2 Samuel 18:14 - DIOSPA QHELQACHISQ

¹⁴ Joabtaj kuticherqa: Mana astawan tiempoyta usuchiymanchu qanwan parlaspa, nispa. Chantá kinsa lanzata oqhariykukuspa, maypichus Absalón kasharqa, chayman rerqa. Chantá Absalonman chay kinsa lanzata sat'iykorqa encina sach'api warkhusqa kashajtin.

Qheshwa Biblia DC

¹⁴ Joabtaj kuticherqa: Mana astawan tiempoyta qanwan usuchiymanchu, parlaytawantaj kinsa dardosta makimpi oqhariykukuspa Absalompa sonqonman sat'iykorqa, chay encina sach'api warkhusqa kausashajtillanraj.

DIOSPA QHELQACHISQAN DEUTEROCANONICAL

¹⁴ Joabtaj kuticherqa: Mana astawan tiempoyta usuchiymanchu qanwan parlaspa, nispa. Chantá kinsa lanzata oqhariykukuspa, maypichus Absalón kasharqa, chayman rerqa. Chantá Absalonman chay kinsa lanzata sat'iykorqa encina sach'api warkhusqa kashajtin.

2 Samuel 18:14 ပူးပေါင်းရင်းမြစ်များ

2 Samuel 12:10

Chayrayku noqata pisipaj qhawawaspa, jitita Uriaspa warminta jap'ikapusqaykirayku, aylluyki ukhupi wañuchinakoqa kallanqapuni.

2 Samuel 14:30

Chantá Absalonqa kamachinkunata nerqa: Qhawaychej, Joabpa jallp'anqa noqaj jallp'aywan tinkuypi kashan, cebada chajrayoj. Rispa, cebadanman ninata jap'iykuchimuychej, nispa. Absalonpa kamachinkunataj rispa, Joabpa cebada chajranman ninata jap'iykuchimorqanku.

2 Samuel 18:15

Chaymantataj Joabpa chunka armanta apajkuna soldadonkuna Absalonta muyuykuspa, tukucharparerqanku.

2 Samuel 18:5

Chay jawaqa kuraj kamachejqa Joabta, Abisayta, Itayta ima kamacherqa: Noqata munakuwasqaykichejrayku, chay wayna Absalonta khuyayllawan qhawaychej, nispa. Tukuy soldadokunataj uyarerqanku kuraj kamachej imatachus kurajkunaman Absalonmanta kamachisqanta.

2 Samuel 19:1

1 (2) Kuraj kamachejqa churin Absalón wañusqanmanta sinch'i llakiyta waqasqanta Joabman willamorqanku.

2 Samuel 19:11

11 (12) Davidtaj tukuy parlasqankuta uyarerqa. Chaypacha Davidqa sacerdote Sadocman, Abiatarman ima kay jinata willacherqa: Qankuna parlaychej Judá jatun ayllumanta kurajkunawan, tapuychejtaj imaraykuchus qhepakushanku kamachinay wasiman mana kutichiwaspa.

Job 20:5

Millayta ruwaspa purejpa kusikuynenqa mana unaypajchu kashan, kusikuynenqa askamalla tukukapun.

Salmos 37:35

Millayta ruwaj runata rikuni, sumaj jallp'api sach'a jina t'ikarishajta.

Salmos 45:5

5 (6) Kuraj kamachejníy, tukuy suyumanta runakuna k'umuykamusunku, flechaykikunataj awqaykikunaj sonqonkuman sat'iykukun.

San Mateo 12:40

Imaynatachus Jonás jatun challwaj wijsanpi kinsa p'unchayta, kinsa tutatawan karqa, ajinallatataj Runaj Churinpis kinsa p'unchayta, kinsa tutatawan jallp'aj sonqonpi kanqa.

1 Tesalonicenses 5:3

Maypachachus runakuna nishanqanku: Tukuy imapis allillan, ni imamanta llakikuna kanchu, nispa chaypacha, ujllata paykuna tukuchisqa kanqanku, imaynatachus onqoj warmita wawanta paqarichikunanpaj nanaynin oqharin, ajinata. Chaypachataj paykuna mana ayqeyta atenqankuchu.

Jueces 4:21

Chayta Jeberpa warmin Yaelman niytawan, Sisaraqa allin sayk'usqa kaspa, sinch'ita puñurparerqa. Yaeltajrí uj k'ullu mazota oqharikamorqa, toldomanta uj estacata jap'ispataj, ch'insitullamanta Sisaraman chimpaykorqa. Jinataj ch'ipoqonman estacata takaykuspa, umanta pampakama pasarpacherqa. Ajinata Sisaraqa wañorqa.

Jueces 5:26

Chantá uj estacata lloq'e makinwan jap'ispa, k'ullu mazotataj paña makinwan oqharerqa. Sísaraj ch'ipoqonpi wajtaspataj, umanta estacawan pasarparicherqa.

Jueces 5:31

Tata Diosniyku, tukuy awqaykikuna Sísara jina phirisqa kachunku. Qanta munakusojkunataj, imaynatachus chawpi p'unchayta inti k'ancharin, ajinata k'ancharichunku. Ajinata Deborawan, Baracwan Tata Diosman takerqanku. Chaymanta qhepaman Israel suyupi tawa chunka watata, allin kawsakuylla karqa.