2 Samuel 23:16 - DIOSPA QHELQACHISQ

¹⁶ Chantá chay kinsantin wapu runakunaqa filisteokunaj jarankuman yaykuykuspa, Belén llajtaman yaykuna pujyumanta yakuta orqhomorqanku, chantá Davidman aparqanku. Davidman jaywajtinkutajrí, payqa mana ujyarqachu, manachayqa pampaman jich'arqa, Tata Diosman ofrendata jina jaywaspa.

Qheshwa Biblia DC

^16-17 Chaypacha kinsantin wapu runasqa filisteospa jarankuman yaykuspa yakuta orqhomorqanku, Belén llajtaman yaykunapi kasharqa chay pujyumanta, Davidman apanankupaj. Davidtaj ujyayta mana munarqachu, mana chayqa jich'arqa, Señorman ofrendata jina jaywaspa, kayta nispa: Señor jark'awachun kay yakuta ujyanamanta! Ujyayman chayqa kay runaspa yawarnintapis ujyayman jina kanman, kay yakutaqa kausayninkuta wañuyman churaspa apamorqanku! Manataj ujyayta munarqachu. Kaytaqa chay kinsa wapu runas ruwarqanku.

DIOSPA QHELQACHISQAN DEUTEROCANONICAL

¹⁶ Chantá chay kinsantin wapu runakunaqa filisteokunaj jarankuman yaykuykuspa, Belén llajtaman yaykuna pujyumanta yakuta orqhomorqanku, chantá Davidman aparqanku. Davidman jaywajtinkutajrí, payqa mana ujyarqachu, manachayqa pampaman jich'arqa, Tata Diosman ofrendata jina jaywaspa.

2 Samuel 23:16 ပူးပေါင်းရင်းမြစ်များ

Génesis 35:14

Jacobtaj, maynejpichus Dios paywan parlarqa, chaypi uj rumita oqharispa, sayacherqa. Rumita sayachisqanmantaj vinota jich'aykorqa, chantá aceitewan jawiykorqa.

2 Samuel 23:9

Qhepantaj Ajoj ayllunmanta Dodoj churin Eleazar karqa. Paypis chay kinsa wapu soldadokunamanta ujnin kaj karqa. Payqa Pasdaminpi Davidwan kasharqa, filisteokuna maqanakupaj tantasqa kashajtinku. Chaypitaj paykunalla maqanakoj sayaykorqanku, chay israelitakunataj ayqerqanku.

1 Crónicas 11:18

Chantá chay kinsantin wapu soldadokuna filisteokunaj jarankuman yaykuspa, Belenman yaykuna punkupi pujyumanta yakuta orqhoytawan, Davidman apamorqanku. Davidtajrí mana ujyarqachu, manachayqa Tata Diosman jaywaspa, pampaman jich'arqa.

Eclesiastés 4:12

Pipis ch'ulla kaspaqa, atipachikuyta atin. Iskay ukhutajrí mana atipachikonqankuchu. Kinsanchasqa q'aytoqa mana p'itikullanchu.

Lamentaciones 2:19

Tuta jatarispa, qhaparikuy ari. Paran paranta Tata Diospa ñawpaqenpi waqarikuy. Makiykita Tata Diosman oqharispa, mañakuy, sapa llajtaman yaykunapi mikhunamanta jina wawaykikuna ama wañunankupaj.

Números 28:7

Sapa uj corderota, uj litro sumaj vinotawan jaywanqanku. Chay vinota Dioswan Tinkukuna Toldopi Tata Diospa sutinpi ch'ajchonqanku.

Hechos 20:24

Chaywanpis manapuni chayta manchachikunichu, nitaj wañuytapis. Aswanpis kusiywan kawsayniyta tukuchiyta munani Tukuyta Kamachej Jesuspa kamachiwasqanta junt'aspa. Jinallataj munani Diospa qhasilla k'acha yanapayninmanta sumaj willaytapis tukuyman willarayta.

Romanos 5:7

Sut'ita parlaspa nisunman, mana pipis waj runarayku wañullanmanchu, chay runa cheqan runa kashajtinpis. Ichapis wañuyta atinman, pichus tukuypaj ancha k'acha runa kanman, chayrayku.

2 Corintios 5:14

Cristoj munakuynin ajinata ruwanaykupaj sinch'ita kallpachawayku, imaraykuchus allinta yachayku Cristo tukuy noqanchejrayku wañusqanta, chayraykutaj noqanchejpis ñawpa kawsayninchejpaj wañusqanchejta.

Filipenses 2:17

Diospi atinikuspa ruwasqaykichejqa Diosman jaywanatapis jaywashawajchej jina. Noqatachus wañuchiwanqanku chayqa, kawsayneyqa chay jaywasqaykichej patapi ch'ajchunapaj vino jina kanqa. Ajina kanman chayqa, noqa may jinata kusikusaj, munanitaj qankunapis noqawan khuska chaymanta kusikunaykichejta.

1 Samuel 19:5

Payqa wañuyta mana manchachikuspa, chay jatunkaray filisteota wañucherqa. Chay jinamanta Tata Diosqa tukuy israelitakuna filisteokunata atipananchejpaj yanapawarqanchej. Chayta rikuspa, mayta kusikorqanki. Chantá, imaraykutaj kunan mana juchayoj Davidta wañuchiyta munashankiri? nispa.

1 Samuel 7:6

Israelitakunataj Mispá llajtapi tantakorqanku, chaypitaj yakuta pujyumanta orqhospa, Tata Diosman jaywaspa jich'arqanku. Chay p'unchay ayunarqanku, tukuypa uyarinantataj nerqanku: Tata Diospa contranta juchallikuyku, nispa. Israelitakunaqa Mispá llajtapi Samuelta juezninkupaj rejsikaporqanku.