2 Samuel 4:11 - DIOSPA QHELQACHISQ

¹¹ Kunanqa chaymanta astawanraj qankuna sajra runakunawanqa ruwasaj, chay mana juchayoj runata wasinpi puñukushajta wañuchisqaykichejrayku. Chayrayku qankunatapis wañuchillasqaykichejtaj, kay pachamantataj chinkachisqaykichej, nispa.

Qheshwa Biblia DC

¹¹ Ajinallatataj chaypis astawanraj qankuna sajra runaswanqa ruwasaj, chay mana juchayoj runata wañuchisqaykichejrayku, kikin wasimpi, chanta puñukushajtinrajtaj! Chayrayku qankunata wañuchillasqaykichejtaj! Kay pachamantataj chinkachisqaykichej!

DIOSPA QHELQACHISQAN DEUTEROCANONICAL

¹¹ Kunanqa chaymanta astawanraj qankuna sajra runakunawanqa ruwasaj, chay mana juchayoj runata wasinpi puñukushajta wañuchisqaykichejrayku. Chayrayku qankunatapis wañuchillasqaykichejtaj, kay pachamantataj chinkachisqaykichej, nispa.

2 Samuel 4:11 ပူးပေါင်းရင်းမြစ်များ

Génesis 4:11

Chayrayku qanqa maldicisqa kanki, jinataj maypichus wawqeykej yawarninta jich'arqanki, chay jallp'amanta wijch'usqa kanki.

Génesis 6:13

Chayrayku Noeta nerqa: Noqa kay pachamanta tukuy runata chinkachisaj, paykunarayku kay pachapi millayta purina ancha tiyan. Chayrayku paykunata, chantá kay pachapi kaj chhikata chinkachisaj.

Génesis 7:23

Chaywanpis Noé, chantá jatun barcopi kajkuna imalla kawsarqanku. Jatun barcoman mana yaykojkunarí, tukuyninku wañorqanku: Runakuna, uywakuna, phawajkuna, qhatatakuspa purejkuna ima.

2 Samuel 16:8

Tata Dios jasut'ishasunki Saulpa ayllunmanta kajkunata wañurachisqaykimanta, paypa cuentanmanta kamachinaykipaj. Kunantaj Tata Diosqa kamachinaykita churiyki Absalonman jaywan. Kunanqa ruwasqaykiman jina llakiyman chayanki, imaraykuchus runa wañuchi kanki, nispa.

2 Samuel 3:27

Hebronman Abner chayamojtinkama, Joabqa llajta punkumanta wajnejman pusarqorqa sapallankupi parlanankupaj. Chaypitajrí Joabqa Abnerta wijsanpi t'ojsispa, wañurparicherqa, wawqen Asaelta wañuchisqanmanta vengakuspa.

2 Samuel 3:39

Diospa churasqan kuraj kamachej kani chaypis, mana kallpayoj jina kashani, Seruyáj churinkuna chay millayta ruwasqankurayku. Tata Diosqa chay juchankuman jina kutichipuchun ruwajkunamanqa, nispa.

1 Reyes 2:32

Tata Diosmin runakunata wañuchisqanmanta jasut'enqa. Joabqa chay iskay runakunata wañucherqa, paymanta aswan sumaj cheqan kajkunata, tatay Davidpa mana yachasqallan: Nerpa churin Abnerta, pichus israelitakunaj soldadonkunata kamachejninku karqa, chayta. Wañuchillarqataj Jeterpa churin Amasatawan, pichus Judamanta soldadokunaj kamachejninku karqa, chaytawan.

Salmos 109:15

Tata Dios paypa juchanta amapuni qonqachunchu, kay pachamantataj sutinta chinkachichun.

Salmos 9:12

12 (13) Tata Dios pichus runata wañuchejkunamanta cuentata mañanqa, ñak'arichisqa kajkunamantataj qhawarenqa. Jinallataj payqa llakiyniyojkunaj qhaparikusqankuta mana qonqanchu.

Éxodo 21:12

Tata Dios nillarqataj: Sichus pipis runa masinta maqaspa wañuchin chayqa, paypis wañuchisqallataj kanqa.

Éxodo 9:15

Sichus noqa qanta, jinataj tukuy Egipto llajtayojkunata sinch'ita ñak'arichispa, may jina atiyniyoj kasqayta rikuchiykiman karqa chayqa, kay pachamanta chinkachisqaña kawaj karqa.

Proverbios 2:22

Millayta ruwajkunarí kay pachamanta wijch'usqa kanqanku. Wasanchajkunapis chaymanta t'irasqa kanqanku.

Proverbios 25:26

Pichus cheqan runa kaspa millayta ruwajwan apachikun, chay runa rijch'akun qonchu yaku juturiman chayrí asnashaj yaku qochaman.

Jeremías 10:11

Israelitakuna, lantikunata yupaychajkunaman niychej: Janajta, kay pachatapis chay lantikuna mana ruwarqankuchu. Chayrayku kay pachamanta chinkachisqa kanqanku, nitaj ujllapis kay pachapi qhepakonqachu, nispa.

Habacuc 1:12

Chantá Habacuc kuticherqa: Tata Dios, Diosníy, qanqa wiñay wiñaypajmin kawsanki. Ama wañojta qhawallawaykuchu. Qanmin pakakunayku kanki. Chayrayku ama saqeychu Babiloniamanta kajkuna aylluykita jasut'inawaykuta.

Habacuc 1:4

Mana kamachisqaykiman jinachu imatapis ruwanku, nitaj pipajpis justicia kanchu. Millay runakunaqa cheqan runakunata qhatiykachanku, ajinamantataj justiciata q'ewinku.

1 Juan 3:12

Ama Caín jinaqa kanachejchu. Payqa Kuraj Supaypata kasqanrayku, wawqenta wañucherqa. Imaraykutaj Caín wawqenta wañucherqari? Payta wañucherqa, imaraykuchus paypa ruwasqan mana cheqanchu karqa, wawqenpatataj cheqan.