2 Samuel 17:14 - DIOSPA QHELQACHISQ

¹⁴ Absalón, tukuy israelitakuna imaqa yuyarqanku Jusay arquitaj nisqan aswan allin kasqanta Ajitofelpa yuyaychasqanmanta nisqaqa. Tata Diosqa nisqaña Ajitofelpa yuyasqanqa mana ruwakunanta, Absalonpa patanman llakiyta apachimunanpaj.

Qheshwa Biblia DC

¹⁴ Absalón tukuy israelitas imaqa yuyarqanku Husaipa nisqanqa aswan allin kasqanta, Ahitofelpamanta nisqaqa. Señorqa nisqaña Ahitofelpa yuyasqanqa mana ruwakunanta, Absalompa patanman llakiyta apachimunampaj.

DIOSPA QHELQACHISQAN DEUTEROCANONICAL

¹⁴ Absalón, tukuy israelitakuna imaqa yuyarqanku Jusay arquitaj nisqan aswan allin kasqanta Ajitofelpa yuyaychasqanmanta nisqaqa. Tata Diosqa nisqaña Ajitofelpa yuyasqanqa mana ruwakunanta, Absalonpa patanman llakiyta apachimunanpaj.

2 Samuel 17:14 ပူးပေါင်းရင်းမြစ်များ

Génesis 32:28

28 (29) Chay runataj nerqa: Kunanmantaqa manaña Jacobchu sutiyki kanqa. Kaymanta qhepaman sutiyki “Israel” kanqa, imaraykuchus Dioswan, chantá runakunawan ima maqanakorqanki, atiparqankitaj, nispa.

2 Samuel 15:31

Maypachachus Davidman willarqanku Ajitofelpis Absalonman kutisqa kasqanta chaypacha, Davidqa Tata Diosmanta mañakorqa Ajitofelpa umachasqanta pantachinanpaj.

2 Samuel 15:34

Sitajchus Jerusalenman kutispa, Absalonman kay jinata niwaj: Kuraj kamachejníy, noqaqa qanta yanapasqayki, imaynatachus tataykita yanaparqani, ajinata, nispa. Ajinamanta yanapawankiman Ajitofelpa umachasqanta pantachispa.

2 Samuel 16:23

Chay p'unchaypeqa Ajitofelpa umachasqanta jap'ikoyqa Diospa simi nisqanta jap'ikuywan ninakorqa. Chayrayku Ajitofelpa yuyaychasqanqa Davidpaj, jinataj Absalonpajpis kasunapaj jina karqa.

2 Crónicas 10:15

Kuraj kamachejqa runakunaj mañakusqankuta mana uyarerqachu, imaraykuchus Diospuni ajina kananta munarqa, imatachus Tata Diosqa Silomanta Ajiasnejta sut'inchachisqa Nabatpa churin Jeroboanman, chay junt'akunanpaj.

2 Crónicas 10:8

Roboantajrí chay kurajkunaj yuyaychasqankuta mana jap'ikorqachu, manachayqa payta yanapasharqanku, chay waynakunata tapurikullarqataj, pikunachus paywan khuska wiñasqanku, chaykunata.

2 Crónicas 25:16

Diosmanta sut'inchaj chayta nejtinkamataj, kuraj kamachej Amasiasqa taporqa: Kuraj kamachejta yuyaychanaykipajchu qantaqa churarqayku? Ch'inlla kakuy. Chayrí munankichu soldadoykuna wañuchisunankuta? nispa. Chantá Diosmanta sut'inchajqa mana astawan imatapis parlarqañachu. Chaywanpis nerqa: Nisqayta mana kasuspa, chay mana allin kajta ruwasqaykimanta Tata Diosqa ninña wañuchisunanta, nispa.

2 Crónicas 25:20

Chaywanpis Amasiasqa mana Joasta kasorqachu, Diospuni jinata wakichisqanrayku. Dios munarqa Joaspa makinman paykunata jaywaykuyta, Edom suyoj diosninkunata yupaychasqankurayku.

Nehemías 4:15

Chantá awqaykukunaqa yachakorqanku noqayku paykunata suyaykushasqaykuta, Diostaj imatachus ruwayta munawasqaykuta pantachisqanta. Noqaykutajrí tukuyniyku perqa ruwayman watej kutillarqaykutaj sapa uj ruwananman.

Job 12:17

Diosqa yachayniyojkunaj yachayninkuta chinkachin, juezkunajpatapis umankuta muyuchin.

Salmos 9:15

15 (16) Diosman mana kutirikojkunarí allasqanku t'oqollamantaj urmanku, jap'inapaj ch'ipata churallasqankupitaj chakinkutapis jap'ichikunku.

Salmos 9:16

16 (17) Tata Diosqa cheqan justiciata ruwaj kasqanwan rejsichikun. Millayta ruwaspa purejkunarí ruwasqallankupitaj urmanku.

Éxodo 9:16

Noqarí kawsanaykita munaniraj, atiyniyoj kasqayta rikunaykipaj, ajinamanta qannejta tukuy kay pachantinpi uyarisqa kanaypaj.

Proverbios 19:21

Runaqa tukuy imata ruwananpaj wakichikun. Chaywanpis Tata Diospa yuyasqallan junt'akun.

Proverbios 21:30

Pipis Diospa contranpi sayaykojtin, ni yachayniyoj kaynin, ni yuyayniyoj kaynin, nitaj ima yuyaychakuypis payta yanapanqachu Tata Diosta atipananpaj.

Isaías 8:10

Sumajtapis maqanakunapaj wakichikojtiykichej, qhasi manakajllapaj kanqa. Imata parlasqaykichejqa manapuni junt'akonqachu, imaraykuchus Diosqa noqaykuwan kashan, nispa.

Lamentaciones 3:37

Pitaj imapis kananta ninman, Tata Dios mana kamachejtinri?

Amós 9:3

Carmelo orqomanpis pakakamuchunku, chaymanpis mask'aj risaj. Mama qochaj sonqonman pakakamonqanku chaypis, mama qocha ukhupi kawsaj katarita kachaykusaj paykunata khaninanpaj.

San Lucas 16:8

Chayta yachaspa, patronqa mana allin mayordomota jatunchasqa, yuyayniyoj kasqanmanta. Noqataj niykichej: Diosman mana kutirikoj runakunaqa imata ruwanapaj aswan yuyayniyoj kanku Diospa wawankunamanta nisqaqa.

1 Corintios 3:19

Runaj yachaynenqa Diospaj qhasi manakaj. Diospa Qhelqachisqanpi nin: Diosqa yachayniyojkunata yachaynillankupitaj ch'ipaykun, nispa.

Deuteronomio 2:30

Jesbonmanta kuraj kamachej Sijontajrí jallp'annejta mana pasachiyta munawarqanchejchu, imaraykuchus Tata Diospuni makiykichejman payta jaywaykunanpaj sonqonta rumiyacherqa.

Josué 11:20

Tata Diospuni chay llajtayojkunaj sonqonkuta rumiyacherqa, israelitakunawan maqanakoj sayaykunankupaj. Ajinata Diosqa israelitakuna mana khuyakuspa tukuyninta wañuchinankupaj ruwarqa, Tata Dios Moisesman kamachisqanman jina.