2 Samuel 2:5 - DIOSPA QHELQACHISQ

⁵ Chaypacha Davidqa kachakunata Galaadpi Jabesman kacharqa, kay jinata nichispa: Tata Dios qankunata saminchachun Saulmanta khuyakusqaykichejrayku, ayanta jallp'aykichejpi p'ampasqaykichejmanta.

Qheshwa Biblia DC

⁵ Chaypacha Davidqa willajkunata Jabesman kacharqa, kay jinata nichispa: Señor qankunata bendicichun Saúl reyniykichejta khuyakusqaykichejrayku, payta jallp'aykichejpi p'ampaspa.

DIOSPA QHELQACHISQAN DEUTEROCANONICAL

⁵ Chaypacha Davidqa kachakunata Galaadpi Jabesman kacharqa, kay jinata nichispa: Tata Dios qankunata saminchachun Saulmanta khuyakusqaykichejrayku, ayanta jallp'aykichejpi p'ampasqaykichejmanta.

2 Samuel 2:5 ပူးပေါင်းရင်းမြစ်များ

Génesis 14:19

Chantá pay Abramta kay jinata samincharqa: Patapi Kaj Dios saminchasuchun, pichus janajta, kay pachatawan ruwaj, chay.

Génesis 14:22

Abramtajrí Sodomata kuraj kamachejman ajinata kuticherqa: Noqaqa chhika kaj Patapi Kaj Tata Diosman tiluspa niniña, pichus janajta, kay pachatawan ruwajman:

2 Samuel 15:20

Qaynallaraj chayamorqanki. Imaynatataj nisqayki noqawan rinaykitari? Mana yachanichu maymanchus rinaytapis. Kutipullay, kay llajta masiykikunatawan pusakapuy. Tata Diostaj khuyakususpa waqaychasuchun, nispa.

2 Samuel 21:12

Chaypacha Davidqa Galaad jap'iypi Jabés llajtaman rispa, Saulpa tullunta, jinataj churin Jonatanpa tulluntapis oqharimorqa. Jabés llajtayojkunaqa aya warkhurayashajta Betsán plazamanta suwamusqanku, maypichus filisteokuna Saulta Gilboapi atipaykuspa warkhusqanku, chaymanta.

Salmos 115:15

Janajta, kay pachatawan ruwaj Tata Dios qankunata saminchachun.

Josué 2:14

Chantá chay wateqajkuna kuticherqanku: Sichus kay nisqaykuta mana junt'aykumanchu chayqa, Dios wañuchiwachuyku. Qanrí kaypi kasqaykumanta amapuni pimanpis willankichu. Maypachachus Tata Dios kay jallp'ata qowasqayku chaypacha, noqayku nisqaykuta junt'aspa qanmanta khuyakusqayku, nispa.

Jueces 21:8

Chantá tapunakullarqankutaj: Kanmanchu mayqen israelitakunapis Mispapi Tata Diospa ñawpaqenpi tantakuyman mana jamojkuna? nispa. Chaypachataj repararqanku Galaadpi Jabesmanta kajkuna ni mayqen chay tantakuyman jamusqankuta.

Rut 1:8

Ñanpi kashajtinkurí, Noemí ñojch'ankunata nerqa: Kutipuychej ari mamaykichejpa wasinman. Chantá Tata Dios qankunamanta khuyakuchunpuni, imaynatachus qankunapis noqamanta, churiykunamantapis khuyakorqankichej, ajinata.

Rut 2:20

Noemitaj kuticherqa: Tata Diosqa Boozta khuyachun, imaraykuchus payqa may khuyakuyniyoj noqanchejpaj, jinallataj karqa wañojkunawanpis. Chay runaqa qaylla ayllunchej. Paymin noqanchejta qhespichiyta atinman, nispa.

Rut 3:10

Chantá Boozqa nerqa: Tata Dios qanta yanapasuchun. Kunan rikuni wañoj qosaykita mana wasanchasqaykita. Qan casarakuyta munaspaqa, mask'akuwaj karqa noqamanta aswan wayna kajta, wajchatapis chayrí qhapajtapis. Jinapis mana chayta ruwarqankichu.

1 Samuel 11:1

Amón suyoj kuraj kamachejnin Najasqa soldadonkunawan ima Galaadpi Jabés llajtaman rerqa, jap'inanpajtaj chay llajtata muyuykorqa. Jabés llajtayojkunarí nerqanku: Noqaykuwan uj tratota ruwana, noqaykutaj kamachiyniykipi kasqayku, nispa.

1 Samuel 11:9

Chaymanta Saulqa Jabesmanta jamoj kachasqakunata nerqa: Nimuychej Jabespi tiyakojkunaman q'aya chawpi p'unchayta jina kacharichiwasunchej, nispa. Kachasqakunataj kutispa, Jabespi tiyakojkunaman willamorqanku, paykunataj mayta kusikorqanku.

1 Samuel 15:13

Chantá Samuelqa maypichus Saúl kasharqa, chayman rerqa. Saultaj payta nerqa: Tata Dios qanta saminchasuchun. Noqaqa Tata Diospa kamachiwasqanta junt'aniña, nispa.

1 Samuel 23:21

Saultaj kuticherqa: Tata Diosmin saminchasonqachej, noqata khuyakuwasqaykichejmanta.

1 Samuel 24:19

19 (20) Cheqamanta ni pipis kanchu awqanta taripaspaña mana wañuchejqa. Chayrayku Tata Diosqa allin kajwan kutichipusuchun, noqawan kunan imatachus ruwasqaykimanta.