2 Samuel 16:10 - DIOSPA QHELQACHISQ

¹⁰ Kuraj kamachejtajrí kuticherqa: Kayqa mana qankunapajchu. Paychus jinata nishan chayqa, Tata Dios kamachisqanraykuchá nishan. Jina kajtenqa, pitaj ninman: Imaraykutaj chayta ruwashanki? nispa.

Qheshwa Biblia DC

¹⁰ Reytaj kuticherqa: Kay ruwayqa mana qankunapajchu. Pay jinata nishan chayqa, Señor kamachisqanraykuchari. Jina kajtenqa pitaj parlarinman imaraykuchus chayta ruwasqanmantarí?

DIOSPA QHELQACHISQAN DEUTEROCANONICAL

¹⁰ Kuraj kamachejtajrí kuticherqa: Kayqa mana qankunapajchu. Paychus jinata nishan chayqa, Tata Dios kamachisqanraykuchá nishan. Jina kajtenqa, pitaj ninman: Imaraykutaj chayta ruwashanki? nispa.

2 Samuel 16:10 ပူးပေါင်းရင်းမြစ်များ

Génesis 50:20

Qankuna mana allinta ruwawayta munarqankichej, Diostajrí mana allin kajta allinman tukucherqa, kunan imatachus rikushasqaykichejta ruwananpaj, ashkha runata kawsachinanpaj ima.

2 Samuel 19:22

22 (23) Davidtajrí kuticherqa: Ni ima ruwanay kanchu qankunawan, Seruyáj churinkuna. Imaraykutaj churanakuwankichejri? Kunan cheqamanta yachani Israelpa kuraj kamachejnin kasqayta. Chayrayku kunan p'unchayqa mana pipis Israelpi wañuchisqachu kanqa, nispa.

2 Samuel 19:23

23 (24) Chaymantataj kuraj kamachejqa Simeyta nerqa mana wañuchinanta.

2 Samuel 3:39

Diospa churasqan kuraj kamachej kani chaypis, mana kallpayoj jina kashani, Seruyáj churinkuna chay millayta ruwasqankurayku. Tata Diosqa chay juchankuman jina kutichipuchun ruwajkunamanqa, nispa.

1 Reyes 17:18

Warmisapataj Eliasta nerqa: Diospa kamachin, imanaykitaj noqa qantari? Juchaymanta sut'inchajchu jamuwarqanki, chaymanta wawaypis wañunanpajri? nispa.

1 Reyes 2:5

Qanqa yachankiña imatachus Seruyajpa churin Joabqa ruwawasqanta. Mana maqanaku kashajtinpis, payqa iskay kamachej soldadokunata wañucherqa: Nerpa churin Abnerta, Jeterpa churin Amasatawan ima. Chayta ruwasqa maqanakupi wañusqakunamanta vengakuspa, chaymantataj noqapis juchachasqa rikhurerqani paylla juchayoj kajtinpis.

2 Reyes 18:25

Manachu noqapis Tata Dios kachamuwasqanrayku kay suyuta chinkachinaypaj jamushani? Tata Diosmin niwarqa: Riy, chay suyuta chinkachimuy, nispa.

Job 9:12

Sichus imatapis jap'ikapun chayqa, pitaj mañakapuyta atinmanri? Pitaj imatachus ruwasqanmanta cuentata mañanmanri?

Salmos 39:9

9 (10) Ujtawanpis ch'inlla karqani, manataj parlarerqanichu, imajtinchus qan imatachus ruwanaykita nisqaykimanta mana pipis cuentata mañasonqachu.

Eclesiastés 8:4

Kuraj kamachejpa kamachisqanqa kasunapajpuni, manataj pipis payta niyta atinchu: Imatá kayta ruwankiri? nispa.

Lamentaciones 3:37

Pitaj imapis kananta ninman, Tata Dios mana kamachejtinri?

Daniel (hebreo) 4:35

35 (32) Paypa ñawpaqenpi kay pachapi tiyakoj runakuna manakaj jinalla kanchej. Payqa munayninman jina ruwan janaj pachapi, jinallataj kay pachapipis. Manataj pipis Diospa atiyninman sayaykojqa kanchu, manallataj pipis payta tapurej kanchu: Imarayku kay jinata ruwankiri? nispa.

San Mateo 16:23

Jesustajrí kutirikuspa, Pedrota nerqa: Riy kaymanta, Supay Satanás. Qanqa mana Diospa munasqanman jinachu yuyashanki, manachayqa runa jinalla, nispa.

San Mateo 8:29

Paykunataj kay jinata qhapariyta qallarerqanku: Diospa Churin, ima ruwanayki tiyan noqaykuwanri? Manaraj ñak'arinayku kashajtin, noqaykuta ñak'arichejchu jamunki? nispa.

San Juan 18:11

Jesustajrí Pedrota nerqa: Espadaykita waqaychakapuy. Sichus Tatay ñak'arinayta kamachiwan chayqa, manachu yuyanki ñak'arinaypaj wakichisqa kashasqayta? nispa.

Romanos 9:20

Qanrí, runalla kaspa, pitaj kanki Dioswan churanakunaykipajri? T'uru mankaqa pichus ruwajta ninmanchu: Imapaj ajinata ruwawarqanki? nispa?

1 Pedro 2:23

Runakuna Cristota turiyashajtinku, payqa mana kutichikorqachu. Ñak'arichisqa kashaspapis, mana nerqachu chaymanta pagachikunanta. Aswanpis cheqanta juzgaj Juezpa makinman churakorqa.

1 Samuel 26:19

Wiraqochi kamachejníy, ama jina kaspa, kunan parlarikusqayta uyaririway. Tata Dioschus noqaj contraypi kanaykita nisorqa chayqa, Tata Dios qhespichiwachun, uywata ñak'aspa q'olachisqaytataj jap'ikuwachun. Runallamantachus kanman chayrí, Tata Diosqa paykunata sinch'ita ñak'arichichun. Paykunaqa Tata Diospa jallp'anmanta wijch'uwaspa, waj dioskunata yupaychanaman tanqashawanku.