2 Samuel 21:17 - DIOSPA QHELQACHISQ

¹⁷ Seruyáj churin Abisaytajrí Davidta yanapaj rispa, chay filisteota wañurparicherqa. Chaypacha Davidpa soldadonkunaqa mañarqanku pay amaña paykunawan khuska maqanakuman llojsinanta, jinamanta Israelpa kuraj kamachejnin ama wañuchisqa kananpaj.

Qheshwa Biblia DC

¹⁷ Sarviaj wawan Abisaitaj Davidta yanapaj rerqa, chay filisteotataj wañurparicherqa. Chaypacha Davidpa runasnenqa mañarqanku amaña paykunawan khuska maqanakoj rinanta, jinamanta Israelpa k'anchaynin ama wañunampaj.

DIOSPA QHELQACHISQAN DEUTEROCANONICAL

¹⁷ Seruyáj churin Abisaytajrí Davidta yanapaj rispa, chay filisteota wañurparicherqa. Chaypacha Davidpa soldadonkunaqa mañarqanku pay amaña paykunawan khuska maqanakuman llojsinanta, jinamanta Israelpa kuraj kamachejnin ama wañuchisqa kananpaj.

2 Samuel 21:17 ပူးပေါင်းရင်းမြစ်များ

2 Samuel 14:7

Kunantaj tukuy aylluykuna contraypi oqhariykukuspa, munanku pichus wawqenta wañuchejta jaywanayta, wañuchisqanmanta wañuchinankupaj, pay sapallan chayaqeta jap'inan kasqanrayku. Mana wawayoj qhepakunayqa mana imallachu paykunapajqa. Qosay mana piniyoj qhepakojtin, kay pachapi manaña sutinta pipis apaj kanqachu, nispa.

2 Samuel 18:2

Tukuynin soldadota kinsaman t'aqarqa. Ujnin t'aqata Joab kamacherqa, ujnintataj Seruyáj churin Joabpa wawqen Abisay kamacherqa, chay ujnin t'aqatataj Gatmanta Itay kamacherqa. Tukuynin soldadonkunatataj David nerqa: Noqa qankunawan khuska maqanakoj risaj, nispa.

2 Samuel 18:3

Paykunatajrí kuticherqanku: Ama qanqa noqaykuwan riychu. Paykunaqa ayqesqaykuta chayrí wañusqaykuta mana qhawanqankuchu. Qanqa noqaykumanta nisqaqa 1.000 soldadokuna jina valenki. Chayrayku walej kanman kay llajtapi qhepakunallayki, kaymantapacha yanapajkunata kachamunawaykupaj, nispa.

2 Samuel 22:19

Sinch'i llakiypi kashajtiy, paykuna maqaj wakiykuwarqanku. Chaywanpis Tata Diosqa yanapawarqapuni,

2 Samuel 22:29

Qan, Tata Dios, k'anchayniymin kanki. Qan, Tata Dios, laqha kayniyta k'anchapuwanki.

1 Reyes 11:36

Salomonpa churinmantajrí uj jatun ayllullata qosaj, kamachiy Davidpa ayllunmanta Jerusalenpi uj kuraj kamachej kanallanpajpuni, chay llajtata noqa ajllakorqani, chaypi sutiy yupaychasqa kananpaj.

1 Reyes 15:4

Chaywanpis Tata Diosqa kamachin Davidta munakusqanrayku, paypa mirayninmanta kamachinan tiyanaman tiyaykucherqa, jinataj Jerusalén llajtata waqaycharqa.

Salmos 132:17

Kaypi Davidpa atiyninta watej jatarichisaj. Ajllakusqay kuraj kamachejtaj aylluypaj k'anchay jina kanqa.

Salmos 144:10

Qanqa kuraj kamachejkunata yanapanki atipanankupaj. Kamachiyki Davidtapis wañuchisqa kananmanta librarqanki.

Salmos 46:1

1 (2) Diosninchejqa jark'akuwajninchej, kallpanchejtaj. Llakiykuna qhatirishawajtinchej, pay usqhayllata yanapawanchej.

Jeremías 40:15

Chaypacha Careaj churin Johanán Mispapi Gedaliasman pakayllapi nerqa: Noqa rispa, Netaniaspa churin Ismaelta wañurparichimusaj, manataj pipis yachanqachu pichus wañuchisqanta. Imaraykutaj saqeykuman pay qanta wañuchinasuntari? Wañuchisunkumanchus chayqa, Judá suyumanta qanman jamusojkuna ch'eqerachisqa kankuman, Judamanta puchoj runakunapis chinkankuman, nispa.

San Juan 5:35

Juanpa yachachisqanqa laqhapi k'anchay jina karqa, qankunataj yachachisqanta uyarispa, kusikorqankichej.