2 Samuel 12:13 - DIOSPA QHELQACHISQ

¹³ Chantá Davidqa Natanman kuticherqa: Tata Diospa contranpi juchallikuni, nispa. Natantaj kuticherqa: Tata Diosqa juchaykita pampachan. Chay jucharayku mana wañunkichu.

Qheshwa Biblia DC

¹³ Davidtaj Natanman nerqa: Señorpa contrampi juchallikuni. Natantaj kuticherqa: Chay juchallisqaykimanta, Señorqa mana jasut'isonqachu, manataj wañunkichu.

DIOSPA QHELQACHISQAN DEUTEROCANONICAL

¹³ Chantá Davidqa Natanman kuticherqa: Tata Diospa contranpi juchallikuni, nispa. Natantaj kuticherqa: Tata Diosqa juchaykita pampachan. Chay jucharayku mana wañunkichu.

2 Samuel 12:13 ပူးပေါင်းရင်းမြစ်များ

Génesis 39:9

Kay wasipi mana pipis noqamanta aswan atiyniyoj kanchu, patronniytaj tukuy imata makiyman saqewan. Qanllata mana saqewanchu, imajtinchus qanqa warmin kanki. Ajinaqa, imaynatataj chay jina millayta ruwaspa, Diospa contranpi juchalliymanri? nispa.

2 Samuel 24:10

Chantá Davidqa israelitakunata yupachispa, juchallisqanta reparakorqa, Tata Diosmantaj juchanta rimarerqa: May jatunta juchallikuni chay imakunata ruwaspa. Chayrayku Tata Dios, mañarikuyki juchayta pampachanaykita. Noqaqa wampu jina chaytaqa ruwarqani, nispa.

2 Samuel 24:17

Jinallapi Davidqa runakunata wañurachisharqa chay angelta rikuspa, Tata Diosta nerqa: Noqa juchallini. Noqamin juchayoj kani. Kay runakunarí ima juchayojtaj kankuri? Paykunata ñak'arichinaykitaqa, mañakuyki noqata, aylluytawan ñak'arichinawaykuta, nispa.

1 Reyes 13:4

Diosmanta sut'inchaj Betelpi altarpa contranta parlasqanta uyarispa, kuraj kamachej Jeroboanqa altarmantapacha makinta oqharispa, kamacherqa: Payta presochaychej, nispa. Chantá sut'inchajpa contranpi Jeroboán makinta oqharishajtin, makenqa kikinpi ch'akiykorqa, manañataj oqharikusqanmanta makinta aysayta aterqachu.

1 Reyes 21:20

Eliasqa Ajabman chimpaykojtin, Ajab nerqa: Awqay kashaspapis, jamullankiñatajchu? nispa. Eliastaj kuticherqa: Arí, noqa mask'ashayki, imaraykuchus Tata Diospa ñawpaqenpi qanqa millayta ruwaspa purinki.

1 Reyes 22:8

Chantá Ajab kuticherqa: Arí, uj kanraj, paynejta Tata Diosta tapurinapaj, Imlaj churin Micaías sutiyoj. Chaywanpis payta noqa chejnini, manapuni jayk'aj allin kajta sut'inchawasqanrayku, nispa. Josafattaj nerqa: Ama jinata parlaychu, nispa.

2 Reyes 1:9

Chaypacha kuraj kamachej Ocozías phishqa chunka soldadokunata, capitannintawan ima kacharqa. Chay capitantaj orqo pataman wicharerqa, maypichus Diosmanta sut'inchaj Elías tiyasqa kasharqa, chayman. Chantá nerqa: Diosmanta sut'inchaj, kuraj kamachej nisunki, noqaykuwan kuraj kamachejpaman rinaykita, nispa.

1 Crónicas 21:8

Chantá Davidqa juchallisqanta Diosman rimarerqa: Kayta ruwaspa jatunta juchallini. Mañakuyki ari juchallisqayta pampachanaykita, imajtinchus wampu jina ruwarqani, nispa.

2 Crónicas 16:10

Chayta uyarispa, kuraj kamachej Asaqa sinch'itapuni phiñarikorqa, Jananitataj carcelman wisq'aykucherqa. Jinallatataj chay kutipeqa kamachisqan runakunamanta wakinkunata llakiyta ñak'aricherqa.

2 Crónicas 25:16

Diosmanta sut'inchaj chayta nejtinkamataj, kuraj kamachej Amasiasqa taporqa: Kuraj kamachejta yuyaychanaykipajchu qantaqa churarqayku? Ch'inlla kakuy. Chayrí munankichu soldadoykuna wañuchisunankuta? nispa. Chantá Diosmanta sut'inchajqa mana astawan imatapis parlarqañachu. Chaywanpis nerqa: Nisqayta mana kasuspa, chay mana allin kajta ruwasqaykimanta Tata Diosqa ninña wañuchisunanta, nispa.

Job 33:27

Chantá runaj uyarinanta nenqa: Juchallikorqani, mana cheqan kajta ruwarqani, Diostajrí mana juchayman jinachu jasut'iwarqa.

Salmos 103:12

Imaynachus inti llojsimuynej inti yaykuynejmanta karupi kashan, ajinallatataj payqa juchanchejta noqanchejmanta karunchan.

Salmos 51:16

16 (18) Mana qanqa uywa ñak'asqa jaywanata munankichu, nitaj uywata ñak'aspa q'olachisqaytapis jap'ikuwankimanchu.

Salmos 51:4

4 (6) Noqaqa contraykita, qanpa contrallaykita juchallikorqani, imatachus millachikusqaykita ruwaspa. Chayrayku nisqaykeqa cheqan, juchachawaspataj, mana pantankichu.

Salmos 51:6

6 (8) Cheqatapuni qanqa cheqan sonqoyoj runata munakunki, sonqoypitaj yachayniyoj kayta yachachiwarqanki.

Éxodo 9:27

Chaymanta faraonqa Moisesta, Aarontawan ima wajyachispa, nerqa: Juchallini. Tata Dios cheqanta ruwan, noqawan, llajta masiykunawantajrí juchayoj kayku.

Proverbios 25:12

Sichus pipis yachayniyoj runata maychus kajta k'amin chayqa, chay yachayniyoj k'amisqanta qori anillota jina qhawan, chayrí qori walqata jina.

Proverbios 28:13

Pichus juchanta pakajtaqa mana allinchu renqa. Pichus juchanta rimarispa saqejpatarí, juchan pampachasqa kanqa.

Isaías 38:17

Arí, kay jina ñak'arisqayqa noqaj allinniypaj karqa, imaraykuchus wañuymanta qhespichiwarqanki, tukuy juchaytapis pampacharqanki.

Isaías 43:24

Manallataj noqapaj sumajta q'apaj jawinakunata ranterqankichu, nillataj uywa ñak'asqaj wirantapis tukuy sonqo apamuwarqankichu. Manachayqa jucha q'epiykiwan llasaykuchiwarqanki, chay jina millay juchata ruwasqaykiwantaj sayk'uchiwarqanki.

Isaías 44:22

Noqa juchaykita, contraypi oqharikusqaykita ima phuyuta jina chinkachini. Noqaman kutirikamuy, imaraykuchus noqamin pagota qospa kacharicherqayki.

Lamentaciones 3:32

Ñak'arichispapis khuyakullantaj, may chhikan khuyakuynin kasqanrayku.

Levítico 20:10

Sichus pipis runa masinpa warminwan puñuykunman chayqa, khuchichakun. Iskayninku wañuchisqa kanqanku.

Levítico 24:17

Pillapis runa masinta wañuchejqa wañuchisqallataj kanqa.

Zacarías 3:4

Chayrayku chay ángel yanapajninkunata kamacherqa: Josuéj ch'ichi p'achanta lluch'uychej, nispa. Chantá Josueman kutirispa, chay ángel nerqa: Qhawariy, chay niyta munan juchayki pampachasqaña kasqanta. Kunantaj kamachisaj llimphu mosoj p'achawanñataj p'achallichisunankuta, nispa.

San Mateo 14:10

Jinataj uj soldado carcelman rispa, Juanpa umanta qholumusqa.

San Lucas 15:21

Jinapi churin nisqa: Tatáy, Diospa contranta juchallini, qanpa contraykitapis. Manaña wawayki kanaypaj jinachu kani, nispa.

San Lucas 18:13

Impuesto cobraj runatajrí karullapi sayaspa, manchachikuywan mana patallamanpis qhawariyta munasqachu. Manachayqa qhasqonta takakuspa, nisqa: Diosníy, noqa juchasapata khuyarikuway ari, nispa.

Hechos 2:37

Pedro imatachus nisqanqa sonqonkuman chayarqa, paykunataj maytapuni llakikorqanku. Chayrayku Pedroman, Jesuspa chay ujkuna kuraj kachankunamanwan nerqanku: Kunanqa, wawqekuna, imatataj ruwasqaykuri? nispa.

Hebreos 9:26

Mana jina kanman karqa chayqa, kay pacha ruwasqa kasqanmantapacha Cristoqa ashkha kutitaña wañunman karqa. Kunantajrí chay p'unchay junt'akojtin, pay kikin wañunanpaj jaywaykukuspa, uj kutillata wiñaypaj rikhurin juchata pampachananpaj.

1 Juan 1:7

K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.

Apocalipsis 1:5

Jesucristoqa cheqanta willaj testigomin. Paymin wañusqamanta ñawpajta kawsarimporqa, payllataj kay pachapi tukuy kuraj kamachejkunata kamachin. Jesucristo munakuwarqanchej, jinataj wañuspa yawar jich'asqannejta juchanchejta pampacharqa.

1 Samuel 15:20

Saultajrí kuticherqa: Noqaqa Tata Diospa kamachisqanta kasorqani, paypa niwasqantataj junt'arqani. Amalec suyoj kuraj kamachejnin Agagta presota apamorqani, amalecitakunatatajrí tukuyninkuta wañucherqani.

1 Samuel 15:30

Chantá Saúl ujtawan nerqa: Noqa juchallini. Chaywanpis, ama jina kaspa, tukuy israelitakunaj ñawpaqenkupi, jinataj kurajkunaj ñawpaqenkupipis kuraj kamachejta jinallapuni qhawariway ari. Kutinalla, Tata Diosniykita noqawan yupaychamuna, nispa.