2 Samuel 13:28 - DIOSPA QHELQACHISQ

²⁸ Absalonqa kamachinkunata yachaykuchisqa: Sumajtamin Amnonta qhawankichej. Machaykojtinkama, noqa nisqaykichej wañuchinaykichejta, qankunataj payta wañuchinkichej. Ama manchachikuychejchu nisqayman jina ruwaytaqa. Kallpachakuychej, wapuchakuychejtaj, nispa.

Qheshwa Biblia DC

²⁸ Absalontaj kamachi runasninta kamachisqa: Sumajta qhawankichej Amnonta, umanta vino muyuchejtinñaqa, noqa nisqaykichej wañuchinaykichejta, qankunataj chaypacha wañuchinkichej. Ama manchachikunkichejchu chayta ruwayta, noqa jinata kamachisusqaykichejrayku. Ajinaqa kallpachakuychej wapuchakuychejtaj.

DIOSPA QHELQACHISQAN DEUTEROCANONICAL

²⁸ Absalonqa kamachinkunata yachaykuchisqa: Sumajtamin Amnonta qhawankichej. Machaykojtinkama, noqa nisqaykichej wañuchinaykichejta, qankunataj payta wañuchinkichej. Ama manchachikuychejchu nisqayman jina ruwaytaqa. Kallpachakuychej, wapuchakuychejtaj, nispa.

2 Samuel 13:28 ပူးပေါင်းရင်းမြစ်များ

Génesis 9:21

Chantá uj kuti Noé vinota ujyaspa, machaykorqa. Chayrayku payqa machasqamanta toldon ukhupi q'alalla wijch'urpayakorqa.

2 Samuel 11:13

Davidtaj mikhuyta jinataj ujyanata machaykuchinankama qorqa. Ch'isiyaykuytañataj, Uriasqa llojsiporqa. Chaywanpis kamachina wasita qhawaj soldadokunawan puñukaporqa, manapunitaj wasinman rerqachu.

2 Samuel 11:15

Chay cartapitaj nerqa: Uriasta ñawpaj puntapi sinch'i maqanaku kashan, chayman churaychej, chantá sapanta saqerpariychej chaypi wañuchinankupaj, nispa.

2 Samuel 12:10

Chayrayku noqata pisipaj qhawawaspa, jitita Uriaspa warminta jap'ikapusqaykirayku, aylluyki ukhupi wañuchinakoqa kallanqapuni.

2 Samuel 13:27

Absalón kutin kutinta nisqanrayku, kuraj kamachejqa saqerqa Amnón, chay wakin churinkunapiwan rinankuta. Absalontaj sumaj mikhunata kuraj kamachejpaj jina wayk'ucherqa.

2 Samuel 14:6

Noqajtaqa iskay churiykuna karqanku. Paykunaqa campopi maqanakusqanku, mana pipis t'aqaj kajtintaj, ujnin kaj chay ujninta maqaspa, wañurparichisqa.

1 Reyes 20:16

Paykunaqa chawpi p'unchayta llojserqanku. Chaykamataj Ben Adadqa jinataj chay kinsa chunka iskayniyoj kuraj kamachejkuna payta yanapaj jamusqanku, chaykunawan machakusharqa.

Ester (hebreo) 1:10

Qanchis kaj p'unchaypi kuraj kamachej Asueroqa vinowan macharisqa kashaspa, eunuco nisqa, chay qanchis kamachinkunata wajyarqa: Meumanta, Biztata, Jarbonata, Bigtata, Abagtata, Zetarta, Carcastawan ima.

Salmos 104:15

Vinota runaj sonqonta kusichinanpaj qonki, aceitetapis uyanta lliphipirichinanpaj, mikhunatataj kawsananpaj.

Éxodo 1:18

Chayrayku Egiptota kuraj kamachejqa parterakunata wajyachispa, taporqa: Imaraykutaj qhari wawakunata mana wañuchinkichejchuri? nispa.

Eclesiastés 10:19

Mikhuykunaqa kusikunapaj, vinotaj sonqota kusichinapaj. Qolqetajrí tukuy imata ruwanapaj allinmin.

Eclesiastés 9:7

Chayrayku qanqa kusisqa mikhuy, vinoykitapis tukuy sonqo ujyarikuy, imaraykuchus Diosqa ruwasqanchejta allin kasqanta nin.

Daniel (hebreo) 5:30

Chaywanpis chay ch'isinpacha caldeokunaj kuraj kamachejninku Belsasar wañuchisqa karqa.

Nahúm 1:10

Khishkarara ch'awjra jina, ch'aki ichhu jinataj tukuynin awqankuna ruphachisqa kanqanku.

San Lucas 21:34

Qankunarí qhawarikuychej. Pajtataj anchata mikhunawan, machaykunawan, kay kawsaymanta phutikuykunawan ima sonqoykichej atipachikunman. Pajtataj chay p'unchay mana wakichisqata jap'isunkichejman.

Hechos 5:29

Chantá Pedrowan, Jesuspa chay waj kuraj kachankunawan ima kuticherqanku: Diostapuni astawanqa kasunayku tiyan, runakunata kasunaykumantaqa.

Josué 1:9

Noqamin kamachiyki: Sumajta kallpachakuy, waputaj kay. Ama manchachikuychu, nitaj q'ewakuychu. Noqa Tata Diosniyki qanwanpuni kasaj, maymanchá rinki, chaypi, nispa.

Jueces 19:22

May kusiypi karishajtinkutaj, chay llajtamanta millay sajra runakuna wasita muyuykuspa, punkuta takayta qallarerqanku. Paykunataj nerqanku chay wasiyoj machu runata: Chay chayakamoj runaykita orqhomuy. Paywan puñuyta munayku, nispa.

Jueces 19:6

Jinataj suegronwan tiyaykukuspa mikhorqanku, ujyarqankutaj. Chantá warmej tatanqa levitata nerqa: Kay ch'isitawan qheparikuy ari, khuska kusirikunanchejpaj, nispa.

Jueces 19:9

Maypachachus levitaqa, warminwan, kamachinwan ima jatarikorqanku ripunankupaj chaypacha, suegronqa nillarqataj: Ña ch'isiyamushanña. Kay ch'isitawan qheparikuy ari kusirikunanchejpaj, q'ayataj tutamanta ripullankichej, nispa.

Rut 3:7

Boozqa mikhuspa ujyaspataj, mayta kusikorqa. Chaymantataj puñunanpaj era kantupi siriykakaporqa. Chay qhepantataj Rut ch'insitullamanta rispa, chakin chayta qhataraspa, jayt'ananman suskhuykorqa.

1 Samuel 18:22

Chantá Saulqa kamachinkunata nerqa: Qankuna sapallanpi Davidta niychej: Kuraj kamachejqa maytapuni munakusunki, jinallataj tukuy kamachinkunapis. Kuraj kamachejpa tolqan kayta munallayña, nispa.

1 Samuel 28:10

Saultaj Tata Diospa sutinrayku tiluspa, nerqa: Tata Diospa sutinrayku tiluyki, nisqayta ruwasqaykirayku mana pipis imanasonqachu, nispa.

1 Samuel 28:13

Chantá kuraj kamachej nerqa: Ama mancharikuychu. Imatataj rikunkiri? nispa. Chay warmitaj kuticherqa: Uj diosta jina jallp'amanta llojsimushajta rikuni, nispa.