2 Samuel 11:11 - DIOSPA QHELQACHISQ

¹¹ Chantá Uriasqa Davidman kuticherqa: Tata Diospa arcan, Israelmanta jinataj Judamanta soldadokunapis sach'a thansamanta ruwasqa ch'ujllakunallapi kashanku. Jinallataj Joabpis, kamachiykikunapis q'ara pampallapi puñushanku. Noqataj riymanchu kasqa wasiyman mikhoj, ujyaj, warmiywan puñukamojtaj? Qanrayku tiluni: Mana chaytaqa ruwasajchu, nispa.

Qheshwa Biblia DC

¹¹ Uriastaj Davidman kuticherqa: Señorpa trato ruwasqa cajonnin, Israelmanta jinataj Judamanta soldadospis ch'ajramanta ruwasqa ramadas urallapi kashanku, jinallatataj señorniy Joabpis, kamachisniykipis q'ara pampallapi puñushanku. Noqataj riyman kasqa wasiyman mikhoj, ujyaj, warmiywan puñukamojtaj? Qan reyniypa kausayniykirayku mana chaytaqa ruwasajchu!

DIOSPA QHELQACHISQAN DEUTEROCANONICAL

¹¹ Chantá Uriasqa Davidman kuticherqa: Tata Diospa arcan, Israelmanta jinataj Judamanta soldadokunapis sach'a thansamanta ruwasqa ch'ujllakunallapi kashanku. Jinallataj Joabpis, kamachiykikunapis q'ara pampallapi puñushanku. Noqataj riymanchu kasqa wasiyman mikhoj, ujyaj, warmiywan puñukamojtaj? Qanrayku tiluni: Mana chaytaqa ruwasajchu, nispa.

2 Samuel 11:11 ပူးပေါင်းရင်းမြစ်များ

2 Samuel 11:10

Q'ayantin Davidman willajtinku Urías wasinman mana ripusqanta, Davidqa payta taporqa: Imaraykutaj wasiykiman mana puñoj riporqankichuri? nispa.

2 Samuel 14:19

Jinataj kuraj kamachejqa taporqa: Manachu kay tukuy imataqa Joab umachaykusunki? nispa. Warmitaj kuticherqa: Qan kuraj kamachejniyrayku tiluni chay nisqaykeqa cheqanpuni kasqanta. Qanpa yanapajniyki Joabpuni kachamuwarqa, payllataj yachachiwarqa kay tukuy imata qanman nisunayta.

2 Samuel 20:6

Chaypacha Davidqa Abisayta nerqa: Bicrij churin Sebaqa Absalonmanta astawanraj uma nanayta qowasunman. Chayrayku soldadoykunata pusariykukuspa, qhepanta kachaykukuy. Pajtataj wakin jark'achasqa llajtata tarispa, pakakuwasunman, nispa.

2 Samuel 7:2

Chaypacha kuraj kamachej Davidqa Diosmanta sut'inchaj Natanta nerqa: Qhawariy, noqaqa sumaj pinomanta ruwasqa wasipi tiyarikushani, Diospa arcantajrí toldollapi kashan, nispa.

2 Samuel 7:6

Egiptomanta orqhomorqani israelitakunata, chaymantapacha kunankama mana mayqen wasipichu tiyakorqani, manachayqa toldollapi tiyakuspa, kayman jaqayman purerqani.

Números 32:6

Moisestajrí Rubén chantá Gad jatun ayllukunamanta kajkunaman kuticherqa: Wawqeykichejkuna mayuta chimpaspa maqanakoj rishajtinku, qankunaqa kayllapiñachu qhepakuyta munashankichej?

San Juan 13:14

Noqachus yachachejniykichej, Tukuyta Kamachejtaj kashaspa, chakiykichejta mayllarqaykichej chayqa, ajinallatataj qankunapis chakiykichejta mayllanakunaykichej tiyan.

2 Timoteo 2:12

Paywan khuskachus ñak'arisun chayqa, paywan khuskallataj kamachiyninpi kamachisunchej. Sichus Cristota qhesachasun chayqa, paypis manallataj jap'ikuwasunchu.

1 Samuel 1:26

Chaypitaj Anaqa Elita nerqa: Tatáy, yachanki jina, unay qan rikushawajtiyki Tata Diosmanta mañakorqani, noqa chay warmi kani.

1 Samuel 14:18

Chaypacha Diospa arcanqa israelitakuna ukhupi kasharqa. Chayrayku Saulqa Ajiasta nerqa: Diospa arcanta kayman apamuy, nispa.

1 Samuel 17:55

David chay filisteowan maqanakoj rishajtin, Saulqa soldadokunata kamachej Abnerta tapusqa: Abner, pitaj jaqay waynaj tatanri? nispa.

1 Samuel 20:3

Davidtajrí nillarqapuni: Tataykeqa yachan qanwan noqawan sumajta kawsakusqanchejta. Chayrayku mana willasunkichu ama qan llakikunaykipaj. Tata Diospa sutinrayku, qanpa sutiykiraykupis tiluni wañuy patapi kashasqayta, nispa.

1 Samuel 25:26

Chaywanpis Tata Dios mana munarqachu qan makiykiwan justiciata ruwayta munaspa wañuchej jamunaykita. Tata Dios munachun tukuy qanpa awqaykikuna, mana allinta ruwayta munasojkunapis, Nabal jina ñak'arichisqa kanankuta.

1 Samuel 4:4

Jinaspa, israelitakunaqa uj t'aqa soldadokunata Silo llajtaman kacharqanku, querubín sutiyoj angelkunaj chawpinpi tiyakoj Tukuy Atiyniyoj Tata Diospa arcanta apamunankupaj. Chantá Elí sacerdotej churinkuna Jofní, chantá Finespis Diospa arcanwan khuska rerqanku.