2 Samuel 15:25 - DIOSPA QHELQACHISQ

²⁵ Jinapi kuraj kamachejqa Sadocta nerqa: Diospa arcanta llajtaman kutichipullay. Sichus Tata Dios khuyawanqa chayqa, pay munanqa kutimunayta arcanta rikunaypaj, jinallataj maypichus kashan, chay cheqatapis.

Qheshwa Biblia DC

²⁵ Reytaj Sadocman nerqa: Watejmanta llajtaman kutichipullaytaj kay Doispa cajonnintaqa. Sichus Señor khuyawanqa chayqa, Pay munanqa kutimunayta rikunaypaj trato cajonninta maypichus kashan chaytawampis.

DIOSPA QHELQACHISQAN DEUTEROCANONICAL

²⁵ Jinapi kuraj kamachejqa Sadocta nerqa: Diospa arcanta llajtaman kutichipullay. Sichus Tata Dios khuyawanqa chayqa, pay munanqa kutimunayta arcanta rikunaypaj, jinallataj maypichus kashan, chay cheqatapis.

2 Samuel 15:25 ပူးပေါင်းရင်းမြစ်များ

2 Samuel 6:17

Tata Diospa arcantaqa chaypajpuni Davidpa wakichisqan toldo ukhuman churarqanku. Chantá Davidqa Tata Diospa ñawpaqenpi q'olacherqa uywa ñak'asqakunata jinataj allinyakunapaj jaywanakunatawan.

2 Samuel 7:2

Chaypacha kuraj kamachej Davidqa Diosmanta sut'inchaj Natanta nerqa: Qhawariy, noqaqa sumaj pinomanta ruwasqa wasipi tiyarikushani, Diospa arcantajrí toldollapi kashan, nispa.

Salmos 122:1

(1b) Noqaqa manchayta kusikuni: Tata Diospa wasinman jaku rina, nispa niwajtinku.

Salmos 122:9

Jerusalén, qanpi Tata Diosninchejpa Templon kasqanrayku allinniykita mask'asaj.

Salmos 26:8

Tata Dios, tiyakunayki Temploykita noqa munakuni, maypichus jatun kayniykej lliphipiynin kashan, chayta.

Salmos 84:10

10 (11) Uj p'unchayllatapis patioykipi kayqa aswan sumaj, waranqa p'unchayta jawapi kanamanta nisqaqa. Aswanqa munayman Diospa wasin punkuta qhawayta, millayta ruwajkunawan kawsakunaymanta nisqaqa.

Éxodo 15:13

Mana jayk'aj tukukoj khuyakuyniykiwan kacharichisqayki israelitakunata pusashanki. Atiyniykiwantaj tiyakunayki cheqaman pusashanki.

Éxodo 33:12

Chantá Moisés Tata Diosta nerqa: Qan niwarqanki: Israelitakunata qan pusay, nispa. Chaywanpis mana niwankichu noqawan rinanpaj pitachus kachamunawaykita. Jinallataj niwarqanki noqapi sumajta atinikusqaykita, khuyarikunawaykipajtaj sonqoyki kasqanta.

Éxodo 33:13

Sichus cheqatapuni khuyarikuspa qhawarinawaykita tarini chayqa, imatachus ruwayta munasqaykita niway ari, noqa qanta munakusunaypaj, jinataj qan noqapi atinikunaykipaj. Amataj qonqaychu kay runakunaqa qanpata wawaykikuna kasqankuta, nispa.

Isaías 38:22

Ezequiasrí nillasqataj: Ima señal kanqa qhaliyaspa Tata Diospa Templonman rinaypajri? nispa.

Jeremías 25:30

Qantaj Jeremías, sutiypi kay tukuyta sut'inchaspa, paykunata niy: Tata Diosqa patamanta sinch'ita qhaparimonqa, janaj pachapi kamachinan tiyana kashan, chaymantapacha. Ayllunpa contranta ima qhaparimonqa, imaynatachus uvata ch'irwajkuna qhaparimunku, ajinata.

Jeremías 7:4

Ama atinikuychejchu q'otiyajkunaj nisqankupi. Paykuna nisunkichej: Tata Diospa Templon kaypi kasqanrayku, Dios kay llajtata mana chinkachenqachu, nispa.