2 Samuel 16:1 - DIOSPA QHELQACHISQ

¹ David orqota wasaykusqantawankama, Mefibosetpa kamachin Sibá llojsimorqa Davidta taripamoj. Payqa cargayoj iskay burrota qhatimorqa, chaypitaj 200 t'antata aparqa, pachaj kilo uva k'isata, pachaj higo k'isamanta t'antata, jinataj uj qara bota vinotawan.

Qheshwa Biblia DC

¹ David uj chhikatawan orqo puntata pasasqantawankama Mefi-bosetpa kamachin Siba llojsimorqa Davidwan tinkoj. Payqa chajnasniyoj iskay burrosta qhatimorqa, chaypitaj iskay pachaj t'antasta aparqa, pachaj chhullchu uvas k'isasta, chay tiempopi poqojkunamanta pachaj chhullchustawan, jinataj uj qara bota vinotawan.

DIOSPA QHELQACHISQAN DEUTEROCANONICAL

¹ David orqota wasaykusqantawankama, Mefibosetpa kamachin Sibá llojsimorqa Davidta taripamoj. Payqa cargayoj iskay burrota qhatimorqa, chaypitaj 200 t'antata aparqa, pachaj kilo uva k'isata, pachaj higo k'isamanta t'antata, jinataj uj qara bota vinotawan.

2 Samuel 16:1 ပူးပေါင်းရင်းမြစ်များ

2 Samuel 15:30

Davidtajrí Olivos orqo wichayta q'ara chakilla, waqaspa, umanta qhataykukuspataj wicharerqa. Tukuy paywan kajkunapis umankuta qhataykukuspa, waqaspallataj wicharerqanku.

2 Samuel 15:32

Maypichus Diosta yupaychaj kanku, chay orqo puntaman David chayajtinñaqa, arquitakunaj ayllunmanta Jusayqa chaypi paywan tinkumoj rerqa, p'achan llik'isqa, umantaj jallp'awan qhalliykusqa.

2 Samuel 19:17

17 (18) Paywantaj Benjamín jatun ayllumanta 1.000 runakuna jamorqanku. Jinallatataj Saulpa uywaqen Sibapis chunka phishqayoj wawankunawan, iskay chunka kamachinkunawan ima rispa, Jordán mayuman chayarqanku manaraj kuraj kamachej chayashajtin.

2 Samuel 19:32

32 (33) Payqa allin machuña karqa, pusaj chunka watayojña. Majanayin llajtapi kuraj kamachej David kashanankama, tukuy imata kuraj kamachejman jaywasqa may qhapaj kasqanrayku.

1 Crónicas 12:40

Chay jawaqa muyuyninkupi tiyakojkuna, jinataj Isacar jatun ayllumanta, Zabulonmanta, Neftalí jatun ayllumanta ima burrokunapi, camellokunapi, mulakunapi, bueykunapi ima tukuy imaymana mikhunata apamorqanku: Jak'uta, higomanta t'antata, k'isata, vinota, aceiteta, wakakunata, ovejakunata ima. Israel suyupi jatun kusiy kasqanrayku, ashkhata apamorqanku.

Proverbios 18:16

Jatun sonqowan waqerejtaqa, tukuy runakuna uyarinku. Chaynejta maypaj qhawasqa runakunaj ñawpaqenmanpis chayanku.

Jeremías 40:10

Noqaqa Mispapi qhepakusaj, caldeokuna kayman jamojtinku qankunarayku parlarinaypaj. Qankunatajrí vinota, aceiteta, poqoykunata ima tantaspa, jallch'akuychej. Jinamanta jap'isqaykichej llajtakunapi tiyakuyta atinkichej, nispa.

Jeremías 40:12

Chayta yachaspa, maymanchus ch'eqerachisqa karqanku, chaymanta Judaman kutispa, Mispapi Gedaliasman rerqanku. Chaymantataj paykunaqa ashkha vinota ruwarqanku, jinataj may chhika poqoykunata oqharerqanku.

Amós 8:1

Tukuyta Kamachej Tata Dios mosqoypi jina rikuchiwarqa poqoyniyoj uj canastata.

Miqueas 7:1

Ay, imallapichus tukukusaj. Noqa chajmakoj jina kani, pichus poqoyta pallay tukukuyta higota, chayrí uva chhullchuta mask'an, ajina. Chaywanpis mana imatapis tarinichu, imajtinchus pallajkuna tukuyninta pallasqanku.

1 Samuel 10:3

Aswan jaqaymantaj, Taborpi encina sach'a chayman chayaspa, Betelman Diosta yupaychaj rejkunamanta kinsa runawan tinkukunki. Ujnenqa kinsa chivota apashanqa, ujnintaj kinsa t'antata, ujnintaj qara bota vinota.

1 Samuel 16:20

Yesetaj churin Davidta Saulman kacharqa. Chantá t'antata, uj bota vinota, uj chivota ima burroman chajnaykuspa, apachillarqataj.

1 Samuel 25:18

Chantá usqhayllata Abigailqa 200 t'antata, iskay bota vinota, phishqa oveja aycha kankata, phishqa arroba trigo jank'ata, pachaj chhullchu uva k'isata, higo k'isamanta 200 tortillata ima q'epichakorqa. Chaykunatataj burrokunaman chajnaykucherqa.