2 Reyes 7:2 - DIOSPA QHELQACHISQ

² Kuraj kamachejpa yanapajnintajrí Diosmanta sut'inchajninta nerqa: Tata Dios janaj pachata kicharispa jich'aykamunman chaypis, mana nisqayki jinaqa kanmanchu, nispa. Eliseotaj kuticherqa: Qan chayta kikin ñawiykiwan rikunki. Jinapis, mana chaymanta mikhunkichu, nispa.

Qheshwa Biblia DC

² Reypa yanapajnintaj Diospa runanman nerqa: Sichus Señorqa janaj pacha ventanasta kicharinman chayqa, qampa nisqaykiman jinachu kanman? Paytaj nerqa: Kayqa kunan qan ñawisniykiwan rikunki. Chaywampis chaymantaqa mana qanqa mikhunkichu.

DIOSPA QHELQACHISQAN DEUTEROCANONICAL

² Kuraj kamachejpa yanapajnintajrí Diosmanta sut'inchajninta nerqa: Tata Dios janaj pachata kicharispa jich'aykamunman chaypis, mana nisqayki jinaqa kanmanchu, nispa. Eliseotaj kuticherqa: Qan chayta kikin ñawiykiwan rikunki. Jinapis, mana chaymanta mikhunkichu, nispa.

2 Reyes 7:2 ပူးပေါင်းရင်းမြစ်များ

Génesis 7:11

Noé 600 watayoj kashajtin, iskay kaj killamanta chunka qanchisniyoj p'unchayta, jallp'aj sonqonmanta yaku t'ojyamorqa. Jinallataj janajmanta tukuy yakupis p'uñumanta jina musphayta jich'akamorqa.

2 Reyes 5:18

Chaywanpis maypachachus wiraqochi kuraj kamachejneyqa diosnin Rimonpa yupaychana wasinman yupaychaj yaykuspa, noqapi atikonqa chaypachaqa, paywan khuska qonqorikusaj. Chay ruwasqayta Tata Dios pampachawachun ari, nispa.

2 Crónicas 20:20

Q'ayantenqa Judamanta soldadokuna tutamanta jatarikorqanku Tecoa ch'innejman puririnankupaj. Puririshajtinkutaj, Josafatqa sayarikuspa, nerqa: Jerusalenpi, jinataj Judapi tiyakojkuna, uyariwaychej: Tata Diosniykichejpi atinikuychej, amataj manchachikuychejchu. Diosmanta sut'inchajkunapipis atinikuychej, jinataj tukuy imapi allin risonqachej, nispa.

Salmos 78:41

Paykuna ñataj ñataj Dios atiyniyojchus kasqanta yachariyta munarqanku. Ajinamanta Israelpa May Llimphu Diosninta phiñacherqanku.

Isaías 7:9

Efraín suyoj jatun llajtanqa Samaria. Remaliaspa churin Pecajtaj Samariaj kuraj kamachejnin. Sichus qankuna mana chayta jap'ikunkichejchu nitaj sinch'ita sayankichejchu chayqa, mana unaytachu qhepakunkichej, nispa.

Jeremías 29:32

Chayrayku noqa Tata Dios nini: Noqa Nejelán llajtayoj Semaiasta, tukuy miraynintawan jasut'isaj. Mana kay pachapi paypa mirayninmanta ni ujpis qhepakonqachu, nitaj kusikonqachu aylluy Israelman allin kawsayta qoshajtiy, imaraykuchus pay ajinata parlaspa, contraypi oqharikunankupaj aylluyta enqhaykorqa. Noqa Tata Diosmin chayta nini.

Malaquías 3:10

Noqa Tukuy Atiyniyoj Tata Diosmin niykichej: Kapuyniykichejmanta sapa chunkamanta ujta Temployman apamuychej, wasiypi mikhuna kananpaj. Ajinatachus ruwankichej chayqa, rikunkichej imaynatachus noqa janaj pachaj ventananta kicharispa, may chhika saminchaykunata parachimunaykichejta. Ruwaychej má, chantá rikunkichej.

Números 11:13

Maymantataj noqa aychata apamusaj kay chhika runakunaman mikhuchinaypajri? Aychata qowayku nispa, noqallaman waqaspa jamuwanku.

Números 23:19

Diosqa mana wañoj runa jinachu llullakunanpaj, nitaj nisqanmanta kutirinanpaj. Nin chayqa, manachu ruwanqa? Parlan chayrí, imatachus nisqanta manachu junt'anqa?

Romanos 3:3

Chaywanpis paykunamanta wakin Diospa willachisqanta mana kasorqankuchu. Jina kajtenqa, chay niytachu munan Diospis nisqanta manallataj junt'ananta paykuna mana kasusqankurayku?

Deuteronomio 3:27

Chaywanpis Pisga orqo pataman wicharispa, chaymanta qan wichaynejman, uraynejman, inti llojsimuynejman, inti yaykuynejmanwan ima qhawanki. Jordán mayutarí manapuni chimpankichu.

2 Timoteo 2:13

Sichus payta wasanchasunman chaypis, payqa nisqanta junt'allanpuni, imaraykuchus nisqanmanta manapuni kutirinchu.