2 Samuel 17:10 - DIOSPA QHELQACHISQ

¹⁰ Aswan phiña león jina runakunapis sinch'ita iskayrayanqanku, imaraykuchus tukuy Israel ayllupi yachanku tatayki jina soldadonkunapis wapu kasqankuta.

Qheshwa Biblia DC

¹⁰ Aswan wapu león jina phiña kaj runapis sinch'ita iskayrayanqanku, chaywampis tukuy Israel ayllupi yachanku tataykeqa soldadosnimpis sinch'i wapus kasqankuta.

DIOSPA QHELQACHISQAN DEUTEROCANONICAL

¹⁰ Aswan phiña león jina runakunapis sinch'ita iskayrayanqanku, imaraykuchus tukuy Israel ayllupi yachanku tatayki jina soldadonkunapis wapu kasqankuta.

2 Samuel 17:10 ပူးပေါင်းရင်းမြစ်များ

Génesis 49:9

Judaqa león uña jina. Jap'ej risqanmanta kutimuspa, payqa jatun leonpis kanman jina winkuykun, chantá phinkiykun. Pitaj payta t'ojpinmanri?

2 Samuel 1:23

Saulwan, Jonatanwanqa ancha munasqa karqanku. Mana t'aqanakorqankuchu kawsashaspa, nitaj wañushaspapis. Ankamanta aswan usqhayta phawaj kanku. Leonkunamantapis aswan kallpayoj karqanku.

2 Samuel 17:9

Kunanpis uj chhanka jusk'upichari pakakushan, chayrí may cheqanejpichus. Chay jawarí ñawpaj kutipi runaykikunamanta wañurasqankuta uyariytawankama, wakinkunaqa yuyanqanku Absalonpa soldadonkuna atipachikusqankuta.

2 Samuel 23:20

Cabsel llajtamanta Joyadáj churin, Benaías sutiyojpis wapu soldadollataj karqa. Paypis t'ukunata ruwallarqataj. Moabmanta Arielpa iskaynin churinkunata pay wañucherqa. Uj kutitaj, maypachachus rit'isharqa chaypacha, uj t'oqoman yaykuspa, uj leonta wañucherqa.

Salmos 89:19

19 (20) Uj kuti mosqoypi jina parlarqanki, qanta qhatisojkunatataj nerqanki: Uj wapu runata aylluymanta ajllakuni. Chantá payta pataman oqharerqani, yanaparqanitaj.

Éxodo 15:15

Edompi kamachejkuna mancharenqanku. Moabpi kamachejkunapis manchachikuspa, kharkatitenqanku. Canaanpi tiyakojkunarí, ch'uchaliman tukonqanku.

Proverbios 28:1

Millayta ruwaj runaqa mana pi qhatiykachashajtillan ayqen. Cheqan runarí león jina ni imamanta manchachikuspa tiyakun.

TAKIYKUNA 3:7

Qhawariychej, chayqa Salomonpa wantunan. Payqa sojta chunka sumaj wapu Israelpa soldadonkuna chawpillankuta jamushan.

Isaías 13:7

Chayrayku tukuy runaj makinku llawch'iyanqa, jinallataj kallpankupis liwikaponqa.

Isaías 19:1

Isaías Egipto suyoj contranpi sut'inchaspa, kay jinata nerqa: Qhawariychej, Tata Diosqa Egiptoman phuyu patapi usqhayta jamushan. Chantá Egiptopi kaj lantikuna payta rikuytawan, kharkatitenqanku, Egiptomanta runakunataj maytapuni mancharikonqanku.

Ezequiel 21:15

15 (20) Chay espadaqa ashkha runata manchachenqa, ashkhatataj wañurachenqa. Tukuy wasi punkupi wañuchej espadata churani. Espadaqa sumaj llosq'ochasqa illapakunata kacharinanpaj, jinataj wañurachinapaj wakichisqa kashan.

Deuteronomio 1:28

Kunanqa maymantaj risunri? Chay jallp'ata qhawaj rejkuna niwanchej, jaqaypi runaqa noqanchejmanta aswan atiyniyoj, astawan jatuchajtaj kasqankuta. Nillawanchejtaj llajtankukunapis jatuchaj sumaj perqawan muyuykuchisqa kasqankuta. Rikullasqankutaj Anacpata miraynenqa jatunkaray runakuna kasqankuta, nispa.

Hebreos 11:34

Jinallataj paykunaqa manchay lawrashaj ninata thasnorqanku, espadawan wañuchisqa kanamanta llusp'erqanku. Pisi kallpayoj kaspapis, kallpasapaman tukorqanku. Jinallataj maqanakupi sinch'i atiyniyojman tukuspa, waj suyukunaj soldadonkunata ayqecherqanku.

1 Samuel 16:18

Chantá ujnin kamachin nerqa: Noqa yachani Belén llajtapi Yeséj ujnin churin arpata sumajta tocayta yachasqanta. Payqa maqanakunapajpis wapu, maychus kajta parlaj, allin rijch'ayniyoj, Tata Diostaj paywan kashan, nispa.

1 Samuel 18:17

Uj kuti Saulqa Davidta nerqa: Kuraj kaj ususiy Merabwan casarachisqayki. Chaypajqa qan maqanakupaj wapu kanayki tiyan, Tata Diospa sutinpi maqanakupipis sumajta maqanakoj kanayki tiyan, nispa. Ajinata nispa, Saulqa yuyasharqa filisteokuna maqanakupi Davidta wañuchinankuta, manataj paychu.