2 Samuel 6:2 - DIOSPA QHELQACHISQ

² Jinaspataj, Judá jap'iypi chay Baalá llajtamanta purirerqanku Davidwan, tukuy runankunawan, Diospa arcanta apamunankupaj. Arcaqa Tukuy Atiyniyoj Tata Diospa sutinwan sutichasqa karqa. Payqa arcapi querubinkuna chawpipi tiyakushan.

Qheshwa Biblia DC

² Judapi chay Baala llajtamanta purirerqanku Davidwan tukuy runasninwan ima, chaymanta Dioswan trato ruwasqa cajonta apamunankupaj. Chay cajón patapi Señorwan parlaj kanku, querubines patapi tiyakoj Señorwan.

DIOSPA QHELQACHISQAN DEUTEROCANONICAL

² Jinaspataj, Judá jap'iypi chay Baalá llajtamanta purirerqanku Davidwan, tukuy runankunawan, Diospa arcanta apamunankupaj. Arcaqa Tukuy Atiyniyoj Tata Diospa sutinwan sutichasqa karqa. Payqa arcapi querubinkuna chawpipi tiyakushan.

2 Samuel 6:2 ပူးပေါင်းရင်းမြစ်များ

2 Samuel 22:11

Lijrayoj querubinman lloq'aykuspa, wayraj chawpinpi rikuchikorqa.

Salmos 80:1

1 (2) Israelta michej Dios, uywariwayku. Qanqa José aylluta ovejata jina pusaykachanki, kamachinayki tiyanataj querubinkunaj chawpinkupi kashan.

Salmos 99:1

Tata Diosqa Kuraj Kamachej. Tukuy runataj kharkatichunku, imaraykuchus paypa kamachinan tiyanaqa querubinkunaj chawpinkupi kashan. Kay pacha kharkatitichun.

Isaías 47:4

Tukuy Atiyniyoj Tata Diosqa qhespichiwajninchej. Israelpa May Llimphu Kaj Diosnenqa kay jinata nin:

Isaías 54:5

Pichus qanta ruwasorqa, chaymin qanpa qosaykeqa, sutintaj Tukuy Atiyniyoj Tata Dios. Israelpa May Llimphu Kaj Diosninmin pagota qospa kacharichisojniykeqa. Payqa tukuy kay pachaj Diosnin.

Josué 15:60

Kallarqataj Quiriat Baal, chay karqa Quiriat Yearín, chantá Rabá ima. Chaykuna iskay llajtakuna, juch'uy llajtakunantin ima karqanku.

1 Pedro 1:12

Diosrí sut'incharqa chay tukoyqa mana paykunapajchu kasqanta, manachayqa qankunapaj. Kunantaj Jesucristomanta sumaj willayta willajkuna chaymanta parlasorqachej, janaj pachamanta kachamusqa Santo Espíritoj atiyninwan. Chay jina t'ukuna imakunata angelkunapis maytapuni rikuyta munallankutaj.

1 Samuel 4:4

Jinaspa, israelitakunaqa uj t'aqa soldadokunata Silo llajtaman kacharqanku, querubín sutiyoj angelkunaj chawpinpi tiyakoj Tukuy Atiyniyoj Tata Diospa arcanta apamunankupaj. Chantá Elí sacerdotej churinkuna Jofní, chantá Finespis Diospa arcanwan khuska rerqanku.

1 Samuel 6:21

Chantá usqhayllata Quiriat Yearinpi tiyakojkunaman kay jinata willacherqanku: Filisteokunaqa Tata Diospa arcanta kutichimpunku. Chayrayku jamuspa, apakapuychej, nispa.

1 Samuel 7:1

Chaypacha Quiriat Yearín llajtapi tiyakojkuna rispa, Tata Diospa arcanta apakamporqanku. Chantá moqo patapi Abinadabpa wasinman apaykorqanku, churin Eleazartataj Tata Diospa arcanta qhawananpaj churarqanku.