2 Samuel 20:19 - DIOSPA QHELQACHISQ

¹⁹ Noqaykoqa kay llajtapi allin sonqoyoj runakuna kayku. Jinapis qanqa Israelpa maman jina kaj llajtata thuñiykuyta munashanki. Imaraykutaj chinkachiyta munanki Tata Diospa chayaqen llajtatari? nispa.

Qheshwa Biblia DC

¹⁹ Llajtaykoqa tukuymanta aswan k'acha tiyakoj llajta, mana jayk'aj t'aqakoj Israelpa tukuy imasninmanta. Tukuymanta aswan uyarisqa kajtaj! Jinapis qanqa phiriyta munashanki. Imaraykutaj chinkachiyta munanki Señorpa llajtantarí?

DIOSPA QHELQACHISQAN DEUTEROCANONICAL

¹⁹ Noqaykoqa kay llajtapi allin sonqoyoj runakuna kayku. Jinapis qanqa Israelpa maman jina kaj llajtata thuñiykuyta munashanki. Imaraykutaj chinkachiyta munanki Tata Diospa chayaqen llajtatari? nispa.

2 Samuel 20:19 ပူးပေါင်းရင်းမြစ်များ

Génesis 18:23

Chantaqa uj chhikantawan qayllaykuspa, Abrahamqa Tata Diosta taporqa: Mana juchayoj runataqa juchayojtawan khuskachu wañuchinki?

2 Samuel 14:16

Kuraj kamachejníy, uyariwanki chayqa, Diospa jallp'anmanta wawaytawan, noqatawan chinkachiyta munajmanta waqaychawasqayku.

2 Samuel 17:16

Jinamanta nerqa usqhayllata kuraj kamachej Davidman kay jinata willamunankuta: Ama chay ch'innejpi puñunkichejchu, manachayqa Jordán mayuta chimpaychej, Absalonpa soldadonkuna qanta jinataj soldadoykikunata ama wañuchinankupaj, nispa.

2 Samuel 20:18

Chantá warmeqa nerqa: Unayqa nej kanku: Pillapis imallatapis yachayta munajqa Abel llajtapi tapukamuchun, nispa. Ajinamanta imatapis allinchaj kanku.

2 Samuel 20:20

Joabtaj kuticherqa: Chaytaqa mana yuyallanipischu. Mana noqaqa yuyanichu kay llajtata chinkachiyta nitaj phiriyta.

2 Samuel 21:3

Davidtaj paykunata tapurerqa: Imanasajtaj qankunawanri? Imatataj ruwasaj allinyananchejpaj, jinamanta Tata Diosqa ayllunta saminchananpajri? nispa.

1 Reyes 8:53

Qanqa tukuy suyu ukhumanta, chayaqeyki kananpaj Israel aylluykita ajllakorqanki. Ajinata kamachiyki Moisesnejta ñawpa tataykunata Egiptomanta orqhomuspa nerqanki, nispa. Ajinata kuraj kamachej Salomonqa Dioswan parlarqa.

Salmos 106:5

Noqaqa ajllakusqaykikuna kusisqa kawsakusqankuta rikuyta munani. Aylluykiwan khuska kusikuyta munani, qanpata kajkunawan khuska jatunchasunaypaj.

Salmos 124:3

contranchejpi k'arajta phiñakusqankurayku, kawsashajta oqoykuwasunman karqa.

Salmos 33:12

Kusikuyniyoj pi suyojtachus Tata Diosqa Diosnin kajtin. Chay aylluta payqa paypata kananpaj ajllakun.

Salmos 78:71

Diosqa oveja michinamanta Davidta orqhospa, payta ayllunta qhawananpaj churarqa, Israel aylluta michinanpaj.

Jeremías 51:34

Sión llajta Jerusalenqa nin: Babiloniata kuraj kamachej Nabucodonosor oqoykuwarqayku. T'unata ruwaspa, ch'usaj chuwata jina saqerpariwarqayku. Mama qochamanta sierpe jina oqoykuwarqayku, kapuyniykuwantaj sajsaykukorqa. Chaymantataj llajtaykumanta wijch'uwarqayku.

Jeremías 51:44

Noqataj Babiloniaj diosnin Belta jasut'isaj, imatachus oqoykusqantataj lansachisaj. Manañataj waj suyukunapis payman jamonqankuchu. Babiloniaj perqankunapis thuñisqa kanqa.

Lamentaciones 2:16

Tukuy awqaykikuna qanpaj rimanku. Paykuna alqochakuspa, kirunkuta k'arurakuspataj, ninku: Kay llajtata ujllapi chinkarpachina. Noqanchej kay p'unchayta maytapuni suyasharqanchej, kunantaj rikunchejña, nispa.

Lamentaciones 2:2

Tata Dios mana khuyakuspa, tukuy imata pampata ruwan. Phiñakuyninwan Tata Diosqa Jacobpa tukuy wasinkunata thuñiran. Judá llajtaj jark'achasqa perqantapis tukuyninta pampachan. Kuraj kamachejta, kurajkunatawan maytapuni k'umuykuchin.

Lamentaciones 2:5

Tukuyta Kamachej Dios awqa jina tukuynin israelitakunata tukuchin. Kamachina wasita thuñiran, jark'achasqa llajtaj perqankunatapis pampata ruwan. Jinamanta k'achitu Judá suyuta manchay llakiywan, waqaywan ima junt'achin.

Números 16:32

Ajinata jallp'a kicharikuspa, Corewan sayashajkunata, tukuy aylluntinta, imankuchus karqa, chaytawan khuska, tukuyninkuta oqoykorqa.

Números 26:10

Chaypacha jallp'a kicharikuspa, iskayninkuta, chantá Coretawan ima oqoykorqa. Jinallataj Coreta qhatejkuna wañorqanku. 250 qharikuna ninaj ruphasqan wañorqanku. Ajina karqa wajkuna ama paykuna jina ruwanankupaj.

1 Corintios 15:54

Maypachachus kay q'etayaj ukhu tukuponqa mana jayk'aj q'etayaj ukhuman, kay wañoj ukhutaj tukuponqa mana jayk'aj wañojman chaypacha, Diospa Qhelqachisqanpi nisqanman jina junt'akonqa: Wañoyqa atipasqaña, chinkachisqataj, nispa.

2 Corintios 5:4

Kay pachapi toldopi jina kawsashaspaqa, llakikuspa mayta ayqonchej. Chaywanpis mana wañuyta munanchejchu ajinamanta almalla kananchejpaj. Manachayqa mosoj ukhuyoj kayta munanchej, ajinamanta kay wañoj ukhunchejqa wiñay kawsayman yaykunanpaj jina tukuchisqa kananpaj.

Deuteronomio 20:10

Uj llajtaman maqanakoj chayaspaqa, ñawpajta chay llajtayojkuna qankunawan uj tratota ruwanankuta ninkichej.

Deuteronomio 32:9

Tata Dios chayaqenpaj kikin ayllullantataj ajllakorqa. Paypa chayaqenqa Jacobpa miraynin.

1 Timoteo 2:2

Astawanqa kuraj kamachejkunarayku Diosmanta mañapuy, chantá tukuy kamachejkunapaj ima. Ajinamanta allin kawsakuypi kawsakusunchej, mana ni ima ch'ajwapi, Diosta kasuspa, chantá cheqanta ruwaspa ima.

Jueces 5:7

Israel suyupi llajtakunaqa ch'inpacha qhepakorqanku. Chaypacha noqa Débora oqharikorqani, Israelpaj uj mama jina.

1 Samuel 10:1

Saulpa kamachin ripojtinkama, Samuelqa Saulpa umanman aceitewan jich'aykorqa, much'aykuspataj, nerqa: Kunanmanta Tata Diosqa Israel suyunpi kuraj kamachejnin kanaykipaj ajllasunki. Paykunata kamachispa, muyuyninkupi kaj awqankukunaj makinkumanta kacharichinki. Tata Diosqa qanta kuraj kamachej kanaykipaj ajllasusqanmanta kaymin señal kanqa:

1 Samuel 26:19

Wiraqochi kamachejníy, ama jina kaspa, kunan parlarikusqayta uyaririway. Tata Dioschus noqaj contraypi kanaykita nisorqa chayqa, Tata Dios qhespichiwachun, uywata ñak'aspa q'olachisqaytataj jap'ikuwachun. Runallamantachus kanman chayrí, Tata Diosqa paykunata sinch'ita ñak'arichichun. Paykunaqa Tata Diospa jallp'anmanta wijch'uwaspa, waj dioskunata yupaychanaman tanqashawanku.