2 Samuel 14:19 - DIOSPA QHELQACHISQ

¹⁹ Jinataj kuraj kamachejqa taporqa: Manachu kay tukuy imataqa Joab umachaykusunki? nispa. Warmitaj kuticherqa: Qan kuraj kamachejniyrayku tiluni chay nisqaykeqa cheqanpuni kasqanta. Qanpa yanapajniyki Joabpuni kachamuwarqa, payllataj yachachiwarqa kay tukuy imata qanman nisunayta.

Qheshwa Biblia DC

¹⁹ Chaypacha reyqa taporqa: Manachu kay tukuy imastaqa Joab umachaykusunki? Chay warmitaj kuticherqa: Qan reyniyrayku jurayki, chay nisqaykeqa cheqampuni kasqanta. Qampa yanapajniyki Joabpuni kachamuwarqa, payllataj yachachiwarqa kay tukuy imasta qanman nisunayta.

DIOSPA QHELQACHISQAN DEUTEROCANONICAL

¹⁹ Jinataj kuraj kamachejqa taporqa: Manachu kay tukuy imataqa Joab umachaykusunki? nispa. Warmitaj kuticherqa: Qan kuraj kamachejniyrayku tiluni chay nisqaykeqa cheqanpuni kasqanta. Qanpa yanapajniyki Joabpuni kachamuwarqa, payllataj yachachiwarqa kay tukuy imata qanman nisunayta.

2 Samuel 14:19 ပူးပေါင်းရင်းမြစ်များ

2 Samuel 11:11

Chantá Uriasqa Davidman kuticherqa: Tata Diospa arcan, Israelmanta jinataj Judamanta soldadokunapis sach'a thansamanta ruwasqa ch'ujllakunallapi kashanku. Jinallataj Joabpis, kamachiykikunapis q'ara pampallapi puñushanku. Noqataj riymanchu kasqa wasiyman mikhoj, ujyaj, warmiywan puñukamojtaj? Qanrayku tiluni: Mana chaytaqa ruwasajchu, nispa.

2 Samuel 14:18

Chantá kuraj kamachej David kuticherqa: Imatachus tapusqayta ama llullakuspa cheqanta willaway, nispa. Warmitaj kuticherqa: Kuraj kamachejníy, parlarillay, nispa.

2 Samuel 14:3

Chaymantataj kuraj kamachejpaman rispa, kay imatachus nisqayki, chay kikinta nimunki, nispa. Joabtaj yachacherqa imatachus chay warmeqa kuraj kamachejman ninanta.

2 Samuel 18:13

Chaytachus ruwayman karqa chayqa, noqaj contrallaypajtaj kanman karqa, imaraykuchus kuraj kamachejpajqa mana imapis pakasqaqa kanchu. Qantaj kuraj kamachejmanta jark'akunawaykipaj mana imatapis ruwawajchu karqa, nispa.

2 Samuel 3:27

Hebronman Abner chayamojtinkama, Joabqa llajta punkumanta wajnejman pusarqorqa sapallankupi parlanankupaj. Chaypitajrí Joabqa Abnerta wijsanpi t'ojsispa, wañurparicherqa, wawqen Asaelta wañuchisqanmanta vengakuspa.

2 Samuel 3:29

Tata Diosqa Joabta, aylluntawan kay juchamanta ñak'arichichun. Ayllunpi kallachunpuni yawar apay onqoywan, llejti onqoywan, chayrí wist'u chaki kaywan onqojkuna. Wañuchisqa kachunku, chayrí yarqhaymanta ñak'arichunku, nispa.

2 Samuel 3:34

Makiykeqa mana watasqachu karqa, nitaj chakiykipis t'inkisqachu. Imaynatachus runakuna wañuchejkunaj makinkupi wañunku, ajinallatataj qanpis wañorqanki, nispa. Tukuy runapis Abnermanta waqashallarqankupuni.

2 Reyes 2:2

Chantá Eliasqa Eliseota nerqa: Kaypi qhepakuy, imaraykuchus Tata Diosqa Betelman kachashawan, nispa. Eliseotajrí nerqa: Tata Diospa sutinrayku chantá sutiykirayku ima tiluni: Mana sapaykita rejta saqesqaykichu, nispa. Chantá iskayninku Betelman rerqanku.

Éxodo 4:15

Egiptopiña kashajtiykichej qan payman parlaspa, imatachus ninanta sumajta yachachinki. Noqataj paywan kasaj, jinallataj qanwanpis. Chantá imatachus ruwanaykichejta noqallataj yachachisqaykichej.

Proverbios 25:2

Diosqa wakin yachayta pakaspa, may jatun kasqanmanta yachayta qowanchej. Kuraj kamachejtajrí chay pakasqa kajta sut'inchaspa, chaymanta jatunchasqa kanqa.

Proverbios 4:27

Ñanniykimantaqa ni pañaman nitaj lloq'eman pantaykuychu. Mana allinta ruwaspa purinamantapis t'aqakuy.

Números 20:17

Chayrayku nirikusuyta munayku jallp'aykinejta pasarichinawaykuta. Noqaykoqa mana chajra chawpintachu, nitaj uva huertayki chawpintachu pasasqayku, nillataj yakuykitapis ujyasqaykuchu. Noqaykoqa jallp'aykita pasanaykukama mana lloq'eman nitaj pañanejman pantaspa, jatun ñanninta risqayku, nispa.

San Lucas 21:15

imaraykuchus noqamin yachayta qosqaykichej, yuyaychasqaykichejtaj imatachus parlanaykichejta. Jinapi awqaykichejkuna chay parlasqaykichejta mana atipanqankuchu, nitaj kutichikuytapis atenqankuchu.

Deuteronomio 28:14

Kunan qoshayki, chay kamachisqakunamanta ama pañaman nitaj lloq'enejman karunchakunkichu, waj dioskunata kasuspa yupaychanaykipaj.

Deuteronomio 5:32

Chayrayku Tata Diosniykichej kamachisusqanta kasunaykichejmanta allinta qhawaychej, ama pañaman, nitaj lloq'eman ladoyaspa.

Josué 1:7

Chayrayku kallpachakuy, waputaj kay, kamachiy Moisés kamachisusqanman jina tukuyninta junt'anaykipaj. Chaytaqa junt'aypuni ari, ama ni uj chhikanta karunchakuspa, imatachus nisqanta kikinta ruwaspa, tukuy ima ruwasqaykipi allin risunanpaj.

1 Samuel 1:26

Chaypitaj Anaqa Elita nerqa: Tatáy, yachanki jina, unay qan rikushawajtiyki Tata Diosmanta mañakorqani, noqa chay warmi kani.

1 Samuel 17:55

David chay filisteowan maqanakoj rishajtin, Saulqa soldadokunata kamachej Abnerta tapusqa: Abner, pitaj jaqay waynaj tatanri? nispa.

1 Samuel 20:3

Davidtajrí nillarqapuni: Tataykeqa yachan qanwan noqawan sumajta kawsakusqanchejta. Chayrayku mana willasunkichu ama qan llakikunaykipaj. Tata Diospa sutinrayku, qanpa sutiykiraykupis tiluni wañuy patapi kashasqayta, nispa.

1 Samuel 25:26

Chaywanpis Tata Dios mana munarqachu qan makiykiwan justiciata ruwayta munaspa wañuchej jamunaykita. Tata Dios munachun tukuy qanpa awqaykikuna, mana allinta ruwayta munasojkunapis, Nabal jina ñak'arichisqa kanankuta.