2 Samuel 24:1 - DIOSPA QHELQACHISQ

¹ Tata Diosqa israelitakunapaj watejmanta sinch'ita phiñakuspa, paykunaj contrankupi Davidta yuyaycharqa, Israel aylluta, Judá ayllutawan yupachinanta.

Qheshwa Biblia DC

¹ Señorqa sinch'ita phiñakullarqataj israelitaspa contrankupi, paykunaj contrankupitaj Davidta Señorqa yuyaycharqa, kamachispa Israel aylluta, Judá ayllutawan yupananta.

DIOSPA QHELQACHISQAN DEUTEROCANONICAL

¹ Tata Diosqa israelitakunapaj watejmanta sinch'ita phiñakuspa, paykunaj contrankupi Davidta yuyaycharqa, Israel aylluta, Judá ayllutawan yupachinanta.

2 Samuel 24:1 ပူးပေါင်းရင်းမြစ်များ

Génesis 45:5

Chaywanpis ama chaymanta anchata llakikuychejchu, nitaj vendewasqaykichejmanta juchachanakuychejchu. Diosmin qankunamanta ñawpajta kayman kachamuwarqa, qankunata kawsachinaypaj.

Génesis 50:20

Qankuna mana allinta ruwawayta munarqankichej, Diostajrí mana allin kajta allinman tukucherqa, kunan imatachus rikushasqaykichejta ruwananpaj, ashkha runata kawsachinanpaj ima.

2 Samuel 12:11

Noqa Tata Dios nini: Aylluyki ukhullamantataj mana allinta jatarichisaj. Aylluykimanta ujninman warmiykikunata jaywaykusaj, paytaj tukuypa rikunanta p'unchaypi puñuykonqa.

2 Samuel 16:10

Kuraj kamachejtajrí kuticherqa: Kayqa mana qankunapajchu. Paychus jinata nishan chayqa, Tata Dios kamachisqanraykuchá nishan. Jina kajtenqa, pitaj ninman: Imaraykutaj chayta ruwashanki? nispa.

2 Reyes 3:6

Chayrayku kuraj kamachej Joranqa Samariamanta llojsispa, Israel suyumanta tukuynin soldadota tantaykorqa.

1 Crónicas 21:1

Ch'ataykoj angelqa israelitakunaj contrankupi oqharikuspa, Davidta enqhaykorqa, israelitakunata yupachinanpaj.

1 Crónicas 7:2

Tolaj churinkunataj karqanku: Uzi, Refaías, Jeriel, Yajemay, Ibsán, Semuel ima. Paykunaqa Tolaj ayllunmanta kurajkuna karqanku, jinataj maqanakunapaj sumaj wapu karqanku. David kawsarqa chaypachaqa, Tolaj miraynin tukuypi 22.600 karqanku.

1 Crónicas 7:40

Tukuy chaykuna Aser jatun ayllumanta karqanku. Paykunaqa wasi ayllukunamanta kamachejkuna karqanku, chantá aswan sumachaj kaj wapu soldadokuna ima. Sutinkuta listachikusqankuman jina, tukuyninpi 26.000 maqanakoj rinankupaj jina karqanku.

2 Crónicas 32:25

Ezequiasrí Dios yanapasqanmanta mana yuyarispa, umanta oqharerqa. Chaymanta Tata Diosqa paypaj phiñakorqa, jinataj Jerusalenpaj, Judá suyupajpis.

Éxodo 7:3

Noqatajrí faraonpa sonqonta rumiyachisaj, Egipto suyupitaj runaj mana jayk'aj rikusqan t'ukuna imakunata ruwasaj.

Ezequiel 14:9

Sichus Diosmanta uj sut'inchaj llullata parlanqa chayqa, noqa chay sut'inchajta q'otiyarqani. Jinaqa makiyta oqharisaj payta jasut'inaypaj, Israel ayllumantataj chinkachisaj.

Ezequiel 20:25

Chayrayku noqapis paykunaman mana allin kaj kamachisqakunata qorqani, chaykunata junt'aspapis, mana kawsayta tarinankupaj jina.

Levítico 10:6

Chaymanta Moisesqa Aaronta, chantá Eleazarta, Itamartawan ima nerqa: Ama mana ñajch'asqaqa kaychejchu, nitaj p'achaykichejtapis llik'ikuychejchu wañusqakunarayku llakisqa kasqaykichejta rejsichispa. Sichus chayta ruwankichej chayqa, qankunapis wañuchisqallataj kankichej, Tata Diostaj israelitakunapaj k'arajta phiñakonqa. Ayllu masiykichej israelitakunalla Tata Dios Nadabta, chantá Abiutawan ima ninawan ruphachisqanmanta waqachunku.

Números 1:19

Ajinata Moisesqa Tata Dios kamachisqanman jina Sinaí ch'innejpi israelitakunata yuparqa.

Hechos 4:28

Chaywanpis imatachus paykuna ruwarqanku, chaytaqa qallariymantapachaña qan atiyniykiwan wakicherqanki, munayniykiman jina ruwasqa kananpaj.

2 Tesalonicenses 2:11

Chayrayku Dios paykunaman sinch'i pantachej atiyta kachamonqa, paykunatataj llulla kajta jap'ikonqanku.

Jueces 2:14

Chayrayku Tata Diosqa israelitakunaj contrankuta sinch'ita phiñakuspa, tukuy kapuyninkuta suwakunawan qhechucherqa. Jinaspataj, chay muyuyninkumanta kaj awqankunawan paykunata atipaykucherqa, nitaj paykuna kutichikuyta aterqankuchu.

Jueces 2:20

Chayraykumin Tata Diosqa Israelpa contranpi sinch'ita phiñakuspa, nerqa: Kay runakunaqa ñawpa tatankuwan tratota ruwasqayta p'akinku, manataj kasuwayta munankuchu.

1 Samuel 26:19

Wiraqochi kamachejníy, ama jina kaspa, kunan parlarikusqayta uyaririway. Tata Dioschus noqaj contraypi kanaykita nisorqa chayqa, Tata Dios qhespichiwachun, uywata ñak'aspa q'olachisqaytataj jap'ikuwachun. Runallamantachus kanman chayrí, Tata Diosqa paykunata sinch'ita ñak'arichichun. Paykunaqa Tata Diospa jallp'anmanta wijch'uwaspa, waj dioskunata yupaychanaman tanqashawanku.