2 Samuel 14:11 - DIOSPA QHELQACHISQ

¹¹ Chay warmirí nillarqataj: Kuraj kamachejníy, Tata Diosmanta mañay, ama aylluy astawan llakiyta yapanawanta vengakuspa, ujnin kaj wawaytawan wañuchispa. Kuraj kamachejtaj nerqa: Tata Diospa sutinrayku tiluni: Wawaykitaqa mana pipis imananqankuchu, nispa.

Qheshwa Biblia DC

¹¹ Chay warmirí nillarqataj: Mañayki qan reyniyta Señor Diosniykirayku ninawaykita, mayqen ayllumpis waway wañusqanmanta vengakuspa, ama astawan llakiyta yapanampaj ujnin kaj wawaytawan wañuchispa. Reytaj nerqa: Señorpa sutimpi jurayki, wawaykej umanmantaqa mana uj chujchallampis urmanqachu!

DIOSPA QHELQACHISQAN DEUTEROCANONICAL

¹¹ Chay warmirí nillarqataj: Kuraj kamachejníy, Tata Diosmanta mañay, ama aylluy astawan llakiyta yapanawanta vengakuspa, ujnin kaj wawaytawan wañuchispa. Kuraj kamachejtaj nerqa: Tata Diospa sutinrayku tiluni: Wawaykitaqa mana pipis imananqankuchu, nispa.

2 Samuel 14:11 ပူးပေါင်းရင်းမြစ်များ

Génesis 14:22

Abramtajrí Sodomata kuraj kamachejman ajinata kuticherqa: Noqaqa chhika kaj Patapi Kaj Tata Diosman tiluspa niniña, pichus janajta, kay pachatawan ruwajman:

Génesis 31:50

Ichapis wawaykunata k'umuykachachiwaj, chayrí wawaykuna jawa waj warmikunata oqharikuwaj. Mana pi rikoj kajtinpis, yuyarikuy Diosllamin testigo kananta, nispa.

2 Samuel 14:10

Kuraj kamachejtaj kuticherqa: Pichus contraykipi imata ruwayta munajta kayman pusamuwanki, manañataj ujtawan imanasonqachu, nispa.

2 Samuel 14:12

Chay warmitaj nillarqapuni: Kuraj kamachejníy, ama jina kaspa, ujsitutawan nirikusqayta uyariway, nispa. Kuraj kamachejtaj nerqa: Parlallay, nispa.

2 Samuel 14:21

Chaypacha kuraj kamachejqa Joabta wajyachispa nerqa: Ñapis imatachus ruwanayta niniña. Rispa, wayna Absalonta kutichimuy, nispa.

1 Reyes 1:52

Salomontaj nerqa: Sichus payqa allin runa jina purenqa chayqa, mana pipis imananqachu. Sitajchus mana allinta ruwanqa chayrí, wañuchisqa kanqa, nispa.

Jeremías 4:2

Chantá cheqan sonqowan cheqanta ruwaspa, jinallataj wajkunapaj allinta ruwaspa ima sutiypi tiluyta atinki. Ajinatachus ruwanki chayqa, tukuy suyukuna sutiynejta saminchasqa kanqanku, paykunataj yupaychawanqanku, nispa.

Números 35:19

Wañojpa aswan qaylla ayllun chay runa wañuchita tarispa, wañuchinan tiyan.

Números 35:21

chayrí chejnikuspa maqaykunman, chay runataj wañun chayqa, chay maqaj runaqa wañuchisqallataj kanqa. Wañojpa aswan qaylla ayllun chay runa wañuchita tarispa, wañuchenqa.

Números 35:27

wañojpa aylluntaj pakakuna llajtamanta jawapi payta taripaspa wañuchinman chayqa, pichus wañuchej mana juchachasqachu kanqa.

San Mateo 10:30

Jinallataj Diospis qankunamanta mana qonqanchu. Umaykichejpi chujchaykichej mashkhachus kasqanta yachan.

Hechos 27:34

Ama jinachu kaychej. Kawsayta munaspaqa, imitallatapis mikhurikuychej ari. Ama manchachikuychejchu, imaraykuchus ni uj chujchallapis umaykichejmanta chinkanqachu, nispa.

1 Samuel 14:45

Israelitakunatajrí Saulman kuticherqanku: Imaraykutaj Jonatán wañunman kasqari? Paynejta noqanchej filisteokunata mayta atipaykorqanchej. Mana wañunmanchu. Tata Diosrayku tiluyku: Mana uj chujchallanpis pampaman urmanqachu, imaraykuchus chay ruwasqanpi Dios payta yanaparqa, nispa. Ajinata israelitakunaqa Jonatán wañuchisqa kananmanta jark'akorqanku.

1 Samuel 20:42

Chaymanta Jonatanqa Davidta nerqa: Ama llakikuspalla ripuy. Tilusqanchejqa Tata Diospa ñawpaqenpimin karqa. Tata Dios chaymanta yachan qanwan noqawan wiñaypaj kawsakunanchejpaj, jinallataj qanpa mirayniykiwan, noqaj mirayniywanpis kawsakunankupaj, nispa.

1 Samuel 28:10

Saultaj Tata Diospa sutinrayku tiluspa, nerqa: Tata Diospa sutinrayku tiluyki, nisqayta ruwasqaykirayku mana pipis imanasonqachu, nispa.