2 Samuel 16:16 - DIOSPA QHELQACHISQ

¹⁶ Chantá Davidpa kawsaqen Jusay arquitaqa Absalonwan tinkumoj rispa, qhaparerqa: Jallalla kachun, jallalla kachun kuraj kamachejqa, nispa.

Qheshwa Biblia DC

¹⁶ Chaymantataj Davidpa kausaqen Husai arquitaqa rerqa Absalonwan tinkumoj qhaparispa kay jinata: Jatunchasqa kachun reyqa, jatunchasqa kachun reyqa!

DIOSPA QHELQACHISQAN DEUTEROCANONICAL

¹⁶ Chantá Davidpa kawsaqen Jusay arquitaqa Absalonwan tinkumoj rispa, qhaparerqa: Jallalla kachun, jallalla kachun kuraj kamachejqa, nispa.

2 Samuel 16:16 ပူးပေါင်းရင်းမြစ်များ

2 Samuel 15:32

Maypichus Diosta yupaychaj kanku, chay orqo puntaman David chayajtinñaqa, arquitakunaj ayllunmanta Jusayqa chaypi paywan tinkumoj rerqa, p'achan llik'isqa, umantaj jallp'awan qhalliykusqa.

2 Samuel 15:34

Sitajchus Jerusalenman kutispa, Absalonman kay jinata niwaj: Kuraj kamachejníy, noqaqa qanta yanapasqayki, imaynatachus tataykita yanaparqani, ajinata, nispa. Ajinamanta yanapawankiman Ajitofelpa umachasqanta pantachispa.

2 Samuel 15:37

Ajinapeqa Davidpa kawsaqen Jusayqa Jerusalenman chayarqa, Absalón chay llajtaman yaykushajtin.

1 Reyes 1:25

Kunantaj Adoniasqa bueykunata, wirayachisqa torillokunata, ashkha ovejatawan ñak'achin, mikhunankupajtaj wajyachin qanpa churiykikunata, soldadokunaj kurajninkukunata, sacerdote Abiatartawan. Paykunaqa mikhushanku, ujyashankutaj Adoniaspa ñawpaqenpi, qhaparirishankutaj: Kuraj kamachej Adonías jallalla jallalla, nispa.

1 Reyes 1:34

Jaqaypeqa sacerdote Sadoc, Diosmanta sut'inchaj Natanwan Salomonpa umanman aceitewan jawenqanku Israelpa kuraj kamachejnin kananpaj. Putututa waqachispataj, qhapariychej: Kuraj kamachej Salomón jallalla, jallalla, nispa.

1 Reyes 4:5

Natanpa churin Azarías kurajkunaj jilaqatanku karqa, sacerdote Natanpa churin Zabudtaj kuraj kamachejpata yuyaychajnin karqa.

2 Reyes 11:12

Chantá sacerdote Joyadá kuraj kamachejpa churin Joasta orqhomuytawan, umanman pilluta churarqa, jinataj kuraj kamachej imachus ruwananmanta qhelqasqatawan jaywarqa. Chantá aceitewan umanman jich'aykuspa, kuraj kamachej kananpaj churarqa. Chaymantataj tukuyninku t'ajllarikuspa, qhaparerqanku: Jallalla, jallalla kuraj kamachej, nispa.

Daniel (hebreo) 2:4

Chantá yachayniyoj runakuna arameo parlaypi kuraj kamachejta nerqanku: Jallalla jallalla, kuraj kamachejniyku, wiñaypaj kawsay. Mosqokusqaykita willawayku, noqaykutaj sut'inchasqayku imatachus niyta munasqanta, nispa.

Daniel (hebreo) 5:10

Jinapi kuraj kamachejpa mamanqa churin Belsasarpa qhaparisqanta, chantá kurajkunaj qhaparisqankutawan uyarispa, maypichus mikhusharqanku, chayman yaykorqa, nerqataj: Jallalla jallalla, kuraj kamachejníy, wiñaypaj kawsakuy. Ama llakikuychu, amataj uyaykipis jinatapuni q'elluyachunchu.

Daniel (hebreo) 6:21

21 (22) Danieltaj kuticherqa: Jallalla jallalla, kuraj kamachejníy, wiñaypaj kawsay.

Daniel (hebreo) 6:6

6 (7) Ajinata nispa, chay kurajkuna, kamachejkunawan ima parlanakorqanku, kuraj kamachej Darioman parlapayaj rinankupaj. Chantá ñawpaqenpi sayaspa, nerqanku: Jallalla jallalla, kuraj kamachejniyku, wiñaypaj kawsakuy.

San Mateo 21:9

Chantá Jesuspa ñawpaqenta rejkuna, qhepanta jamojkuna ima qhaparisharqanku: Davidpa Churin jatunchasqa kachun. Tukuyta Kamachej Diospa sutinpi jamojta jatunchaychej. Qhespichej Dios janaj pachapipis jatunchasqa kachun, nispa.

1 Samuel 10:24

Jinapi Samuelqa tukuyta nerqa: Tata Diospa ajllakusqanta rikuychej. Mana mayqenpis paymanqa jap'ikunchu, nispa. Chantá tukuy israelitakuna qhaparerqanku: Jallalla, jallalla kuraj kamachejqa, nispa.