2 Samuel 1:16 - DIOSPA QHELQACHISQ

¹⁶ Davidtaj nerqa: Qan kikiyki juchachakunki wañunaykipaj, simiykiwantaj ch'ataykukunki Tata Diospa ajllasqan kuraj kamachejta wañuchisqaykita rimarispa, nispa.

DIOSPA QHELQACHISQAN DEUTEROCANONICAL

¹⁶ Davidtaj nerqa: Qan kikiyki juchachakunki wañunaykipaj, simiykiwantaj ch'ataykukunki Tata Diospa ajllasqan kuraj kamachejta wañuchisqaykita rimarispa, nispa.

2 Samuel 1:16 ပူးပေါင်းရင်းမြစ်များ

2 Samuel 1:10

Ajinaqa payman qayllaykuspa, tukucharparerqani, manaña kawsananpaj jinachu kasqanrayku. Chaymantataj pillunta orqhorqani umanmanta, makinmantataj brazaletenta, qanmantaj apamorqayki, wiraqochíy, nispa.

2 Samuel 16:8

Tata Dios jasut'ishasunki Saulpa ayllunmanta kajkunata wañurachisqaykimanta, paypa cuentanmanta kamachinaykipaj. Kunantaj Tata Diosqa kamachinaykita churiyki Absalonman jaywan. Kunanqa ruwasqaykiman jina llakiyman chayanki, imaraykuchus runa wañuchi kanki, nispa.

1 Reyes 2:37

Sichus kaymanta llojsispa, Cedrón wayq'ota chimpawaj chayqa, wañuchisqapuni kanki, wañunaykipajqa qanlla juchayoj kanki, nispa.

Job 15:6

Mana noqarajchu ch'atasunay kashan, qanpa simillaykitaj juchachashasunki.

Proverbios 6:2

qanllataj tojllata churakushanki, parlasqaykiraykutaj ch'ipasqa rikhurinki.

Ezequiel 18:13

Manuspaqa, interesniyojta mañanman, ancha ashkhata ganayta mask'aspa. Ajina millayta ruwasqanrayku chay runaqa manapuni kawsanqachu. Chay runaqa wañunanpuni tiyan, wañunanpajtaj paylla juchayoj kanqa.

Ezequiel 33:5

Trompetata waqajta uyarishaspa mana kasusqanrayku, paypuni juchayoj kanqa. Sichus kasukunman karqa chayqa, mana wañunmanchu karqa.

Levítico 20:16

Sichus uj warmi uj uywawan t'inkinakunman chayqa, warmipis, uywapis wañuchisqa kanqanku. Wañuchisqa kanankupajqa paykunalla juchayoj kanqanku.

Levítico 20:27

Sichus pi qhari, chayrí pi warmipis aysiri kanman, chayrí layqa kanman chayqa, payta rumiwan ch'anqasqa wañuchinkichej. Wañuchisqa kananpajqa paylla juchayoj kanqa, nispa.

Levítico 20:9

Pillapis tatanta, chayrí mamanta maldicejqa wañuchisqapuni kanqa. Tatanta, chayrí mamanta maldicisqanmanta wañunanpajqa paylla juchayoj kanqa.

San Mateo 27:25

Runakunataj kuticherqanku: Noqayku, chantá wawaykukuna ima kay runaj wañuchisqa kasqanmanta juchayoj kasqayku kachun, nispa.

San Lucas 19:22

Chantá kuraj kamachej nisqa: Qanqa mana allin kamachi kanki, jinataj nisqaykiwan qanllataj juchachakushanki. Sichus yacharqanki rumi sonqo kasqayta, mana noqaj kajta jap'ikapusqayta, mana tarpusqay kajta oqharisqayta ima chayqa,

Hechos 18:6

Paykunarí Pabloj contranpi oqharikuspa, Diospa contranta rimaspa ima churanakojtinku, Pabloqa ñawpaqenkupi p'achanta thalarakorqa mana allinta ruwasqankuta yachayta qospa. Paykunamantaj nerqa: Dios jasut'isojtiykichejqa, noqaqa mana juchayojchu kasaj. Kunanmantapacha mana judío kajkunaman yachachej risaj, nispa.

Hechos 20:26

Chayrayku sut'ita niykichej: Pillapis chinkayman rejtenqa, mana juchayojchu kasaj,

Romanos 3:19

Yachanchej Moisespa kamachisqanpi nisqanqa chay kamachisqaj makinpi kajkunapaj churasqa kasqanta. Chayqa ajina kay pachapi kaj chhika runakuna ch'inyachisqa kanankupaj, tukuytaj Diospa ñawpaqenpi juchachasqa rikhurinankupaj.

Deuteronomio 19:10

Ajinapi Tata Diosniykichej qosunkichej, chay jallp'api mana pipis qankunamanta mana juchayoj runata wañuchenqankuchu. Jinamanta qankunaqa runa wañusqanmanta mana juchachasqachu kankichej.

Josué 2:19

Mayqellanpis wasiykimanta llojsinman chayqa, wañuchisqa kanqa, wañusqanmantataj noqaykoqa mana juchayojchu kasqayku. Sichus wasiykipi kashajkunata pipis imananman chayrí, noqayku juchayoj kasqayku.

Jueces 9:24

Ajinata Abimelecqa Yerubaalpa qanchis chunka churinkunata wañuchisqanrayku jasut'isqa karqa. Jinallataj Sichem llajtamanta runakunapis payta yanapasqankurayku jasut'isqallataj karqanku.

1 Samuel 25:39

Davidqa Nabal wañusqanta yachaspa, nerqa: Tata Dios yupaychasqa kachun, imaraykuchus payqa Nabalta sonqoyta nanaykuchiwasqanmanta jasut'in. Diosqa sajrata ruwanaymanta jark'awarqa. Nabal mana allinta ruwawasqantaqa payllamantaj kuticherqa, nispa. Chantá Davidqa yanapajninkunamanta wakinta Abigailman kacharqa, paywan casarakuyta munasqanta willachispa.

1 Samuel 26:9

Davidtajrí Abisayman kuticherqa: Ama wañuchiychu. Tata Dios juchachanqapuni pichus paypa ajllakusqan kuraj kamachejta wañuchejtaqa.