2 Samuel 20:21 - DIOSPA QHELQACHISQ

²¹ Chayqa mana jinachu, manachayqa Efraín jatun aylloj jap'iynin orqonejmanta Bicrij churin Sebá sutiyoj runaqa kuraj kamachej Davidpa contranpi oqharikun. Pusamuwaychej pay sapallanta, noqataj kay llajtamanta ithiripusaj, nispa. Chay warmitaj Joabman kuticherqa: Kay perqa patamantapacha umanta wijch'umusqayku, nispa.

Qheshwa Biblia DC

²¹ Chayqa mana jinachu, manachayqa Efraimpa orqosninmanta chay Seba sutiyoj runa, oqharikun rey Davidpa contrampi. Pusamuwaychej pay sapallanta, noqataj kay llajtamanta ithiripusaj. Chay warmitaj Joabman kuticherqa: Kay perqamantapacha umanta wijch'umusqayku.

DIOSPA QHELQACHISQAN DEUTEROCANONICAL

²¹ Chayqa mana jinachu, manachayqa Efraín jatun aylloj jap'iynin orqonejmanta Bicrij churin Sebá sutiyoj runaqa kuraj kamachej Davidpa contranpi oqharikun. Pusamuwaychej pay sapallanta, noqataj kay llajtamanta ithiripusaj, nispa. Chay warmitaj Joabman kuticherqa: Kay perqa patamantapacha umanta wijch'umusqayku, nispa.

2 Samuel 20:21 ပူးပေါင်းရင်းမြစ်များ

2 Samuel 20:1

Chaypacha Gilgal llajtapi kasharqa Benjamín jatun ayllumanta uj millay runa Sebá sutiyoj. Payqa Bicrij churin karqa. Sebaqa putututa waqachispa, nerqa: Yeséj churin Davidwanqa ni ima ruwananchej kanchu. Israelitakuna, wasiykichejman ripuychej, nispa.

2 Samuel 20:2

Tukuy israelitakunaqa Davidta saqerparispa, Bicrij churin Sebata qhatinankupaj rerqanku. Judamanta kajkunatajrí Jordán mayumanta Jerusalenkama kuraj kamachejman sayakuspallapuni kasharqanku.

2 Samuel 20:20

Joabtaj kuticherqa: Chaytaqa mana yuyallanipischu. Mana noqaqa yuyanichu kay llajtata chinkachiyta nitaj phiriyta.

2 Samuel 23:18

Seruyáj churin Joabpa wawqen Abisayqa chay kinsa chunka wapu soldadokunaj kamachejninku karqa. Uj kuti maqanakoj sayaykuspa, lanzanwan 300 runakunata wañuracherqa.

1 Reyes 11:26

Efraín ayllumanta Seredá llajtamanta, Nabatpa churin Jeroboanpis kuraj kamachejpa contranpi oqharikullarqataj. Payqa Salomonpa yanapajnin karqa, mamantaj uj warmisapa Serúa sutiyoj karqa.

2 Reyes 10:7

Kurajkunaj makinkuman chay carta chayajtinkama, Ajabpata churinkunata wañucherqanku. Chantá umankuta qholuspa canastaman churaytawan, Jezrelman apacherqanku.

2 Reyes 5:22

Guejazitaj kuticherqa: Tukuy imapis allillan kashan. Jinapis wiraqochiy kachamuwan nisunaypaj: Efraín jatun aylloj jap'iyninpi, orqorara cheqanejpi sut'inchajkunamanta iskay waynakuna chayamunku. Ama jina kaspa, 3.000 qolqeta, iskay mosoj p'achatawan apachimuway ari, nispa.

Jeremías 4:15

Dan llajtamantapacha mana allin willaykuna uyarikun, Efraín orqonmantataj llakiy willaykuna uyarikullantaj.

Jeremías 50:19

Israel aylluytarí tiyakunanku llajtaman kutichimusaj, chaypitaj ovejakuna jina sumaj pastota mikhonqanku Carmelopi, Basanpi, Efrainpa orqonpi, Galaadpi ima, nispa.

Josué 24:33

Aaronpa churin kuraj kaj sacerdote Eleazarpis wañupullarqataj, ayantataj Efraín jatun aylloj jap'iyninpi, orqorara cheqapi, churin Finespa orqonpi p'amparqanku.

Jueces 2:9

Israelitakunataj payta p'ampasqanku paypa jallp'anpi Timnat Seraj nisqapi. Chayqa kashan Efrainpa jatun aylloj jap'iyninpi, Gaas orqomanta wichaynejpi.

Jueces 7:24

Chaypacha Gedeonqa Efraín jatun ayllumanta kajkunamanpis willachillarqataj, chay jatun ayllumanta qharikuna madianitakunawan maqanakoj urayk'amunankuta. Kamachillarqataj Jordán mayuta chantá Bet Barakama tukuy mayuta jark'aykunankuta. Efraín jatun ayllumanta kajkunaqa Gedeonpa kamachisqanta kikinta ruwarqanku.

Jueces 9:55

Israelita soldadokunataj Abimelec wañusqanta rikuytawan, sapa ujninku wasinkuman kutiporqanku.

1 Samuel 24:6

6 (7) Runankunatataj nerqa: Tata Diosqa amapuni munachunchu kuraj kamachejniypa contranpi oqharikunayta. Payqa Tata Dios ajllaspa churasqanrayku kuraj kamachej kashan, nispa.

1 Samuel 26:9

Davidtajrí Abisayman kuticherqa: Ama wañuchiychu. Tata Dios juchachanqapuni pichus paypa ajllakusqan kuraj kamachejta wañuchejtaqa.