2 Samuel 21:1 - DIOSPA QHELQACHISQ

¹ David kuraj kamachej kashajtin, kinsa wata junt'ata yarqhay karqa. Chaypacha Davidqa Tata Diosta tapurerqa, Tata Diostaj kuticherqa: Chay yarqhayqa kashan Saúl, jinataj ayllunkunapis gabaonitakunata wañuchisqankumanta, nispa.

Qheshwa Biblia DC

¹ Davidpa tiemposnimpi kinsa wata junt'ata uj yarqhay karqa. Chaypacha Davidqa Señorta tapurerqa, Señortaj kuticherqa: Chay yarqhayqa jamun Saúl jinataj ayllumpis yawarta jich'asqankurayku, paykunaqa gabaonitasta wañuracherqanku.

DIOSPA QHELQACHISQAN DEUTEROCANONICAL

¹ David kuraj kamachej kashajtin, kinsa wata junt'ata yarqhay karqa. Chaypacha Davidqa Tata Diosta tapurerqa, Tata Diostaj kuticherqa: Chay yarqhayqa kashan Saúl, jinataj ayllunkunapis gabaonitakunata wañuchisqankumanta, nispa.

2 Samuel 21:1 ပူးပေါင်းရင်းမြစ်များ

Génesis 12:10

Chaypacha Canaanpi yarqhay wata karqa. Chayrayku Abramqa Egiptoman tiyakoj yaykorqa, imaraykuchus tiyakusharqanku chaynejpi manapuni imapis mikhunankupaj karqachu.

Génesis 26:1

Chaypacha tukuy chay cheqanejpi manchay yarqhay karqa, imaynachus Abraham kawsashajtin karqa, jinallataj. Chayrayku Isaacqa Gerarman tiyakoj riporqa, maypichus filisteokunaj kuraj kamachejninku Abimelec tiyakorqa, chayman.

Génesis 41:57

Tukuy waj suyukunamantapis Egiptoman Josemanta trigota rantikoj jamullarqankutaj, imaraykuchus ni mayqen suyupi mikhuna karqañachu.

Génesis 42:5

Jinapi Israelpa churinkuna Egiptoman waj rejkunawan khuska rerqanku, imaraykuchus tukuynin Canaán jap'iypipis manallataj mikhuna karqachu.

Génesis 43:1

Chaywanpis Canaanpi yarqhayqa mana awantay atina jinaña karqa.

2 Samuel 16:8

Tata Dios jasut'ishasunki Saulpa ayllunmanta kajkunata wañurachisqaykimanta, paypa cuentanmanta kamachinaykipaj. Kunantaj Tata Diosqa kamachinaykita churiyki Absalonman jaywan. Kunanqa ruwasqaykiman jina llakiyman chayanki, imaraykuchus runa wañuchi kanki, nispa.

2 Samuel 20:26

Yaír llajtamanta Irataj Davidpa sacerdotellantaj karqa.

2 Samuel 21:5

Chantá paykuna kuticherqanku: Chay runaqa chinkachiyta munawarqayku, wakichikorqataj noqaykuta tukuchiyta munaspa, amaña kay Israel suyupi tiyakunaykupaj.

2 Samuel 24:1

Tata Diosqa israelitakunapaj watejmanta sinch'ita phiñakuspa, paykunaj contrankupi Davidta yuyaycharqa, Israel aylluta, Judá ayllutawan yupachinanta.

2 Samuel 5:19

Chayraykutaj Davidqa Tata Diosta taporqa: Filisteokunawan maqanakoj riymanchu? Paykunawan maqanakojtiyrí, atipayta yanapawankimanchu? nispa. Tata Diostaj kuticherqa: Arí, maqanakoj rillay. Noqa yanapasqayki atipanaykipaj, nispa.

2 Samuel 5:23

Watejmanta Davidqa Tata Diosta tapullarqataj, Tata Diostaj nerqa: Ama paykunawan maqanakoj ñawpaqenkuta riychu. Manachayqa chay bálsamo sach'akunanejman chayaytawan, muyuykuspa qhepallankumanta maqanakoj yaykunki.

1 Reyes 17:1

Diosmanta sut'inchaj Eliasqa Galaad jap'iypi Tisbé llajtayoj karqa. Uj kuti payqa kuraj kamachej Ajabta nimorqa: Israelpa Tata Diosninpa sutinpi, pejpa kamachinpichus noqa kashani, chaypa sutinpi niyki: Mana kay jamoj watakunapi paramonqachu nitaj chhullamonqachu, noqa ujtawan ninaykama, nispa.

1 Reyes 18:2

Chantá Eliasqa Ajabwan parlaj rerqa. Chaypacha Samariapi yarqhayqa anchañapuni karqa.

2 Reyes 6:25

Chay jinata muyuykusqankurayku Samaria llajtapi manchay yarqhay karqa. Uj burro umata pusaj chunka qolqewan rantej kanku, joq'ori akaman rijch'asqa chuwitataj khuskan librata phishqa qolqewan rantej kanku.

2 Reyes 8:1

Sunenpi tiyakoj warmej wawanta Eliseo kawsarichisqa, chay warmiman Eliseo aswan qhepaman nisqa: Tata Dios nin kay suyupi qanchis watata manchay yarqhay kananta. Chayrayku qanwan, tukuy aylluykiwan ima kaymanta ripuychej, maymanchá munankichej, chayman, nispa.

Job 10:2

Diosta nisaj: Ay Diosníy, ama juchachawaychu ari, imamantachus juchachawasqaykita niway ari.

Salmos 27:8

Sonqoyqa niwan: Tata Diosta mask'ay, nispa, noqataj, Tata Dios, qanta mask'ayki.

Salmos 50:15

Llakiykuna qhatirisojtin, wajyakuway, noqataj kacharichisqayki. Chaymantataj qan jatunchawanki, nispa.

Salmos 91:15

Pay wajyawajtin, noqa uyarisaj. Llakiypipis noqa paywan kasaj, kacharichispataj, payta jatunchasaj.

Levítico 26:26

Maypachachus mikhunaykichejta qhechusqaykichej chaypachaqa, chunka warmikuna uj hornollapi t'antata chayachenqanku. Qankunamantaj pisimanta pisi t'antata qosonqachej, manataj sajsakunkichejchu.

Números 27:21

Josueqa Urimnejta noqata tapunawanpaj Eleazar sacerdoteman qayllanqa. Chantá Josué kamachejtin, tukuy israelitakuna llojsenqanku, jinallataj kutimponqanku, nispa.

Josué 7:1

Judá jatun ayllumanta uj runa Achán sutiyoj karqa. Payqa Carmij churin karqa, Zabdij allchhin, chantá Zerajpa allchhinpa churintaj. Payqa Tata Diospa nisqanman jina phirisqa kanan karqa, chaykunamanta wakinta jap'ispa, pakaykorqa. Chayrayku tukuy israelitakuna Tata Diospa ñawpaqenpi juchayoj rikhurerqanku, phirisqa kanan karqa chaymanta wakinta Achán suwasqanmanta. Chaynejta Diospa phiñakuynin israelitakunaj contrankuta k'ajarerqa.

Josué 9:20

Kayta ruwasunchej: Paykunata mana wañuchisunchu, tilusqanchejta p'akisqanchejrayku, Diospa phiñakuynin ama chayamunawanchejpaj, nispa.

Rut 1:1

Juezkuna kamachisharqanku chaypacha, Israel suyupi manchay yarqhay karqa. Chantá Judá jap'iypi Belén llajtamanta uj runa, warminwan churinkunawan ima Moabman rerqanku.

1 Samuel 10:22

Chayrayku Tata Diosta ujtawan taporqanku, chaypi paykunawanchus manachus Saúl kashasqanta. Tata Diostaj paykunaman kuticherqa: Saulqa q'epi chawpipi pakasqa karishan, nispa.

1 Samuel 23:11

Saulqa mask'awaj jamonqapunichu? Chantá Keila llajtayojkuna payman jaywaykuwanqankuchu? Tata Dios, Israelpa Diosnin, mañakuyki willarinawaykita, nispa. Tata Diostaj kuticherqa: Saulqa jamonqapuni, nispa.

1 Samuel 23:2

Davidtaj Tata Diosta tapurerqa: Filisteokunawan maqanakoj riymanchu? nispa. Tata Diostaj kuticherqa: Arí, rispa maqanakamuy, Keila llajtatataj kacharichimuy, nispa.

1 Samuel 23:4

Chantá Davidqa ujtawan Tata Diosta tapullarqataj, Tata Diostaj kay jinata nerqa: Rillayña Keilaman, imaraykuchus noqaqa filisteokunata atipaykuyta yanapasqayki, nispa.