2 Samuel 24:14 - DIOSPA QHELQACHISQ

¹⁴ Davidtaj Gadman kuticherqa: Imatachus ninayta mana yachanichu. Chaywanpis aswan walej kanman kikin Tata Diospa makinman urmanayku, paypa khuyakuynin may jatun kasqanrayku, amataj runaj makinman urmanaykupaj, nispa.

Qheshwa Biblia DC

¹⁴ Davidtaj Gadman kuticherqa: Jatun llakiypi kashani. Jinapis walej kanman kikin Señorpa mkisninman urmanayku, Paypa khuyakuynin may jatun kasqanrayku, amataj runaj makisninman urmanaykupaj.

DIOSPA QHELQACHISQAN DEUTEROCANONICAL

¹⁴ Davidtaj Gadman kuticherqa: Imatachus ninayta mana yachanichu. Chaywanpis aswan walej kanman kikin Tata Diospa makinman urmanayku, paypa khuyakuynin may jatun kasqanrayku, amataj runaj makinman urmanaykupaj, nispa.

2 Samuel 24:14 ပူးပေါင်းရင်းမြစ်များ

2 Samuel 9:8

Chaypacha Mefibosetqa ujtawan pampakama k'umuykuspa, nerqa: Kuraj kamachejníy, pitaj noqa kasqani wañusqa alqo jina mana sirvej kashajtiy yuyarikunaykipajri? nispa.

2 Reyes 6:15

Chantá q'ayantin paqarin Eliseoj kamachin tutamanta sayarispa, ashkha soldadota, caballopi maqanakoj soldadokunata, carretakunata ima llajtaj muyuyninpi kashajta rikorqa. Chantá Diosmanta sut'inchaj Eliseota nerqa: Ay, wiraqochíy, kunan imatataj ruwasunri? nispa.

1 Crónicas 21:13

Chantá David Gadta nerqa: Imatachus ninayta mana yachanichu. Mana runaj ñak'arichisqan kayta munanichu, munani Diospa makinpi ñak'arichisqa kayta, imaraykuchus Tata Diosqa may khuyakuyniyojmin, nispa.

Salmos 119:156

Tata Dios, khuyakuyniykeqa mana tukukuyniyoj. Kamachisqaykita kasusqay kawsarichiwachun.

Salmos 130:4

Juchallisqayku pampachasqa kananta qanllapi tariyku, qanllata jatunchanaykupaj.

Salmos 130:7

Israel, Tata Diosllapi atinikuy, imaraykuchus payqa khuyakojmin, cheqatapunitaj kacharichiwanchej.

Salmos 145:9

Tata Diosqa tukuypajmin k'acha, tukuy ruwasqanmantataj khuyakuywan qhawan.

Salmos 51:1

1 (3) Diosníy, mana tukukoj munakuyniykirayku noqamanta khuyarikuway. Khuyaj sonqo kasqaykirayku tukuy juchayta pampachay ari.

Salmos 86:15

Qanrí, Tukuyta Kamachej Dios, khuyakoj sonqoyoj kanki, mana usqhayta phiñarparikoj, may jina munakuyniyoj, cheqa kajtaj.

Salmos 86:5

Tukuyta Kamachej Dios, qan k'acha kanki, runaj juchanta qhespichiyta yachanki, qanta wajyakojkunapajtaj jatun munakuyniyoj kanki.

Proverbios 12:10

Cheqan runaqa uywankunata allinta qhawan, millayta ruwaj runarí uywankunata mana khuyanchu.

Isaías 47:6

Noqaqa Israel aylluypaj mayta phiñakorqani. Chayrayku ajllakusqay Israelta mana allinpajchu qhawarqani, makiykimantaj paykunata jaywaykorqani. Qantajrí mana khuyaspa, paykunata anchatañataj ñak'aricherqanki. Allin machu runakunatapis anchata ñak'arichillarqankitaj.

Isaías 55:7

Millayta ruwajqa millay kawsayninta saqechun. Millay runapis imatachus yuyasqanta saqechun. Tata Diosman kutirikamuchun, imaraykuchus paymanta khuyakonqa. Diosninchejman kutirikuchun, paytaj jatun sonqoyoj kasqanman jina chay runaj tukuy juchanta pampachanqa.

Jeremías 39:17

Chaywanpis noqa waqaychasqayki, pikunatachus manchachikushanki, chay runakunaj makinkuman ama urmanaykipaj. Noqa Tata Diosmin chayta nini.

Lamentaciones 3:22

Tata Diospa khuyakuynenqa mana jayk'ajpis tukukunchu, munakuyninpis mana tukukuyniyojchu.

Daniel (hebreo) 9:9

Chaywanpis qan, Tukuyta Kamachej Diosniyku, may khuyakuyniyoj kanki, contraykipi oqharikushajtiykupis juchaykuta pampachanki.

Jonás 4:2

Chantá Tata Dioswan parlarikuspa, kay jinata nerqa: Ay, Tata Dios, kaytamá nerqani llajtaypi kashaspallaraj. Chayrayku Tarsisman ayqerqani. Yachani ari, khuyakuyniyoj, jatun sonqoyoj, mana usqhayllata phiñakoj, chhikatapuni munakoj Dios ima kasqaykita. Yachallarqanitaj qan: Chay runakunata millayta ruwasqankumanta jasut'isaj, nishaspapis, mana jasut'inaykita.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

Miqueas 7:19

Aswan qhepaman ujtawan noqaykumanta khuyarikuwayku. Juchaykuta chakiykiwan saruranki, mama qocha ukhumantaj millay ruwasqaykuta wijch'uykunki.

Zacarías 1:15

Chayrayku sinch'i phiñasqa kashani mana imamanta llakiyniyoj suyukunaj contrankupi. Maypachachus pisillataraj aylluypaj phiñakorqani chaypacha, paykuna Jerusalén llajtata may sinch'ita ñak'arichispa, astawan phiñachiwarqanku.

San Juan 12:27

Jesús nillarqataj: Kunanqa sonqoy manchay phutisqa kashan. Ima nisajtajri? Ichapis niyman: Tatáy, ñak'arinaymanta kacharichiway ari, nispa. Aswanpis noqaqa ñak'arinaypajpuni jamuni.

Filipenses 1:23

Chay iskaymantaqa mana ajllakuyta atinichu. Astawanqa wañupuyta munayman, Cristowan khuska kamunaypaj, chaytaj noqapaj aswan sumaj kanman.

1 Samuel 13:6

Filisteokuna tukuynejmanta maqanakoj sayaykusqankurayku, israelitakuna imatachus ruwanankuta mana yachashaj rikhurerqanku. Chayraykutaj chhanka jusk'uman, t'oqoman, qaqa k'ajllukunaman, allasqa jusk'ukunaman chantá ch'aki pujyukunaman ima pakakamorqanku.