2 Reyes 24:3 - DIOSPA QHELQACHISQ

³ Judá suyuta ajina llakiykuna qhatirerqa, Tata Diospuni ajina kananta nisqanrayku. Tata Diosqa Judá suyuta ñawpaqenmanta wijch'uyta munarqa, kuraj kamachej Manasés tukuy imaymanata ruwaspa juchallisqanrayku.

Qheshwa Biblia DC

³ Cheqamanta kaykunaqa Señorpa nisqanman Judáj contrampi jamorqanku, Señorpa ñaupaqenmanta qhechusqas kanankupaj Manasespa juchasninrayku, tukuy ima sajrata ruwasqanmantawan.

DIOSPA QHELQACHISQAN DEUTEROCANONICAL

³ Judá suyuta ajina llakiykuna qhatirerqa, Tata Diospuni ajina kananta nisqanrayku. Tata Diosqa Judá suyuta ñawpaqenmanta wijch'uyta munarqa, kuraj kamachej Manasés tukuy imaymanata ruwaspa juchallisqanrayku.

2 Reyes 24:3 ပူးပေါင်းရင်းမြစ်များ

Génesis 50:20

Qankuna mana allinta ruwawayta munarqankichej, Diostajrí mana allin kajta allinman tukucherqa, kunan imatachus rikushasqaykichejta ruwananpaj, ashkha runata kawsachinanpaj ima.

2 Reyes 17:18

Chayrayku Tata Diosqa israelitakunaj contrankupi sinch'ita phiñakuspa, karuman presota jina apacherqa. Judá jatun ayllumanta kajkunalla Judá suyupi qhepakorqanku.

2 Reyes 17:20

Chayrayku Tata Diosqa israelitakunata qhesachaspa ñak'aricherqa, chantá awqankuwan atipaykuchispa, ñawpaqenmanta karuman wijch'orqa.

2 Reyes 17:23

Chantá Tata Diosqa paymanta sut'inchajkunanejta nisqanman jina, israelitakunata ñawpaqenmanta wijch'orqa. Israelitakunaqa Asiria suyuman preso jina apasqa karqanku. Chaypitaj kunankama kashanku.

2 Reyes 18:25

Manachu noqapis Tata Dios kachamuwasqanrayku kay suyuta chinkachinaypaj jamushani? Tata Diosmin niwarqa: Riy, chay suyuta chinkachimuy, nispa.

2 Reyes 21:16

Chay jawa Manasesqa mana juchayojkunamanta ashkhata wañuchicherqa, Jerusalenpi yawar mayu purinankama. Chayqa wajlla karqa, Tata Diospa ñawpaqenpi Judá suyumanta kajkunata imata ruwaspachus juchallicherqa, chaymanta nisqaqa.

2 Reyes 24:20

Chayrayku Tata Diosqa Jerusalenpa chantá Judá suyoj contranpi ima phiñakorqa. Paypa ñawpaqenmantataj paykunata wijch'orqa. Chantá kuraj kamachej Sedequiasqa Babiloniata kuraj kamachejpa contranpi oqharikorqa.

2 Crónicas 24:24

Siriamantaqa pisi soldadokunalla jamusqanku. Chaywanpis chaykunaman Tata Diosqa Judamanta may ashkha soldadota jaywaykorqa, ñawpa tatankoj Tata Diosninkuta saqerparisqankurayku. Jinamanta Diosqa Joasta jasut'erqa sajra ruwasqanman jina.

2 Crónicas 25:16

Diosmanta sut'inchaj chayta nejtinkamataj, kuraj kamachej Amasiasqa taporqa: Kuraj kamachejta yuyaychanaykipajchu qantaqa churarqayku? Ch'inlla kakuy. Chayrí munankichu soldadoykuna wañuchisunankuta? nispa. Chantá Diosmanta sut'inchajqa mana astawan imatapis parlarqañachu. Chaywanpis nerqa: Nisqayta mana kasuspa, chay mana allin kajta ruwasqaykimanta Tata Diosqa ninña wañuchisunanta, nispa.

Éxodo 20:5

Amallataj chaykunaman qonqorikunkichu, nillataj yupaychankichu, imaraykuchus noqamin Tata Diosniyki kani. Noqa celoso kani mana munanichu chay lantikunata yupaychanaykichejta. Noqata chejnikuwaj tata mama juchallisqankumanta imachus kananta chayachisaj, wawankuman, allchhinkuman, chantá allchhinkoj wawankuman ima.

Isaías 45:7

Noqaqa k'anchayta, laqhayaytapis ruwani. Noqallataj allin kawsayta, llakiy kawsaytapis qoni. Noqa Tata Dioslla chay tukuy imata ruwani.

Jeremías 32:31

Noqa nillanipuni: Kay llajtaqa sayarichisqa kasqanmantapacha kunan p'unchaykama k'arajta phiñachillawan. Chayraykumin kay llajtata ñawpaqeymanta chinkarparichisaj.

Jeremías 52:28

Nabucodonosor qanchis watataña kamachishaspa, Judá suyumanta 3.023 runakunata Babiloniaman apacherqa.

Ezequiel 22:3

Chay llajtata ninki: Tukuyta Kamachej Tata Dios kay jinata nisunki: Qanpi tiyakojkunata wañuchej llajta kanki, lantikunatataj yupaychaspa ch'ichichakunaykipaj ruwakunki. Chayrayku jasut'isqa kanayki p'unchay chayamusonqa.

Ezequiel 24:6

Tukuyta Kamachej Tata Dios kay jinata nin: Ay, imachus kanqa runa wañuchi llajtamantaqa. Chay llajtaqa millay akakipasqa mankaman rijch'akun, chay akakipasqataj mana mayllay atina. Chantá mankaman churasqaykita orqhoy ujmanta uj, kantumanta mana ajllaspa.

Amós 3:6

Sichus llajtapi pututu waqan chayqa, runakuna qhollpirakuyta qallarinku. Sichus ñak'ariy llajtapi rikhurin chayqa, Tata Diosmin chayta apachimun.

Miqueas 2:10

Chayrayku jatarispa, puririychej, kayqa mana samarikunaykichej cheqañachu. Kay cheqaqa juchawan ancha ch'ichichasqa, chayraykutaj chinkachisqa kanqa.

Deuteronomio 28:63

Imaynatachus ñawpajta Tata Dios qanta yanapaspa, mirachispataj kusikorqa, ajinallatataj qanta tukuchispa, chinkachispa ima kusikonqa. Qanqa jap'inki, chay jallp'aman tiyakoj yaykunki chantá chaymanta qharqosonqa.

Deuteronomio 29:28

28 (27) Sinch'i k'arajta phiñakuspataj, paykunata karu suyuman wijch'orqa, imaynachus kunan kashanku, ajina, nispa.

Josué 23:15

Chaywanpis imaynatachus Tata Diosniykichej sumaj nisqanta junt'arqa, ajinallatataj Tata Diosqa tukuy imaymana llakiykunawan ñak'arichisonqachej, sumaj jallp'ata qosusqaykichejmanta mana uj puchuyoj tukukunaykichejkama.