2 Samuel 10:6 - DIOSPA QHELQACHISQ

⁶ Amonitakunaqa yachakorqanku Davidqa paykunapaj phiñasqa kashasqanta. Chayrayku qolqeta pagaspa mink'akorqanku 20.000 soldadokunata Siriamanta, Bet Rejobpi kajkunamanta, chantá Sobapi kajkunamantawan. Mink'akullarqankutaj kuraj kamachej Macamanta 1.000 soldadonkunata, Istobmantataj 12.000 soldadokunatawan.

Qheshwa Biblia DC

⁶ Amonitasqa yacharqanku Davidqa paykunapaj phiñasqa kasqanta, chayrayku qolqewan mink'akorqanku iskay chunka waranqata siriosmanta kaj soldadosta, Bet-rehobpi kajkunamanta, chantá Sobapi kajkunamantawan. Mink'akullarqankutaj Maacamanta reypa waranqa soldadosninta, Is-tobmantataj chunka iskayniyoj waranqata.

DIOSPA QHELQACHISQAN DEUTEROCANONICAL

⁶ Amonitakunaqa yachakorqanku Davidqa paykunapaj phiñasqa kashasqanta. Chayrayku qolqeta pagaspa mink'akorqanku 20.000 soldadokunata Siriamanta, Bet Rejobpi kajkunamanta, chantá Sobapi kajkunamantawan. Mink'akullarqankutaj kuraj kamachej Macamanta 1.000 soldadonkunata, Istobmantataj 12.000 soldadokunatawan.

2 Samuel 10:6 ပူးပေါင်းရင်းမြစ်များ

Génesis 34:30

Jacobtajrí Simeonta, chantá Levitawan nerqa: Qankuna kayta ruwaspa, jatun uma nanayta qowankichej. Kaynejpi tukuy tiyakojkuna, cananeokuna, chantá ferezeokuna ima chejnikuwanqanku. Tantaykukuspataj, noqaj contrayta jamuykonqanku, pisi runayojta rikuwaspataj, noqata, aylluytawan wañuchiwanqanku, nispa.

2 Samuel 10:5

Paykunaqa sinch'i p'enqasqa kasharqanku. Davidtaj chayta yachaspa, kamachinkunata kacharqa: Jericó llajtapi sunkhaykichej wiñanankama qhepakuychej, chaymantataj kutimpunkichej, nispa.

2 Samuel 10:7

Chayta yachaspa, Davidqa Joabta tukuynin soldadonkunatawan kacharqa.

2 Samuel 16:21

Ajitofeltaj Absalonman kuticherqa: Tatayki kamachinan wasita qhawanankupaj saqerqa, chay ujnin warminkunawan puñuykamuy. Ajinamanta tukuy israelitakuna tataykiwan phiñanakusqaykita yachanqanku. Jinamanta astawan kallpachakonqanku qanman kutisqa kashanku, chaykunaqa, nispa.

2 Samuel 23:34

Macamanta Ajasbaypa churin Elifelet, Gilomanta Ajitofelpa churin Elián,

2 Samuel 8:12

Siriamanta, Moabmanta, Amonmanta, filisteokunamanta, jinataj amalecitakunamantapis. Sobaj kuraj kamachejnin Rejobpa churin Hadad Ezermanta qhechusqantapis Diosman qollarqataj.

2 Samuel 8:3

Davidqa atipallarqataj Hadad Ezerta. Pay karqa Rejobpa churin, Soba suyoj kuraj kamachejnin. Davidqa Hadad Ezerta atiparqa Éufrates mayu chaynejman, jallp'anta watej jap'ikapoj rishajtin.

2 Samuel 8:5

Chaymantaqa Damascomanta arameokuna chayamorqanku Sobaj kuraj kamachejnin Hadad Ezerta yanapaj. Davidtajrí arameokunatapis atipallarqataj, paykunamantataj 22.000 wañucherqa.

1 Reyes 11:24

Rezonqa suwakunata tantaykusqa, chantá paykunaj kamachejninkutaj kasqa. Maypachachus David Sobamanta kajkunata atipaykusqa chaypacha, Rezonqa Damasco llajtaman tiyakapoj ripusqa. Paykunataj kuraj kamachejninkupaj churasqanku.

2 Reyes 7:6

Ajina karqa, imaraykuchus siriokunaj jarankupi Tata Diosqa ashkha soldadoj purisqankuta, ashkha caballo, ashkha carreta ima purishasqankuta jina uyarichisqa. Chayta uyarispataj, siriokunaqa ujkuna ujkuna ninakorqanku: Israelitakunaqa jititakunata, Egiptomanta kamachejkunatawan mink'akuspa kachaykamushawanchej contranchejpi maqanakunankupaj, nispa.

Salmos 48:4

4 (5) Kay pachamanta kuraj kamachejkuna tantakuspa, chay llajtaj contranpi tukuyninku rerqanku.

Éxodo 5:21

Jinapi jilaqatakuna nerqanku: Tata Dios qankunaj ruwasqaykichejta allinta qhawachun. Qankuna juchayoj kankichej faraonwan, yanapajninkunawan ima astawan chejninawaykupaj. Kunantaj qankunaj nisqaykichejrayku paykuna espadawan wañuchiwasqayku, nispa.

Proverbios 25:8

ama chaypachapacha juezman willamuychu. Pajtataj waj testigo llullapaj jap'ichisunkiman, p'enqaypitaj rikhurichisunkiman.

Jeremías 40:8

Chantá judío soldadokunaqa Mispapi Gedaliaswan parlaj rerqanku. Paykuna ukhupi kasharqanku Netaniaspa churin Ismael, Careajpa churinkuna Johanán, Jonatán, chantá Tanjumetpa churin Seraías, Netofamanta Efaypa churinkuna, jinataj Macamanta uj runaj churin Jezaniaspiwan, jinataj tukuy soldadonkuwan ima.

Jeremías 46:21

Mink'asqa soldadonkunapis waka uña jina wirayasqa kanku, paykunapis usqhay usqhayllata mana sayarispa ayqenqanku. Atipasqa kanankoqa chayamunña, chay p'unchaypitaj jasut'isqa kanqanku.

Deuteronomio 3:14

Manasespata churin Yairqa Argob nisqa cheqanejta, Gesurwan, chantá Macawan tinkuykama jap'erqa. Chantá Basán cheqanejta kikin sutillanwantaj suticharqa “Basán Havot Yaír”, nispa. Jinamanta chay cheqanejqa kunankama chay sutillawanpuni rejsisqa kashan.

Jueces 11:3

Chantá Jefteqa wawqenkunamanta ayqekuspa, Tob llajtaman tiyakoj riporqa. Chaypitaj suwa runakunawan tantakorqa, jinataj paykunaj kamachejninkuman tukorqa.

Jueces 11:5

Galaadmanta kurajkunaqa rerqanku Tob llajtaman Jefteta pusakampoj.

Jueces 18:28

Laispi tiyakojkunata mana pipis jark'akoj karqachu, chay llajta Sidonmanta karupi kasqanrayku, manataj waj llajtakunawanpis ni ima tratoyoj kasqanraykutaj. Chay llajtaqa Bet Rejob vallenejpi kasharqa. Chantá Dan jatun ayllumanta kajkunaqa chay llajtata watejmanta sayachispa, chaypi tiyakaporqanku.

1 Samuel 13:4

Tukuy israelitakuna yacharqanku Saulqa filisteokunaj qhawaj soldadonkunawan maqanakuspa wañuchisqanta, chayraykutaj filisteokunaqa israelitakunata manchayta chejnikusqankuta. Chayrayku israelitakunaqa Gilgalpi Saulwan tantakorqanku.

1 Samuel 27:12

Aquistaj Davidpi atinikuspa, sonqonpi nej: Davidqa israelitakunawan astawan chejnichikushan. Jina chayqa, tukuy tiempo kamachillaypuni kanqa, nispa.