2 Reyes 7:9 - DIOSPA QHELQACHISQ

⁹ Chantá paykunapura ninakorqanku: Mana allintachu ruwashanchej. Kunan sumaj kashan kayta willanapaj, noqanchejtaj ch'inlla kashanchej. Sichus sut'iyamunankama suyasun chayqa, juchachasqa kasunchej. Jaku ari, kuraj kamachejman willamunachej, nispa.

Qheshwa Biblia DC

⁹ Chanta paykuna ukhu ninakorqanku: Manasina allintachu ruwashanchej. Kunan p'unchay sumaj kashan kayta willanapaj, noqanchejtaj ch'inlla kashanchej. Sichus sut'iyamunankama suyasun chayqa, noqanchej juchayoj rikhurisunchej. Kunanqa jaku ari, reypaman willamusunchej.

DIOSPA QHELQACHISQAN DEUTEROCANONICAL

⁹ Chantá paykunapura ninakorqanku: Mana allintachu ruwashanchej. Kunan sumaj kashan kayta willanapaj, noqanchejtaj ch'inlla kashanchej. Sichus sut'iyamunankama suyasun chayqa, juchachasqa kasunchej. Jaku ari, kuraj kamachejman willamunachej, nispa.

2 Reyes 7:9 ပူးပေါင်းရင်းမြစ်များ

Isaías 52:7

Pichus orqo patanta jamuspa sumaj willaykunata apamojta rikunaqa may kusiymin. Payqa allin kawsaymanta, qhespichisqa kaymanta ima sumaj willaykunata apamushan, Sionmantaj nin: Diosniykeqa kamachishanña, nispa.

Filipenses 2:4

Amataj pipis paypa allinnillantaqa mask'achunchu, manachayqa tukuypa allinninta.

Nahúm 1:15

15 (2.1) Qhawaychej, orqo patanejta chaski jamushanña. Payqa allin willaykunata apamushan, kusiy kawsaymanta willaykunata. Judá, Diospaj yupaychana raymita ruway, imaraykuchus manaña jayk'ajpis sajra runakuna suyuykichejman junt'aykamonqankuchu. Astawanpis tukuyninku wañuchisqa kanqanku.

Isaías 41:27

Noqarí ñawpajtaña Sión llajtaman nerqani: Qhawariychej, yanapasojniykichej kaypiña, nispa. Jerusalenmantaj uj kachata sumaj willaykunawan kacharqani.

2 Reyes 7:3

Chaypachallataj Samaria llajtaj punkunpi tawa llejtiwan onqosqa runakuna kasharqanku. Chaykunataj paykunapura ninakorqanku: Imatataj kaypi ruwashanchej wañupunanchejta suyaspari?

Números 32:23

Sichus nisqaykichejman jina mana ruwankichejchu chayrí, kayta allinta yachaychej: Tata Diospa contranta juchallinkichej, juchallisqaykichejraykutaj paypa jasut'iynin pataykichejpi kanqa.

San Lucas 2:10

Chantá ángel paykunata nerqa: Ama mancharikuychejchu, imaraykuchus noqaqa sumaj willayta apamuykichej, chaytaj tukuy runapaj may kusiy kanqa.

Proverbios 24:16

Cheqan runaqa qanchis kutita urmanqa chaypis, payqa qanchis kutillatataj sayarikun. Mana allinta ruwaj runakunarí jatun llakiypi urmaspa, manaña ujtawan sayarenqankuchu.

2 Reyes 7:6

Ajina karqa, imaraykuchus siriokunaj jarankupi Tata Diosqa ashkha soldadoj purisqankuta, ashkha caballo, ashkha carreta ima purishasqankuta jina uyarichisqa. Chayta uyarispataj, siriokunaqa ujkuna ujkuna ninakorqanku: Israelitakunaqa jititakunata, Egiptomanta kamachejkunatawan mink'akuspa kachaykamushawanchej contranchejpi maqanakunankupaj, nispa.

2 Reyes 7:8

Llejti onqoyniyoj runakunarí siriokunaj jarankuman chayaspa, uj toldoman yaykorqanku, chaypitaj mikhorqanku, ujyarqanku ima. Chaymantataj qolqeta, qorita, p'achakunatawan apakuspa, pakaykamorqanku. Chantá kutimuspa, uj toldomanñataj yaykorqanku, jinallataj tukuy kaj chhikata orqhospa pakaykamullarqankutaj.

2 Reyes 7:10

Paykunataj llajtaman kutiytawan, llajta punkuta qhawaj soldadokunata wajyaspa, willarqanku: Noqaykoqa siriokunaj jarankuman rerqayku, chaypitaj mana pitapis rikorqaykuchu. Ni runaj parlasqallanpis uyarikorqachu. Pachanpi caballokunalla, burronkukunapiwan watasqa kashanku. Jarankupis imaynachus karqa, jinapacha saqerpayasqa kashan, nispa.

2 Reyes 5:4

Chayta uyarispa, Namanqa kuraj kamachejpaman rispa, warminman sipas imatachus nisqanta willarqa.