2 Samuel 3:39 - DIOSPA QHELQACHISQ

³⁹ Diospa churasqan kuraj kamachej kani chaypis, mana kallpayoj jina kashani, Seruyáj churinkuna chay millayta ruwasqankurayku. Tata Diosqa chay juchankuman jina kutichipuchun ruwajkunamanqa, nispa.

Qheshwa Biblia DC

³⁹ Diospa churasqan rey kayniywampis mana kallpayoj jina kashani, Sarviaj wawasnin chay millayta ruwasqankurayku. Señor, chay juchanman jina, qopuchun chayta ruwaj runamanqa!

DIOSPA QHELQACHISQAN DEUTEROCANONICAL

³⁹ Diospa churasqan kuraj kamachej kani chaypis, mana kallpayoj jina kashani, Seruyáj churinkuna chay millayta ruwasqankurayku. Tata Diosqa chay juchankuman jina kutichipuchun ruwajkunamanqa, nispa.

2 Samuel 3:39 ပူးပေါင်းရင်းမြစ်များ

2 Samuel 16:10

Kuraj kamachejtajrí kuticherqa: Kayqa mana qankunapajchu. Paychus jinata nishan chayqa, Tata Dios kamachisqanraykuchá nishan. Jina kajtenqa, pitaj ninman: Imaraykutaj chayta ruwashanki? nispa.

2 Samuel 19:13

13 (14) David kamachillarqataj Amasaman ninankuta: Qanqa yawar masiy kanki. Jinaqa kunanmanta ñawpajmanqa Joabpa cuentanmanta soldadoykunaj kuraj kamachejninku kanki. Manachus nisusqayta junt'asaj chayqa, Tata Dios sinch'ita jasut'iwachun, nispa.

2 Samuel 19:22

22 (23) Davidtajrí kuticherqa: Ni ima ruwanay kanchu qankunawan, Seruyáj churinkuna. Imaraykutaj churanakuwankichejri? Kunan cheqamanta yachani Israelpa kuraj kamachejnin kasqayta. Chayrayku kunan p'unchayqa mana pipis Israelpi wañuchisqachu kanqa, nispa.

2 Samuel 3:38

Chantá kuraj kamachejqa yanapajninkunata nerqa: Qankuna yachankichej jina, Israel ayllu ukhupi uj kuraj kamachej, jatun qhawasqa runa wañupusqanta.

1 Reyes 2:32

Tata Diosmin runakunata wañuchisqanmanta jasut'enqa. Joabqa chay iskay runakunata wañucherqa, paymanta aswan sumaj cheqan kajkunata, tatay Davidpa mana yachasqallan: Nerpa churin Abnerta, pichus israelitakunaj soldadonkunata kamachejninku karqa, chayta. Wañuchillarqataj Jeterpa churin Amasatawan, pichus Judamanta soldadokunaj kamachejninku karqa, chaytawan.

1 Reyes 2:9

Paytaqa amapuni khuyankichu, imaraykuchus qanqa sumaj yachayniyoj runa kanki, yachankitajchá paywan imatapis ruwayta, machuyaspa ama allin wañuypi wañunanpaj, nispa. Ajinata Davidqa Salomonta yuyaycharerqa.

1 Crónicas 22:5

Davidqa sonqonpi yuyarqa: Churiy Salomonqa waynallaraj. Tata Diospa Templonqa may jina jatun kanan kashan. Tukuy kay pachapi manchay uyarisqa, jinataj manchay k'achitu kanan tiyan. Ajinaqa tukuy imata wakisqallataña saqesaj, nispa. Chayrayku David manaraj wañupushaspa, tukuy imata wakicherqa.

1 Crónicas 29:1

Chantá kuraj kamachej Davidqa tukuy tantasqa runakunata nerqa: Diosqa churiy Salomonllata ajllakorqa. Chaywanpis payqa waynallaraj, manaraj poqoykusqa runa jinachu. Templo ruwanataj manchay jatun, imaraykuchus waseqa mana runapajchu, manachayqa Tata Diospajmin kanqa.

2 Crónicas 13:7

Paywantaj mana allin kaj, qhella runakuna tantakuspa, Salomonpa churin Roboanpa contranpi oqharikorqanku. Roboantaj waynallaraj, chantapis as manchili runa kasqanrayku, Jeroboanman mana sayaykuyta munarqankuchu.

Salmos 101:8

Sapa p'unchay kay suyumanta millayta ruwajkunata chinkachisaj, jinataj Tata Diospa llajtanmanta tukuy millayta ruwajkunata wijch'usaj.

Salmos 28:4

Qantajrí millayta ruwasqankuman jina paykunata jasut'iy, millay kajta ruwasqankuman jinataj ñak'arichiy.

Salmos 62:12

12 (13) Tukuyta Kamachej Diosníy, munakuyniykeqa mana tukukuyniyoj. Jinallataj qanmin sapa ujman ruwasqankuman jina qopunki.

Salmos 7:16

16 (17) Mana cheqanta ruwasqanqa paypa contrallanpitaj kanqa, kallpanman atinikuspa, mana allinta ruwasqanpis patallanmantaj urmaykonqa.

Salmos 75:10

10 (11) Diosqa millayta ruwajkunaj wapu wapu kayninkuta p'akenqa, cheqanta ruwajkunaj kallpankutatajrí jatunchanqa.

Éxodo 21:12

Tata Dios nillarqataj: Sichus pipis runa masinta maqaspa wañuchin chayqa, paypis wañuchisqallataj kanqa.

Proverbios 20:8

Maypachachus kuraj kamachej juzganan tiyanapi tiyakun chaypacha, ujta qhawarispalla ima mana allintapis chinkachin.

Proverbios 25:5

Ajinallatataj kuraj kamachejqa mana allin yuyaychajkunata qayllanmanta wijch'ojtin, kamachiynin sinch'i sayanqa, cheqan kajta ruwasqanrayku.

Isaías 3:11

Juchasapa runakunarí imanakullanqankuchus. Paykunataqa mana allinchu renqa, imaraykuchus paykunaman ruwasqankuman jina pagasqa kanqa.

Isaías 7:4

Jinaspataj, payta niy: Allinta qhawakuy, amataj llakikuychu. Ama manchachikuychu, nitaj q'ewakuychu chay iskay q'oshñillajña k'aspikunamantaqa: Siriata kuraj kamachej Resín, Remaliaspa churin Pecaj ima, chaykunamanta.

Jeremías 38:5

Jinapi kuraj kamachej Sedequías paykunaman kuticherqa: Jeremiasqa makiykichejpi kashan. Noqa mana imatapis ruwayta atinichu qankunamanta payta jark'akunaypaj, nispa.

Daniel (hebreo) 6:16

16 (17) Chantá kuraj kamachejqa Danielta pusachimuspa, kamacherqa leonkunaj t'oqonkuman wijch'uykunankuta. Chaywanpis manaraj payta wijch'uykushajtinku, kuraj kamachejqa Danielta nerqa: Pitachus tukuy sonqo kasuspa yupaychanki, chay Diosniyki leonkunamanta waqaychasuchun, nispa.

Números 32:23

Sichus nisqaykichejman jina mana ruwankichejchu chayrí, kayta allinta yachaychej: Tata Diospa contranta juchallinkichej, juchallisqaykichejraykutaj paypa jasut'iynin pataykichejpi kanqa.

Romanos 13:4

Kamachejqa allinniykipaj Diospa kamachisqanta ruwan. Manatajchus allinta ruwanki chayrí, manchachikuy, imaraykuchus kamachejqa mana qhasipajchu churasqa. Aswanpis payqa Diospa kamachinmin, mana allinta ruwajta jasut'inanpaj.

2 Timoteo 4:14

Fierrota takaj Alejandroqa ashkha mana allinkunata ruwawarqa. Tukuyta Kamachej Diosrí payman ruwasqanman jina kutichiponqa.

Jueces 9:57

Ajinallatataj Diosqa Sichem llajtapi kaj runakunatapis jasut'illarqataj tukuy millayta ruwasqankumanta. Jinamanta junt'akorqa paykunapi Yerubaalpa churin Yotanpa maldicisqan.