2 Samuel 21:16 - DIOSPA QHELQACHISQ

¹⁶ Jinapi uj jatunkaray runataj Isbibenob sutiyoj Davidta wañuchiyta munaspa, qayllaykorqa. Chay runaj lanzanpa umanqa kinsa kilo khuskanniyojmanta astawanraj karqa, chumpinpitaj uj mosoj espadata apasharqa.

Qheshwa Biblia DC

¹⁶ Uj jatun runataj Isbi-benob sutiyoj Davidta wañuchiyta munarqa. Chay runaj lanzanqa kinsa kilos khuskanniyojmanta astawanraj pesarqa, chumpimpitaj uj mosoj espada kasharqa.

DIOSPA QHELQACHISQAN DEUTEROCANONICAL

¹⁶ Jinapi uj jatunkaray runataj Isbibenob sutiyoj Davidta wañuchiyta munaspa, qayllaykorqa. Chay runaj lanzanpa umanqa kinsa kilo khuskanniyojmanta astawanraj karqa, chumpinpitaj uj mosoj espadata apasharqa.

2 Samuel 21:16 ပူးပေါင်းရင်းမြစ်များ

Génesis 14:5

Qhepan watapi kuraj kamachej Quedorlaomer, pikunachus paywan kasharqanku chaykunapiwan ima Astarot Carnayinman rispa, Refayinpi tiyakojkunata maqanakuspa atiparqanku. Chaymantataj Jam cheqapi Zuz suyumanta kajkunata atiparqanku, Savé Quiriatayin cheqapitaj Em suyumanta kajkunata atiparqanku.

Génesis 6:4

Chantá Diospa churinkuna runakunaj ususinkukunawan casaraspa, wawayoj karqanku, wawankukunataj jatunkaray runakuna karqanku. Paykuna chaypacha, jinataj qhepanejman manchay kallpayoj, manchay uyarisqataj karqanku.

2 Samuel 21:18

Chaymanta Gob llajtapi filisteokunawan uj maqanaku kallarqataj. Chay kutipeqa Sibecay husatitaqa Saf sutiyoj runata wañurparicherqa. Chayqa jatunkaray runaj mirayninkumanta karqa.

2 Samuel 21:20

Gatpipis waj maqanaku kallarqataj. Chaypi kallarqataj uj jatunkaray runa. Ruk'ananqa iskay chunka tawayoj karqa, sojtakama sapa chakinpi, jinallataj sojtakama sapa makinpi. Chay runapis jatunkaray ayllullamantataj karqa.

2 Samuel 21:22

Tawa jatunkaray runakunaqa chay Gat llajtamanta, Refaj mirayninmanta karqanku, chaykunatataj Davidwan, yanapajninkunawan wañucherqanku.

2 Samuel 5:18

Chaypacha filisteokunaqa astawan ñawpajman rispa, Refayin pampaman junt'aykorqanku.

Números 13:22

Chaymanta Neguevnejta rispa, Hebronkama chayarqanku. Chaypi Ajimán, Sesay, Talmay ima tiyakorqanku. Paykunaqa Anacpa mirayninmanta karqanku. Hebrón llajtaqa Egiptopi Soán llajtamanta qanchis wata ñawpajta sayarichisqa kasqa.

Números 13:28

Chaywanpis chaypi tiyakoj runakunaqa manchay kallpayoj kasqanku. Llajtankukunapis jatuchachaj, sumaj perqawan muyurichisqa kasqa. Chay jawa jatunkaray runa Anacpata churinkunatapis rikullarqaykutaj.

Deuteronomio 1:28

Kunanqa maymantaj risunri? Chay jallp'ata qhawaj rejkuna niwanchej, jaqaypi runaqa noqanchejmanta aswan atiyniyoj, astawan jatuchajtaj kasqankuta. Nillawanchejtaj llajtankukunapis jatuchaj sumaj perqawan muyuykuchisqa kasqankuta. Rikullasqankutaj Anacpata miraynenqa jatunkaray runakuna kasqankuta, nispa.

Deuteronomio 2:10

Unay chay jallp'api emita nisqa runakuna tiyakoj kanku. Paykunaqa Anacpata miraynin jina, jatunkaray runakunallataj karqanku.

Deuteronomio 2:11

Wakinkuna anaquitakunata refaitakunamanta rejsillajtaj kasqanku. Moabitakunarí paykunata “emitakuna”, nispa sutichasqanku.

Deuteronomio 2:21

Refaitakunaqa atiyniyoj, ashkhataj karqanku, anaquitakuna jinataj jatunkaray runakuna karqanku. Paykunatarí, Tata Dios amonitakunanejta tukucherqa. Chaymanta amonitakuna chay jallp'ata jap'ispa, chaypi tiyakorqanku.

Deuteronomio 3:11

Refaitakunamanta jatunkaray runakuna nisqamanta, Basanta kuraj kamachej Ogllaña qhepakorqa. Puñunanqa fierromanta ruwasqa karqa, sayt'unman tawa metro, kinrayninmantaj yaqha iskay metro jina. Chay puñunanqa kunankama amonitakunaj llajtanku Rabapi kakushan.

Deuteronomio 9:2

Chaypi tiyakojkunaqa Anacpata miraynin jatunkaray runakuna kanku. Chaykunamanta parlajta uyarinkichej: Pitaj Anacpa mirayninmanta jatunkaray runakunaman sayaykuyta atinmanri? nispa.

Josué 11:22

Ajinamanta Israel suyupi jatunkaray runaj Anac sutiyoj ayllunmanta ni uj qhepakorqachu. Wakin anaquitakuna Gazapi, Gatpi, Asdodpi imalla kawsashaj qhepakorqanku.

Josué 15:14

Chay llajtamanta Calebqa Anacpa kinsantin churinkunata wijch'orqa: Sesayta, Ajimanta chantá Talmayta ima.

1 Samuel 17:7

Lanzanpa k'aspintaj awana k'aspi jinapuni karqa, puntantaj fierromanta karqa. Chay puntataj sojta kilomanta astawanraj pesarqa. Paypa ñawpaqentataj jark'akunan escudota apaykachapojnin rej.