2 Samuel 3:35 - DIOSPA QHELQACHISQ

³⁵ Chantá tukuy runakuna Davidman jamuspa, imallatapis mikhurikunanta nerqanku. Davidtajrí tiluspa, paykunata nerqa: Tata Dios sinch'ita jasut'iwachun, manaraj ch'isiyamushajtin t'antata, chayrí imallatapis mikhuyman chayqa, nispa.

Qheshwa Biblia DC

³⁵ Chaymanta tukuynin ayllu Davidman jamorqanku, mañanankupaj pay mikhunanta manaraj ch'isiyamushajtin. Davidtaj jurarqa paykunaman nispa: Señor sinch'ita jasut'iwachun, t'antata chayri ima mikhuyllatapis manaraj ch'isiyamushajtin llamejteyqa!

DIOSPA QHELQACHISQAN DEUTEROCANONICAL

³⁵ Chantá tukuy runakuna Davidman jamuspa, imallatapis mikhurikunanta nerqanku. Davidtajrí tiluspa, paykunata nerqa: Tata Dios sinch'ita jasut'iwachun, manaraj ch'isiyamushajtin t'antata, chayrí imallatapis mikhuyman chayqa, nispa.

2 Samuel 3:35 ပူးပေါင်းရင်းမြစ်များ

2 Samuel 1:12

Maytataj waqarqanku Saulwan, churin Jonatanwan wañupusqankumanta, ajinallatataj Tata Diospa soldadonkuna maqanakupi wañusqankumanta. Chantá inti yaykuykama ayunarqanku.

2 Samuel 12:17

Kamachinan wasipi tiyakoj kurajkuna rerqanku pampamanta sayarichiyta munaspa. Davidtajrí mana sayarikuyta munarqachu, nitaj paykunawan mikhorqachu.

2 Samuel 3:34

Makiykeqa mana watasqachu karqa, nitaj chakiykipis t'inkisqachu. Imaynatachus runakuna wañuchejkunaj makinkupi wañunku, ajinallatataj qanpis wañorqanki, nispa. Tukuy runapis Abnermanta waqashallarqankupuni.

2 Samuel 3:36

Runakuna chayta yachaspa, allinmin nerqanku, kuraj kamachejpa tukuy ruwasqantaj allinpuni paykunaman rijch'arqa.

2 Samuel 3:9

Kunanqa Dios sinch'ita jasut'iwachun manachus Davidwan ruwayman Tata Diospa nisqanman jina chayqa.

1 Crónicas 10:12

Chayrayku tukuy wapu runakuna tantaykukuspa, Saulpa ayanta, jinataj churinkunaj ayantawan orqhospa, Jabés llajtaman aparqanku. Chaypitaj uj sach'a uraman p'ampaykorqanku. Chantá llakikusqankuta rejsichinankupaj qanchis p'unchayta ayunarqanku.

Jeremías 16:7

Chay wañojpa ayllunta sonqochanapaj mana pipis qorpachuta ruwanqachu, ni tatan wañupojtin, chayrí maman wañupojtinpis.

Ezequiel 24:17

Sonqollaykipi waqay, amataj llakiy p'achata churakuychu. Umaykita mayt'ukuy, juk'utaykitapis churaykukuy. Uyaykitapis ama qhatakuychu. Llakiypi kashaspa imatachus mikhunku, chay mikhunata amallataj mikhuychu, nispa.

Ezequiel 24:22

Chantá Israel aylluyman nillaytaj: Qankunapis imaynatachus noqa ruwani, kikillantataj ruwankichej. Uyaykichejtaqa mana llakisqa runa jina qhataykukunkichejchu, nitaj llakiy p'unchaypi mikhunku, chay mikhunata mikhunkichejchu.

Jueces 20:23

Chantá Tata Diosta tapullarqankutaj: Benjamín jatun ayllu masiykunawan watejmanta maqanakoj kutillasqaykutajchu, manachu? nispa. Tata Diostaj kamacherqa: Rillaychejpuni, nispa.

Jueces 20:26

Chantá tukuy israelitakuna, soldadokunapiwan ima watej Betelman rillarqankutaj, Tata Diospa ñawpaqenpi waqamunankupaj. Chaypitaj tukuy p'unchayta ayunarqanku. Chantá Tata Diosman jaywarqanku uywa ñak'asqa q'olachinakunata, jinallataj allinyakuna jaywanatawan.

Rut 1:17

Wañusaj maypichá wañunki chaypi, chayllapitaj p'ampanawankuta munani. Wañuyllamin t'aqawasun. Manachus jina kanman chayrí, Tata Dios sinch'ita jasut'iwachun, nispa.

1 Samuel 3:17

Elitaj taporqa: Tata Diosqa imatataj nisorqari? Mana uj chhikanta pakarispa willariway. Sichus Tata Dios nisusqanmanta imatapis pakawanki chayqa, Dios sinch'ita ñak'arichisuchun, nispa.