2 Samuel 24:16 - DIOSPA QHELQACHISQ

¹⁶ Onqoyta apamoj angelqa Jerusalén llajtata tukuchinanpaj kashajtin, Tata Dios sinch'ita llakikorqa chay jina ñak'arichisqanrayku. Chayrayku Tata Dios chay angelta kamacherqa: Chaykamalla, amaña ñak'arichiychu, nispa. Tata Diospa angelnenqa jebuseo Arauna maypichus trigota trillasharqa, chaynejpi kasharqa.

Qheshwa Biblia DC

¹⁶ Maypachachus angelqa Jerusalén llajtata tukuchinampaj kashajtintaj, Señor llakikorqa chay jina llakiyta ruwachishasqanrayku, Señortaj kamacherqa: Ayllumanta kajkunata wañurachisharqa chay angelta: Chaykamalla, saqellayña!, nispa. Chay ratoqa Señorpa angelnenqa kasharqa jebuseo Arauna maypichus trigota trillasharqa chaynejpi.

DIOSPA QHELQACHISQAN DEUTEROCANONICAL

¹⁶ Onqoyta apamoj angelqa Jerusalén llajtata tukuchinanpaj kashajtin, Tata Dios sinch'ita llakikorqa chay jina ñak'arichisqanrayku. Chayrayku Tata Dios chay angelta kamacherqa: Chaykamalla, amaña ñak'arichiychu, nispa. Tata Diospa angelnenqa jebuseo Arauna maypichus trigota trillasharqa, chaynejpi kasharqa.

2 Samuel 24:16 ပူးပေါင်းရင်းမြစ်များ

Génesis 10:16

Canaanmanta mirajkunataj karqanku jebuseokuna, amorreokuna, gergeseokuna,

Génesis 6:6

Chayrayku Tata Dios runata ruwasqanmanta maytapuni llakikorqa. Sonqonpi sinch'ita llakikuspataj, nerqa:

2 Samuel 24:18

Chay p'unchaypacha Gadqa Davidta watukoj rispa, nerqa: Maypichus jebuseo Arauna trigota trillashasqa chaynejpi, Tata Diospaj uj altarta ruwapuy, nispa.

2 Samuel 5:8

David chay kutipi nisqa: Pichus jebuseokunata wañurachej yaykojqa, yaku larq'anta yaykuspa wañurachimuchun chay ñawsakunata jinataj suchukunata ima, imaraykuchus paykunata sinch'ita chejnikuni, nispa. Chaymantapachataj nej kanku: Ni ñawsakuna nitaj suchukuna Tata Diospa Temploman yaykuyta atinkuchu, nispa.

1 Reyes 19:4

Chantá ch'innejman ripuspa, uj p'unchay puriyta jina rerqa. Chaypitaj retama sach'a uraman tiyaykukuytawan, wañupuyta munaspa, nerqa: Kaykamalla kachun, Tata Dios, pusakapullawayña. Noqaqa mana ñawpa tataykunamanta aswan allinchu kani, nispa.

2 Reyes 19:35

Chantá chay ch'isipacha Tata Diospa angelnin rispa, asiriokunaj soldadonkunamanta 185.000 runakunata wañucherqa. Q'ayantin sut'iyananpajtaj tukuy wañusqa rikhurerqanku.

1 Crónicas 1:14

Canaanmanta mirajkuna karqanku: Jebuseokuna, amorreokuna, gergeseokuna,

2 Crónicas 3:1

Salomonqa Diospa Templonta Jerusalenpi ruwachiyta qallarerqa, maypichus Tata Dios Moriah orqopi Salomonpa tatan Davidman rikhurisqa, chaypi. Chay eraqa jebuseo Ornanpata karqa, Davidtaj chayta paymanta rantisqa Tata Diospa Templonta ruwachinanpaj.

2 Crónicas 32:21

Jinapi Tata Dios uj angelta kachamorqa, paytaj Asiriata kuraj kamachejpa wapu soldadonkunata, kamachejninkunata, kurajninkukunatawan ima jarankupi wañuracherqa. Asiriata kuraj kamachejtaj may p'enqasqa llajtanman kutiporqa. Chantá lantinpa yupaychana wasinman yaykojtin, chaypi paytaqa churinkunallataj wañucherqanku.

Salmos 135:14

Tata Diosqa ayllunpaj justiciata ruwanqa, paypa kamachiyninpi kajkunamantataj khuyakonqa.

Salmos 35:6

Purisqanku ñanpi jayt'akuspa urmachunku, llusk'achunkutaj. Tata Diospa angelnintaj paykunata qhatiykachachun.

Salmos 78:38

Diostajrí khuyakuyniyoj kaspa, mana allin ruwasqankuta pampachaj, paykunata mana tukuchispalla. Tata Dios ashkha kutita phiñakuyninta ñit'iykukorqa, manataj phiñakuyninwan atipachikorqachu.

Salmos 90:13

Tata Dios, noqaykuman kutirimpuy. Mashkha unaytataj suyachikuwasqaykuri? Kay kamachiykikunamanta khuyarikuy ari.

Éxodo 12:13

Maypichus kashankichej, chay waseqa yawarwan señalasqa kanqa. Punkuykichejpi yawarta rikuspataj, noqaqa qankunata pasallasqaykichej. Ajinaqa Egiptopi kuraj kaj churikunata wañuchishajtiy, qankuna ukhupi mana ni uj wañusqapis kanqachu.

Éxodo 12:23

imaraykuchus Tata Diosqa Egipto llajtayojkunaj kuraj kaj churinkunata wañuchispa pasanqa. May punkutachari yawarwan jawisqata rikonqa, chaytaqa pasallanqa. Ajinata Tata Diosqa wañuchej angelta wasiykichejman yaykojta mana saqenqachu chaypi pitapis wañuchinanpaj.

Éxodo 32:14

Chantá Tata Dios sonqonta tiyaykuchikorqa, manañataj Israel ayllunta chinkachiyta yuyasqanta ruwarqachu.

Éxodo 9:28

Tata Diosmanta mañaychej ari, illapakuna, chijchi para ima sayananpaj. Chantá noqa kacharipusqaykichej, manaña astawan jark'asqaykichejchu, nispa.

Isaías 27:8

Chaywanpis Dios ayllunta karu suyuman wijch'uspa jasut'in. Payqa manchachikuna samayninwan paykunata wijch'un, inti llojsimuynejmanta sinch'i wayrawan jina.

Isaías 57:16

Mana wiñaypajchu aylluyta juchachasaj, nitaj wiñaypaj phiñakusajchu. Sichus wiñaypaj phiñakuyman chayqa, ruwasqay runakuna ñawpaqeypi q'enaqakunkuman.

Jeremías 26:19

Miqueas imatachus nisqanmanta kuraj kamachej Ezequías chantá Judamanta runakunapis payta wañuchisqankuchuri? Manachu kuraj kamachejqa Tata Diosta manchachikuspa, mañakusqa paykunamanta khuyarikunanta? Chayrayku Tata Diosqa ñak'arichinan willachisqanta mana junt'asqachu. Sichus noqanchej Jeremiasta wañuchisun chayqa, Tata Dios jasut'iwasun, nispa.

Jeremías 42:10

Sichus qankuna kay suyupi qhepakunkichej chayqa, noqa qankunata yanapasqaykichej, manataj chinkachisqaykichejchu. Sach'ata jina mallkisqaykichej, manataj t'irasqaykichejchu. Mayta llakikuni kay ñak'ariykunata qankunaman kachaykamusqaymanta.

Amós 7:3

Chantá Tata Dios khuyakuspa, nerqa: Chaytaqa mana ruwasajchu, nispa.

Amós 7:6

Chayrayku Tata Dios imatachus yuyasqanta manaña ruwayta munarqachu: Manallataj chaypis kanqachu, nispa.

Habacuc 3:2

Tata Diosníy, may uyarisqa kasqaykimanta yachaspa, ruwasqaykimantapis uyarispa, tukuy sonqowan yupaychayki. Chayrayku ñawpa tiempopi imatachus ruwasqaykita, kunanpis kikillantataj ruway noqaykupis chayta rejsinaykupaj. Phiñakushaspapis, khuyakuyniykita rikuchiwayku.

Zacarías 9:7

Yawarniyoj aychata mikhusqankuta siminkumanta qhechusaj, jinallataj mana mikhuna kajtapis. Chaywanpis, chaykunamanta wakinkuna noqapaj qhepakonqankuraj. Chantá paykunaqa Judá aylluwan ujlla kanqanku, Ecronmanta kajkunataj jebuseokuna jina kanqanku.

Marcos 14:41

Kinsa kutitaña Diosmanta mañakusqanmanta kutimuspa, Jesús yachachisqankunata nerqa: Puñushankichejrajchu? Samarikushankichejrajchu? Jinalla kachun. Chaywanpis imachus kanan kashan, chayqa junt'akushanña, Runaj Churintaj juchasapakunaj makinpiña kashan.

Hechos 12:23

Chay kikinpitaj Tukuyta Kamachej Diospa angelnenqa Herodesta sinch'ita onqoykucherqa, Diosta mana jatunchasqanrayku. Jinataj kuraj kamachej Herodesqa khuroj tukusqan wañorqa.

1 Corintios 10:10

Nillataj Diospa contranta thutunachu, imaynatachus paykunamanta wakin thutorqanku, jinataqa. Chaypacha Diospa angelninñataj paykunata wañuracherqa.

2 Corintios 2:6

Qankuna juchallikoj runata cheqan ñanman kutirichiyta munaspa k'arajta k'amiykusqaykichejqa chayllaña kachun.

Josué 15:63

Chaywanpis Judá jatun ayllumanta kajkunaqa Jerusalenpi tiyakoj jebuseokunata mana wijch'uyta aterqankuchu. Chayrayku paykunaqa kunankama Judá jatun aylluwan khuska Jerusalenpi tiyakushanku.

Jueces 1:21

Jinapis Benjamín jatun ayllumanta kajkunaqa Jerusalén llajtamanta mana wijch'orqankuchu chaypi tiyakoj jebuseokunata. Chayraykumari kunan p'unchaykama Jerusalenpi khuska jebuseokuna Benjamín jatun ayllumanta kajkunawan tiyakushanku.

Jueces 19:11

Ch'isiyaykushasqanrayku levitaj kamachin payta nerqa: Patrón, walej kanman kay jebuseokunaj llajtankupi kunan ch'isi puñukunanchej, nispa.

1 Samuel 15:11

Saulta kuraj kamachej kananpaj churasqaymanta sonqoy ukhupi sinch'ita llakikuni, imaraykuchus payqa noqamanta karunchakun, manataj nisqayta junt'anchu, nispa. Chantá Samuelqa sinch'i llakisqa qhepakorqa, tukuy tutantintaj Tata Diosmanta mañakorqa.