2 Samuel 22:28 - DIOSPA QHELQACHISQ

²⁸ Llamp'u sonqoyojkunata qan kacharichinki, uma oqharejtarí, k'umuykuchinki.

Qheshwa Biblia DC

²⁸ Qan salvanki llamp'u sonqosniyojkunata, wapuykachajkunatataj allinta qhawanki, k'umuykuchinkitaj.

DIOSPA QHELQACHISQAN DEUTEROCANONICAL

²⁸ Llamp'u sonqoyojkunata qan kacharichinki, uma oqharejtarí, k'umuykuchinki.

2 Samuel 22:28 ပူးပေါင်းရင်းမြစ်များ

Salmos 12:5

5 (6) Tata Diosrí kay jinata kutichispa nin: Millayta ruwajkunaqa wajchakunata, pisi kallpayojkunata ima ñak'arichinku, waqachinkutaj. Chayrayku kunan sayarispa, noqaqa ñak'arichisqa runakunaj suyasqankuman jina paykunata yanapasaj, nispa.

Salmos 131:1

(1b) Tata Dios, sonqoyqa mana jatunchakunchu, nitaj ñawiypis ni pita pisipaj qhawanchu. Mana jatuchaj t'ukuna imakunaj qhepantachu purini, nitaj mana ruway atinaj qhepantapis.

Salmos 138:6

Tata Dios may jina patapipis kashaspa, llamp'u sonqoyojkunamanta qhawarinpuni. May kasqankuta yuyakojkunamantarí karunchakun.

Salmos 140:12

12 (13) Noqa yachani Tata Diosqa wajcha runapaj justiciata ruwasqanta, ñak'arichisqa runakunamantaj kutikusqanta.

Éxodo 10:3

Chaymanta Moiseswan, Aaronwan ima rispa, faraonta nerqanku: Tata Dios, Israelitakunaj Diosnin ajinata nisunki: Mayk'ajkamataj mana k'umuykuyta munankichuri? Kachariy israelitakunata, noqata yupaychamunawankupaj.

Éxodo 18:11

Kunan yachani Tata Diosqa tukuy dioskunamanta nisqaqa astawan atiyniyoj kasqanta. Payqa runaykachaj Egipto llajtayojkunaj ñak'arichisqankumanta ayllunta kacharicherqa, nispa.

Proverbios 21:4

May kasqanta yuyakuna, runaykachana, millayta ruwaspa purej runa jina purina ima, chay kinsantin jucha kanku.

Isaías 2:17

Ajinamanta runaj wapuykachaynenqa k'umuykuchisqa kanqa, runaj machu machu kaynintaj urmachisqa kanqa. Chay juicio p'unchaypeqa Tata Dioslla jatunchasqa kanqa.

Isaías 37:23

Qan, pipajtaj rimankiri? Pimantataj alqochakunkiri? Pejpa contrantataj chhika jatunmanta qhaparqachanki, may kasqaykita yuyakuspataj, umaykita oqharinkiri? Chaytaqa Israelpa May Llimphu Kaj Diosninpa contranta ruwashanki.

Isaías 5:15

Tukuy runakuna k'umuykachachisqa kanqanku. Mayta runaykachajkunapis chay jinallamantaj chayanqanku.

Isaías 63:9

Israelitakuna llakisqa kashajtinku, Tata Diospis llakisqallataj karqa. Mana pi angeltapis kachamorqachu paykunata kacharichinanpaj. Manachayqa paymin munakuyninwan, khuyakuyninwantaj pagota pagaspa, paykunata kacharicherqa. Paykunata marq'arikuspa, apaykacharqa, imaynatachus unaymantapacha ruwarqa, ajinata.

Daniel (hebreo) 4:37

37 (34) Chayrayku noqa Nabucodonosorqa janaj pachapi Kuraj Kamachej Diosta yupaychani. Sutinta pataman oqharini, jatunchanitaj, imaraykuchus tukuy ruwasqanqa cheqapuni, cheqantaj. Chantá pay jatunchakojkunatapis k'umuykuchiyta atillantaj.

San Mateo 5:3

Kusikuyniyojmin kanku wajcha sonqoyoj kasqankuta reparakojkunaqa, imaraykuchus janaj pachamanta Diospa kamachiyninpi kanqanku.

San Lucas 14:11

Chayqa ajina, imaraykuchus jatunchakojqa k'umuykuchisqa kanqa, k'umuykojtajrí jatunchasqa kanqa, nispa.