2 Samuel 1:11 - DIOSPA QHELQACHISQ

¹¹ Chayta uyarispa, Davidwan, soldadonkunawan ima p'achankuta llik'irakorqanku, llakikusqankuta rikuchispa.

Qheshwa Biblia DC

¹¹ Chaypacha, Davidwan runasnimpiwan ima, p'achasninkuta llik'erqanku llakikusqankurayku.

DIOSPA QHELQACHISQAN DEUTEROCANONICAL

¹¹ Chayta uyarispa, Davidwan, soldadonkunawan ima p'achankuta llik'irakorqanku, llakikusqankuta rikuchispa.

2 Samuel 1:11 ပူးပေါင်းရင်းမြစ်များ

Génesis 37:29

Chaymanta mana unayninmanchu Rubenqa pujyuman kutispa, Joseta manaña rikorqachu. Chayrayku llakikuspa, p'achanta llik'ikorqa.

Génesis 37:34

Jinapi Jacob p'achanta llik'irakuspa, qhashqa p'achata churaykukorqa. Jinaspataj, unayta churinmanta llakikuspa, waqarqa.

Génesis 44:13

Tarisqanta rikuspa, Benjaminpa wawqekuna llakikuspa, p'achankuta llik'irakorqanku. Chantá sapa ujninku burronkuman costalninkuta chajnaykuytawan, llajtaman kutirerqanku.

2 Samuel 13:19

Chaypacha Tamarqa umanman ushphata qhalliykukorqa, p'achantataj llik'irakorqa. Makinta umanman churaykukuspataj, sinch'ita qhaparispa wasinman kutiporqa.

2 Samuel 13:31

Chaypacha kuraj kamachejqa tiyananmanta sayarispa, p'achanta llik'irakorqa, pampamantaj choqakorqa. Chantá payta yanapajkunapis p'achankuta llik'irakullarqankutaj.

2 Samuel 3:31

Chaymantaqa David kamacherqa Joabta, paywan kaj runankunata ima: P'achaykichejta llik'irakuspa, qhashqa p'achata churakuychej, Abner wañusqanmantataj waqaychej, nispa. Kuraj kamachej Davidtaj Abnerpaj ayan qhepanta rerqa.

2 Reyes 5:7

Chantá Israel suyuta kuraj kamachej cartata ñawiriytawankama, p'achanta llik'irakuspa, nerqa: Noqa Dioschu kasqani, runata wañuchinaypaj, kawsachinaypajpis, noqa chay runata qhaliyachinaypaj kachamunawanpajri? Qankuna allinta reparaychej: Kay runaqa maqanakuta mask'ashan, nispa.

2 Crónicas 34:27

sonqoykita wawayachispa, noqaman k'umuykamuwarqanki, kay cheqaj contranpi, kaypi tiyakojkunaj contrankupiwan, imakunatachus nisqayta uyarispa. Ñawpaqeyman k'umuykamuwarqanki, p'achaykita llik'ikuspataj, ñawpaqeypi waqarikorqanki. Chayrayku noqapis mañakuwasqaykita uyarillaykitaj, nispa. Noqa Tata Diosniyki nishayki:

Esdras 9:3

Chayta uyarejtiy, sonqoy nanawarqa, chayraykutaj p'achayta llik'ikorqani, chujchayta, sunkhaytawan sik'irakorqani, manchay phutisqataj tiyaykukorqani.

Ester (hebreo) 4:1

Mardoqueoqa chay jina kamachisqa kasqanta yachaytawan, p'achantawan llik'ikuspa, qhashqa p'achata churaykukorqa. Umanman ushphawan qhalliykukuspataj, jatunmanta waqaspa, llajtapi purerqa.

Jeremías 36:24

P'anqamanta ñawirisqata uyarishaspapis, mana kuraj kamachej nitaj yanapajninkunapis mancharikorqankuchu, nitaj uj chhikanta sonqonkuta nanachikojmanpis rijch'akorqankuchu.

Joel 2:13

Sinch'i llakisqa kasqaykichejmanta p'achaykichejta llik'inaykichejtaqa sonqoykichejta p'akikuychej, nispa. Tata Diosniykichejman kutirimpuychej, imaraykuchus Tata Diosqa may khuyakuyniyoj, jatun sonqoyojtaj. Jinallataj pay may pacienciayoj, tukuy munakuyniyojtaj. Jasut'inan kashajtinpis, payqa runaj juchanta pampachan.

Hechos 14:14

Pablowan, Bernabewanqa chay runakuna imatachus ruwayta munasqankuta reparaytawan, p'achankuta llik'irakorqanku may llakisqa kasqankumanta yachayta qospa. Jinaspataj, runa chawpiman yaykorqanku, qhaparerqankutaj:

Romanos 12:15

Kusikojkunawan kusikuychej, waqajkunawantaj waqaychej.

Josué 7:6

Chayta yachaytawan, Josuewan, israelitakunaj kurajninkukunawan ima sinch'i llakisqa kasqankuta rikuchispa, p'achankuta llik'ikorqanku, umankumantaj jallp'awan qhalliykukorqanku. Chantá Tata Diospa arcanpa qayllanpi pampakama k'umuykuspa, chaypi ch'isiyanankama karqanku.