2 Samuel 12:22 - DIOSPA QHELQACHISQ

²² Davidtaj kuticherqa: Waway kawsashajtillanraj, ayunarqani, waqarqanipis, yuyaspa: Ichapis Tata Diosqa noqamanta khuyakuspa, wawayta kutirichinman, nispa.

Qheshwa Biblia DC

²² Davidtaj kuticherqa: Wawa kausashajtillanrajqa ayunarqani waqarqanipis, yuyaspa ichapis Señorqa noqamanta khuyakuspa wawayta kutirichinanta.

DIOSPA QHELQACHISQAN DEUTEROCANONICAL

²² Davidtaj kuticherqa: Waway kawsashajtillanraj, ayunarqani, waqarqanipis, yuyaspa: Ichapis Tata Diosqa noqamanta khuyakuspa, wawayta kutirichinman, nispa.

2 Samuel 12:22 ပူးပေါင်းရင်းမြစ်များ

2 Samuel 12:21

Jinapi kamachinkuna taporqanku: Kuraj kamachejniyku, imatataj ruwashankiri? Wawa kawsashajtillanrajqa, mana mikhuyta munarqankichu, payraykutaj waqarqanki. Kunantaj wawayki wañupojtinñarí, jatarikuspa, mikhushanki, nispa.

2 Reyes 20:3

Tata Dios, noqamanta yuyarikuy, imaynatachus cheqanta, allin sonqowantaj ñawpaqeykipi purisqaymanta, munayniykiman jina ruwaspa, nispa. Chantá Ezequías manchay llakisqa waqarikorqa.

Isaías 38:5

Rispa, Ezequiasman nimuy: Ñawpa tatayki Davidpa Tata Diosnin kay jinata nisunki: Mañakusqaykita, waqasqaykitapis uyarini. Chayrayku noqa niyki chunka phishqayoj watatawanraj kawsanaykita.

Joel 1:14

Tukuy runata tantaspa, ayunanankuta niychej. Tata Diosniykichejpa Templonpi tantaychej kurajkunata, kay suyupi tiyakojkunatawan, chaypitaj Tata Diosmanta mañakuychej.

Joel 2:14

Ichapis Tata Dios manaña nisqanman jina qankunata jasut'isonqachejchu. Aswanpis khuyarikuspa, chajrata poqochipusonqachej, vinotawan qosonqachej, Tata Diosniykichejman jaywanaykichejpaj.

Amós 5:15

Mana allin kajta chejniychej, allin kajtataj munakuychej. Justicia ruwana wasipi cheqan justicia ruwasqa kananta mask'aychej. Jinata ruwajtiykichej, ichapis Tukuy Atiyniyoj Tata Dios puchoj israelitakunamanta khuyarikunman.

Jonás 1:6

Chantá barcopi kamachej chimpaykuspa, Jonasta nerqa: Puñuysiki, imaraykutaj puñushankiri? Jatariy, Diosniykiman qhaparikuy, ichapis pay khuyarikuwasunman ama wañunanchejpaj, nispa.