajta tususqayki qanpajqa allinchu? nispa.

Qheshwa Biblia DC

²⁰ Ajinallatataj Davidqa ayllunta bendicimunampaj kutiporqa, Saulpa ususin Micaltaj payta taripaj llojsimuspa nerqa: Kunanqa ancha walejpuni Israelpa reynimpajqa karqa, kamachisnimpa ususisninman uj mana p'enqayniyoj runa jina rikuchikusqanqa!

DIOSPA QHELQACHISQAN DEUTEROCANONICAL

²⁰ Chantá David ayllu masinta saminchananpaj kutipojtin, Saulpa ususin Mical payta taripaj llojsimuspa, nerqa: Mana p'enqayniyoj runa, Israelpa kuraj kamachej kashaspa chay kamachiyki imillakunaj rikunankuta sikiyki rikhurishajta tususqayki qanpajqa allinchu? nispa.

2 Samuel 6:20 ပူးပေါင်းရင်းမြစ်များ

Génesis 18:19

Noqa payta ajllakullarqanitaj wawankunata, miraynintapis kamachinanpaj, ajinamanta noqata kasuwaspa chantá cheqan kajta, allin kajtataj ruwaspa purinankupaj. Sichus Abraham nisqayta ruwanqa chayqa, noqa payman tukuy nisqayta junt'asaj, nispa. Ajinata Tata Dios Abrahamta nerqa.

2 Samuel 6:14

Davidqa linomanta unku p'achawan p'achallisqa risharqa, Tata Diospa ñawpaqenpi tukuy kallpanwan tusurispa.

2 Samuel 6:16

Tata Diospa arcan Davidpa llajtanman chayajtin, Saulpa ususin Micalqa wasi ventananmanta qhawarimuspa, kuraj kamachej Davidta tusushajta, phinkiykachashajtataj Tata Diospa ñawpaqenpi rikorqa. Chayta rikuspataj, Micalqa sonqonpi Davidta pisipaj qhawarqa.

2 Samuel 6:18

Chaykunata jaywayta tukuspañarí, Davidqa tukuy israelitakunata Tukuy Atiyniyoj Tata Diospa sutinpi samincharqa.

2 Samuel 6:19

Jinapi David chaypi kajkunaman mikhunankupaj qorqa sapa ujman uj t'antata, uj chhikan aycha kankata, palma poqoymanta t'antata, chantá uva k'isata ima. Chaymantataj tukuyninku wasinkuman kutiporqanku.

1 Crónicas 16:43

Chaymantataj tukuy israelitakuna wasinkuman kutiporqanku. Davidpis ayllunta saminchananpaj wasinman kutipullarqataj.

Job 30:8

Paykunaqa ni imapaj walej runakuna kanku, ni piniyoj. Millay runa kasqankurayku mana llajtankupi kawsanankupaj jinachu karqanku.

Salmos 101:2

Jinallataj cheqanta ruwaspa kawsayta munani. Mayk'ajtaj noqata yanapawaj jamunkiri? Wasiypipis mana k'aminapaj jina purillasajtaj.

Salmos 30:1

1 (2) Tata Dios, kacharichiwasqaykirayku noqa jatunchayki, imaraykuchus qanqa awqaykuna asipayanawankuta mana saqerqankichu.

Eclesiastés 7:17

Amallataj ancha millay runa kaychu, nillataj wampupis. Imapajtaj manaraj wañunaykipi wañuwajri?

Marcos 14:66

Chaykama Pedro ukhu patiopi kashajtin, kuraj kaj sacerdotej ujnin sipas kamachin chayamorqa.

Marcos 3:21

Jinapi Jesuspa ayllunkuna imachus kasqanta yachaspa, payta pusakapunankupaj jamorqanku, imaraykuchus mana yuyayninpichu kasqanta yuyarqanku.

San Juan 13:6

Simón Pedroj chakinta mayllananpaj Jesús qayllaykojtin, Pedro nerqa: Tukuyta Kamachej, imaynatataj qan chakiyta mayllawankimanri? nispa.

Josué 24:15

Sichus Tata Diosta mana kasuyta munankichejchu chayqa, kunanpacha pitachus kasunaykichejta ajllakuychej: Mayqen dioskunatachus ñawpa tataykichejkuna mayu chimpapi yupaycharqanku, chaykunata, chayrí, maypichus kunan tiyakushankichej, chay amorreokunaj diosninkukunatachus. Noqarí tukuy aylluywan Tata Diostapuni yupaychanaykuta niyku, nispa.

Jueces 9:4

Chaypajqa qolqeta orqhorqanku Baal Berit nisqa diosninkoj yupaychana wasinmanta Abimelecman qonankupaj. Chay qolqewantaj Abimelecqa millay suwa runakunata mink'akorqa paywan rinankupaj.

1 Samuel 14:49

Saulpa churinkuna kaykuna karqanku: Jonatán, Isúi, Malquisúa ima. Ususinkunataj iskay karqanku: Kuraj kajpa sutin Merab karqa, sullk'ajtataj Mical.

1 Samuel 18:20

Saulpa ujnin kaj ususin Micaltajrí Davidta munakorqa. Chayta Saulman willajtinkutaj, payqa mayta kusikorqa.