2 Samuel 14:28 - DIOSPA QHELQACHISQ

²⁸ Iskay watata Absalonqa Jerusalenpi tiyakorqa, manataj kuraj kamachejta watukoj riyta atejchu.

Qheshwa Biblia DC

²⁸ Iskay watasta Absalonqa Jerusalempi karqa reypa uyanta mana rikuspa.

DIOSPA QHELQACHISQAN DEUTEROCANONICAL

²⁸ Iskay watata Absalonqa Jerusalenpi tiyakorqa, manataj kuraj kamachejta watukoj riyta atejchu.

2 Samuel 14:28 ပူးပေါင်းရင်းမြစ်များ

Génesis 33:10

Jacobtajrí nillarqapuni: Sichus cheqapuni sonqoyki noqapaj allin chayqa, ama jina kaspa, imatachus qosusqayta jap'ikullaway. Qanta rikuspaqa, kikin Diostapis rikushayman jina kani, imaraykuchus ima munayta jap'iwanki.

Génesis 43:3

Judatajrí nerqa: Ña niykuña, chay wiraqocheqa sut'ita niwasqaykuta. Pay niwarqayku: Sichus sullk'aykichejta mana pusamuwankichejchu chayqa, ama kutimuwankichejchu, nispa.

2 Samuel 14:24

Kuraj kamachejtajrí kamacherqa Absalonqa wasinman cheqanta ripunanta. Chayrayku Absalonqa wasinman riporqa, manataj kuraj kamachejpa wasinman yaykorqachu.

2 Samuel 14:29

Chantá Absalonqa Joabta wajyacherqa paypa sutinpi kuraj kamachejta watumunanpaj. Joabtajrí mana riyta munarqachu. Uj kutitawanpis Absalonqa nillarqataj Joabqa kuraj kamachejman rinanta. Chay kutipipis Joabqa manallataj rerqachu.

1 Reyes 1:53

Chantá kuraj kamachej Salomonqa Adoniasta altarmanta pusamunankupaj kacharqa. Chaymantataj Adoniasqa Salomonpa ñawpaqenman rispa, pampakama k'umuykorqa. Salomontaj payta nerqa: Ripullay wasiykiman, nispa.

1 Reyes 2:36

Chaymanta kuraj kamachejqa Simeyta wajyachimuspa, nerqa: Uj wasita Jerusalenpi ruwakuy chaypi tiyakunaykipaj, chaymantataj ama maymanpis llojsinkichu.

San Mateo 18:10

Qankunaqa kay juch'uykunamanta ama mayqentapis pisipaj qhawankichejchu, imaraykuchus noqa niykichej: Paykunaj angelninkoqa janaj pachapi Tata Diosniypa uyanta qhawashankupuni.