2 Samuel 17:9 - DIOSPA QHELQACHISQ

⁹ Kunanpis uj chhanka jusk'upichari pakakushan, chayrí may cheqanejpichus. Chay jawarí ñawpaj kutipi runaykikunamanta wañurasqankuta uyariytawankama, wakinkunaqa yuyanqanku Absalonpa soldadonkuna atipachikusqankuta.

Qheshwa Biblia DC

⁹ Kunampis uj chhanqa jusk'upichari pakakushan, chayri may cheqanejpichus. Chay jawari ñaupaj kutipi runasniykimanta wañurasqankuta uyariytawankama, wakinkunaqa yuyanqanku runasniyki atipachikusqankuta.

DIOSPA QHELQACHISQAN DEUTEROCANONICAL

⁹ Kunanpis uj chhanka jusk'upichari pakakushan, chayrí may cheqanejpichus. Chay jawarí ñawpaj kutipi runaykikunamanta wañurasqankuta uyariytawankama, wakinkunaqa yuyanqanku Absalonpa soldadonkuna atipachikusqankuta.

2 Samuel 17:9 ပူးပေါင်းရင်းမြစ်များ

2 Samuel 17:10

Aswan phiña león jina runakunapis sinch'ita iskayrayanqanku, imaraykuchus tukuy Israel ayllupi yachanku tatayki jina soldadonkunapis wapu kasqankuta.

2 Samuel 17:8

Qanqa yachanki tatayki, chay runankuna ima kallparara wapu kasqankuta. Kunantaj imaynatachus china jukumarimanta uñanta qhechojtinku phiñarikun, jinatachari phiña kashanku. Chay jawaqa tataykeqa maqanakuyman yachasqa, runankunawan khuskataj mana uj ch'isitapis puñushanchu.

Jeremías 41:9

Netaniaspa churin Ismael Gedaliaswan khuska wañurachisqan chay runakunaj ayankuta maymanchus wijch'uykusqanku, chay pujyoqa jatunmin karqa. Chay pujyutaqa kuraj kamachej Asa allachisqa, Israelmanta kuraj kamachej Basanwan maqanakupi kashajtinku jark'akunanpaj. Jinapis Ismaelqa wañuchisqan runakunaj ayankuwan chay pujyuman junt'aykucherqa.

Josué 7:5

Chaypacha Hai llajtamanta soldadokunaqa kinsa chunka sojtayoj israelitakunata wañucherqanku. Wakintataj llajta punkumanta rumi orqhona cheqanejkama qhatiykorqanku, chantá chay uraynejpi paykunata mayta t'ustiykorqanku. Chayrayku israelitakunaqa maytapuni q'ewayarqanku, manañataj maqanakuyta munarqankuchu.

Josué 8:6

Ajinata llajtamanta ayqejtiykoqa, qhepaykuta qhatiykamuwasqayku, ujtawan ayqechishawasqaykuta yuyaspa.

1 Samuel 22:1

Chantá Davidqa chaymanta ripuspa, Adulán chhanka jusk'uman pakakoj ayqerqa. Wawqenkuna, chantá tukuy ayllunpis chayta yachaspa, paywan ujchakoj rerqanku.

1 Samuel 23:22

Kunanqa riychej, allinta yachamuychej maynejpipunichus David pakakushasqanta, pichus payta rikusqantawan ima, imaraykuchus niwanku payqa manchay yuyayniyoj runa kasqanta.

1 Samuel 24:3

3 (4) Purispa, oveja puñuchina kanchaman chayarqanku, chay qayllanejpitaj uj jatun qaqa jusk'u karqa. Chantá Saúl jisp'arikoj chay jusk'uman yaykuykorqa. Chayllapitaj Davidwan runankunawan ima pakakusharqanku.