2 Samuel 17:8 - DIOSPA QHELQACHISQ

⁸ Qanqa yachanki tatayki, chay runankuna ima kallparara wapu kasqankuta. Kunantaj imaynatachus china jukumarimanta uñanta qhechojtinku phiñarikun, jinatachari phiña kashanku. Chay jawaqa tataykeqa maqanakuyman yachasqa, runankunawan khuskataj mana uj ch'isitapis puñushanchu.

Qheshwa Biblia DC

⁸ Qan sumajta yachanki tataykiwan chay runasninwan imaqa sinch'i wapus kanku, kunantaj imaynatachus monte china osamanta uñasninta qhechojtinku phiñakun, jinatachari phiñakushanku. Chay jawaqa tataykeqa maqanakuyman yachasqa, runasninwan khuskataj mana uj ch'isitapis puñonqachu.

DIOSPA QHELQACHISQAN DEUTEROCANONICAL

⁸ Qanqa yachanki tatayki, chay runankuna ima kallparara wapu kasqankuta. Kunantaj imaynatachus china jukumarimanta uñanta qhechojtinku phiñarikun, jinatachari phiña kashanku. Chay jawaqa tataykeqa maqanakuyman yachasqa, runankunawan khuskataj mana uj ch'isitapis puñushanchu.

2 Samuel 17:8 ပူးပေါင်းရင်းမြစ်များ

2 Samuel 15:18

Kuraj kamachejpa ladonman tukuy kamachinkuna sayarqanku. Chantá kuraj kamachejta qhawaj soldadokuna quereteomanta, peleteomantapis paypa ñawpaqenta pasarqanku. Jinallataj 600 geteokunapis pasallarqankutaj, pikunachus Gat llajtamantapacha kuraj kamachejwan khuska jamusqanku, chaykuna.

2 Samuel 17:9

Kunanpis uj chhanka jusk'upichari pakakushan, chayrí may cheqanejpichus. Chay jawarí ñawpaj kutipi runaykikunamanta wañurasqankuta uyariytawankama, wakinkunaqa yuyanqanku Absalonpa soldadonkuna atipachikusqankuta.

2 Samuel 23:16

Chantá chay kinsantin wapu runakunaqa filisteokunaj jarankuman yaykuykuspa, Belén llajtaman yaykuna pujyumanta yakuta orqhomorqanku, chantá Davidman aparqanku. Davidman jaywajtinkutajrí, payqa mana ujyarqachu, manachayqa pampaman jich'arqa, Tata Diosman ofrendata jina jaywaspa.

2 Samuel 23:18

Seruyáj churin Joabpa wawqen Abisayqa chay kinsa chunka wapu soldadokunaj kamachejninku karqa. Uj kuti maqanakoj sayaykuspa, lanzanwan 300 runakunata wañuracherqa.

2 Reyes 2:24

Chantá Eliseo kutirispa, majt'illokunata qhawarqa, Tata Diospa sutinpitaj paykunata maldicerqa. Jinallaman sach'akuna ukhumanta iskay osokuna llojsimuspa, chay majt'illokunamanta tawa chunka iskayniyojta wañucherqa.

Proverbios 17:12

Astawan allinraj uñankunata qhechuchikoj china jukumariwan tinkunaqa, mana uyarikoj wampu runawan tinkunamantaqa.

Proverbios 28:15

Wajcha runakunapaj millayta ruwaj kamachejqa qhaparej león jina, chayrí yarqhasqa oso jina.

Ezequiel 19:2

Mamaykeqa china león kasqa. Payqa leonkunaj chawpinpi thapanta ruwakusqa, chaypitaj uñankunata uywasqa.

Daniel (hebreo) 7:5

Qhepa kaj animalqa jukumariman rijch'akoj phiña animal kasqa. Chay animalqa phawaykunanpaj jina sayashasqa. Siminpi kinsa wajtan tullu achurisqa kashasqa, uyarerqanitaj payman nishasqankuta: Riy, ashkha aychawan sajsamuy, nispa.

Oseas 13:8

Jukumari imaynatachus phiñarikun uñanta qhechojtinku, ajinata qankunata mitharparisqaykichej. Chay kikinpi león jina oqoykusqaykichej, k'ita animal jinataj chhikan chhikanta mitharparisqaykichej.

Jueces 18:25

Danmanta kajkunarí kuticherqanku: Ama qhapariykuwaykuchu. Pajtataj noqaykumanta wakinkuna phiñarikuspa, maqaj jamusunkuman, qantawan, aylluykitawan ima wañuchisunkumantaj, nispa.

1 Samuel 16:18

Chantá ujnin kamachin nerqa: Noqa yachani Belén llajtapi Yeséj ujnin churin arpata sumajta tocayta yachasqanta. Payqa maqanakunapajpis wapu, maychus kajta parlaj, allin rijch'ayniyoj, Tata Diostaj paywan kashan, nispa.

1 Samuel 17:50

Ajinata Davidqa Goliatta atiparqa. Uj warak'allawan, uj rumillawan Davidqa payta wañurparicherqa. Mana espadayoj kasparí,

1 Samuel 23:23

Tukuy pakakunan jusk'uta allinta qhawankichej, walejta yachaspa willanawaykichejpaj. Chaymantaraj noqa qankunawan risaj. Chaynejpipunichus kashanman chayqa, jap'inaykama noqaqa tukuy Judá aylloj jap'iyninpi mask'asaj, nispa.