2 Samuel 22:24 - DIOSPA QHELQACHISQ

²⁴ Paypa ñawpaqenpi mana pantaspa purerqani. Sajra ruwanamanta waqaychakuni.

Qheshwa Biblia DC

²⁴ Paypa ñaupaqempi mana ima juchayoj purerqani; jucha ruwaymanta karunchakuni.

DIOSPA QHELQACHISQAN DEUTEROCANONICAL

²⁴ Paypa ñawpaqenpi mana pantaspa purerqani. Sajra ruwanamanta waqaychakuni.

2 Samuel 22:24 ပူးပေါင်းရင်းမြစ်များ

Génesis 17:1

Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

Génesis 6:9

Noéj kawsasqan kay jina karqa: Noeqa cheqanta ruwaj runa karqa, paytaj Diosta kasuspallapuni purerqa. Chaypacha tiyakojkunamanta paylla Diospa munasqanta ruwaspa kawsarqa.

Génesis 7:1

Chaymanta Tata Diosqa Noeta nerqa: Qan, chantá aylluyki ima jatun barcoman yaykuy, imajtinchus noqa rikuni mita masiykikunamanta qanlla munasqayman jina purisqaykita.

Job 1:1

Uz sutiyoj suyupi Job tiyakorqa. Payqa cheqanta ruwaspa purej runa karqa. Jinallataj Diosta munakoj karqa, chantá yupaychaj ima. Payqa mana pitapis mana allin kajta ruwaspa waqachejchu karqa.

Salmos 17:1

(1b) Tata Dios, justicia ruwanawaykita mañakususqayta uyariway, qhaparikusqaytapis. Mañakusqayta uyariway, imaraykuchus mana llullakuspa mañakushayki.

Salmos 51:6

6 (8) Cheqatapuni qanqa cheqan sonqoyoj runata munakunki, sonqoypitaj yachayniyoj kayta yachachiwarqanki.

Salmos 84:11

11 (12) Tata Dios k'anchawanchej, waqaychawanchejtaj. Payqa mana k'amina kawsajkunata munakun, jatunchantaj, tukuy ima allin kajtataj paykunaman qon.

Proverbios 4:23

Tukuy imamanta astawanqa imatachus yuyasqaykiyta sumajta qhaway, imaraykuchus runaj tukuy ruwasqan chaymantamin jamun.

San Juan 1:47

Chantá Jesús Natanaelta payman qayllaykushajta rikuspa, nerqa: Kay runaqa israelitapuni, imaraykuchus payqa mana pitapis q'otiyanchu, nispa.

2 Corintios 5:11

Chayrayku noqayku Tukuyta Kamachej Diosta manchachikuna kasqanta yachaspa, runakunaman tukuy sonqo entiendechiyta munayku Diosman kutirikuna kasqanta. Tata Dios imaynachus kasqaykuta sumajta yachan, jinallataj suyayku qankunapis sonqoykichejpi imaynachus kasqaykuta yachanaykichejta.

Efesios 1:4

Manaraj kay pachata ruwashaspa, Diosqa Cristonejta ajllakuwarqanchej llimphupuni kananchejpaj, jinataj paypa ñawpaqenpi mana k'amina kananchejpaj ima.

Colosenses 1:21

Qankunaqa ñawpajta Diosmanta karunchasqa karqankichej. Mana allin kajta yuyasqaykichejrayku, chantá millayta ruwasqaykichejrayku ima Diospa awqanpuni karqankichej.

Colosenses 1:22

Kunantajrí Cristo runaman tukuspa wañusqannejta Dioswan allinyachisqaña kankichej. Ajinamanta Cristoqa Tata Diospa ñawpaqenpi llimphuta, mana juchayojta, nitaj ni imamanta juchachanata rikhurichisonqachej.

Hebreos 12:1

Ñawpajta Diospi atinikuspa purejkuna may chhika karqanku, paykunataj muyuyninchejpi testigo jina imaynatachus purishasqanchejta qhawashawanchej. Chayrayku imachus ñawpajman rejta mana saqewanchejchu, chay tukuyta wijch'unachej, jinallataj ch'ipaykuwanchej, chay juchatapis. Chantá Dios churapuwasqanchej ñanta mana sayk'uspa t'ijunachej.